ပြတင်းပေါက် ဖွင့်လိုက်သည်။
ခပ်စိမ့်စိမ့် တိုက်ခတ်လာသော လေပြည်ကြောင့် အပြင်သို့ လှမ်းမကြည့်မီ ဝေယံ အသက်ကို ခပ်ပြင်းပြင်း ရှိုက်ပြီး ရှူမိသည်။ အိပ်ရာထစ တစ်ကိုယ်လုံး နွမ်းနယ် ရီဝေနေသမျှ ချက်ချင်း လန်းဆန်းသွားတော့သည်။
ဂျပန် နိုင်ငံ၏ ဆောင်းဦး ရာသီက ချမ်းမြ စိမ့်ခဲသော အအေးဓာတ်ကို ပေးစွမ်းသည်။ လက်ဖျား၊ ခြေဖျားတို့ မသိမသာ အေးကျင်လာသည်။ မနက်ခင်း လေညင်းကို ဝေယံ အံတု ယှဉ်ပြိုင်နိုင်ခြင်း မပြုသာတာမို့ ခပ်လှမ်းလှမ်းရှိ အဝတ်ချိတ်ပေါ်မှ ဆွယ်တာ အနွေးထည်ကို ဖြုတ်ယူလိုက်သည်။ ထို့နောက် ပါးလှပ်လှသော နက်ပြာရောင် ညဝတ် အင်္ကျီပေါ် ထပ်ရုံလျက် အနားစ နှစ်စကို ရင်ဘတ် အထက်၊ လည်တိုင်အထိ ခပ်တင်းတင်း ဆွဲစိလိုက်သည်။
ပန်းနုရောင် အဖြူစပ် ဆာကူရာ ပန်းခိုင်များ ပန်းထိုးထားသည့် ခန်းဆီး လိုက်ကာစကို ဖယ်ပြီး အပြင်သို့ ဝေယံ လှမ်းကြည့်သော အချိန်တွင် ပတ်ဝန်းကျင် တစ်ခုလုံး ရောင်စုံ ရွက်ကြွေများဖြင့် လွှမ်းခြုံလျက် ရှိသည်။ နီညိုရောင် ဖြန့်ကျက်လျက် တွဲလဲခိုနေသော သစ်ရွက်တို့က ရိုးတံကျဲကျဲ အကိုင်းအခက်များတွင် နီ တစ်လှည့် ညို တစ်လှည့် ပြန့်ကြဲနေတာမို့ အလှပဆုံး မြင်ကွင်းကို ပေးလေသည်။မြင်လေရာရာ အရောင်စုံ။
လိမ္မော်၊ အနီ၊ အညို၊ အဝါနှင့် မီးခိုး။
သဘာဝတရားကြီး ဖန်ဆင်းထားသော စုတ်ချက်ရာများသဖွယ်။
နိုဝင်ဘာလ၏ ဆောင်းဦးလေတွင် ထုံသင်း နူးညံ့သော မွှေးရနံ့ တစ်ခု ပျံ့လွင့်နေသည်။ အဝေးဆီမှ နွေဥတု၏ တိတ်တဆိတ် နှုတ်ခွန်း ဆက်သမှုပဲ ဖြစ်သည်။
ဘဝမှာ တစ်ခါမှ မျှော်လင့်မထားခဲ့မိသော ဂျပန် နိုင်ငံ ကျိုတိုမြို့၏ ဆောင်းဦး ပတ်ဝန်းကျင် အလှဟာ ဝေယံ့အတွက် ကဗျာဆန်လွန်းလှသည်။ ထိုမျှမက စိတ်အာရုံ တစ်ခုလုံးကို လွှမ်းခြုံ စိုးမိုးထားနိုင်သည်။ခန်းဆီး လိုက်ကာစကို အဆုံးထိ ဆွဲတင်ရင်း ပတ်ဝန်းကျင် အလင်းနှင့် ဆောင်းဦး အလှများအား အိပ်ခန်း အတွင်းသို့ မြိုင်ဆိုင် ပျံ့နှံ့စေချင်ပေမယ့် ခုတင်ပေါ်တွင် နေသူရိန်မင်းခန့် နှစ်ခြိုက်စွာ အိပ်မောကျနေဆဲ ဖြစ်သည်။ ဆန္ဒကို ဝေယံ ခဏ မျိုသိပ်လိုက်သည်။
DU LIEST GERADE
SUN { Season 1 }
RomantikChoose me or Lose me ? I don't want to be your second CHOICE ! Start Date : 4th Feb 2022 End Date : 4th Nov 2022