ابنج ...وين ......ساعة السوده الخلفته بيهه....مرمرني هالولد ... اخرتي علي ايده هالمستهتر
ام عماد/هسه على جيه ...توني خابرته
خل يجي السكط .....اني اله ... هذا صدك استحق زواج...بلكت من يتزوج يعقل ويحس بالمسؤليه شويه
ام عماد/..مو كتلك من زمان خل نزوجه
طبعآ اني واكف يم الباب واسمع صياح ابويه ...... وقراراته
دخلت مبتسم ......احلى حجي والله .....باوعلي بعصبيه
زياد ....بيش الساعه
بالوحده يابه
بعصبيه وال٥٥ دقيقه وين راحت
لا يابه ال ٥٥ متنحسب لو ٦٠ دقيقه بيهه مجال ..مااحس اله النفاظه انشمرت عليه .....رجعت الي وره .....
.شنو سالفتك يابه
فتح عينه حيل ......باوع زيااااد جر عدل احسن الك ...تره وصلت الخشمي وياك
ام عماد /على كيفك يا ابو عماد هسه يوكف كلبك
عسااا بالوكفه واخلص.....
يابه تره كبرت السالفه هو جنت انركل يم جماعتي
لتخليني اسبك واسب جماعتك ....زياااد هاي اخر انذار الك ..ب١٢ ينقفل الباب تجي ب١٢ ودقيقه ....مينفتح الباب ..
عافني ودخل ....ركع الباب حيل
ام عماد /اوووف يا زياد يوميه هالاسطوانه اله يوم ويوكف كلبه ابوك من وراك
شنو السالفه تره هنا اني بالمنطقه الي يسمعكم يكول من ذولي اليشربون
دلال/اي علساس متشرب انت
انتي سكتي لا هسه اذب حركة الدنيا بيج .....امشي سويلي زقنبوت
والله اني نعسانه اريد انام وباجر ورايه دوام
ام عماد/روحي صيحي الخاتونه دعاء خل تحرك روحهه
دلال/والله عن نفسي اني مااتحارش ب دعاء يريد هو يروح يكللهه ...مو حظرته جاي بنصاص الليالي ويريدنه احنه نسويله اكل
زياد/اشو اليوم انتي تسويلي وغصبآ ماعليج
دروح ..بابا غصبآ ماعليه شنو احترم نفسك اني اكبر منك
ولج شو انتي تتجاوزين ....اني رجال حتى اذا اكبر مني اطيح حضج ..ردت الزمهه واضربهه ....طلع ابويه ....وعاط
شنو هالصوت العالي .....امشو نامو ...مااريد نفر يبقه هنا
استغفر الله ياربي ...بكلبي ...ابويه طبعه صعب محد يتجرأ يوكف بوجهه اكبر واحد ...ماعدا عماد ...مو يوكف بوجهه بس هو والدي ...يحترم كلمته .....
صعدت الغرفتي .....كلبت بموبايلي ...وخابرت بالتسلسل .. بديتهه ب مروه ونهيتهه باسماء ...صارت بال ٧ الصبح
