Percival Lagda Buncab

Si Percival Lagda Buncab Jr., Onyok para sa kanyang mga kababata, ay isang literary artist galing Cembo, Makati. Nagsusulat siya ng iba't ibang panitikan kung saan bawat libro ay simbulismo ng isang punctuation mark. Layon niya ring imapa ang mga kuwento ng mga nakatirá sa mga barangay sa kahabaan ng Kalayaan Highway, Makati.	



Nagtatrabaho siya bílang proofreader at translator, at may sapat na sahod para makabili ng Creamylatte at extra rice. Pinarangalan ang ilan sa mga kuwento niya sa Polytechnic University of the Philippines, kung saan naraos niyang magtapos ng journalism, sa kabila ng pasákit ng Irritable Bowel Syndrome. Nag-aaral siya ng philosophy at literature sa higáan, sa pagbabasá ng mga librong naiskor niya sa Booksale. 	



Minor siya nang tanggapin ng isang publisher para i-launch ang una niyang libro sa Manila International Book Fair. Na-publish na siya sa ilang nangungunang diyaryo at magazine sa Pilipinas, gaya ng Inquirer at Liwayway. Sa kabila ng taon-taóng pagpapása ng iba't ibang entries, hindi pa rin siya nananalo sa Palanca.