Ang Tanga Kong Ex-Wife ✔️ [Completed Na Ito!!!!]

Kabanata 24

Estes

Bago ako pumasok sa trabaho, niloob ko muna daanan si Aine sa kwarto nila. Ang gusto ko sana sa kwarto ko sa na nga siya matulog, tulad ng dati. Kaso parang pipi ang bibig ko tungkol sa kung ano na nga ba kami. Naninimbang pa kasi ako, lalo na ngayon nakita ko na yung lalaki na nakasama niyang magtaksil sa akin. Kailangan ko muna malaman ang buong katotohanan.

Mahimbig pa silang natutulog. Ito namang si Kyla sinolo ang kama. Parang hindi babae. Tiningnan ko naman ang magandang babae na tinitibok ng puso ko. Mahimbing lang siya na natutulog sa gilid ng kama. Pumunta ako doon, tumalungko ako, para makita ng malapitan ang kaniyang magandang mukha.

Napaka amo ng kaniyang mukha habang natutulog. Nalulungkot lang ako na hindi ko na siya makakasama sa pagpasok, pero mabuti narin na hindi ko siya makasama. Baka makapatay ako ng kampon ni Satanas. Sa huli, dinampi ko lang ng saglit ang aking labi sa kaniyang noo.

"Mahal parin kita." bulong ko. Hindi ko alam kung narinig niya yun. Ngumiti kasi siya ng sinabi ko yun.

"Mahal din kita, Estes." mukhang nananaginip siya. Napangiti naman ako nang matamis dahil sa kaniyang tinuran na 'yon. Kahit sa panaginip kasama ko rin siya, nakakatuwa. Tumayo na ako ng maayos at umalis na ng kwarto nila.

Sa pagpasok ko ng opisina nakasabay ko naman ang babae na pinaka iiritahan ko. Hindi naman niya ako nilingon. Tahimik lang kami ng nasa elevator kami.

"So, kamusta naman ang Ex-Wife mo?" nangangamusta talaga siya. Napakunot naman ang noo ko, kaya tiningnan ko siya.

"Bakit mo naman tinatanong? At isa pa bakit nandito ka?" hinarap na niya ako ng walang kaemosyon-emosyon ang mukha. Niirita talaga ako sa kaniya.

"Sa tono mo na 'yan parang ayaw mo akong makita? Samantalang dati lagi tayong magkasama." ngumuwi siya ng mapait, na parang may isang bagay na sumagi sa kaniyang isip.

Noon hindi ako naiirita sa kaniya pero ewan biglang nag iba.

"Nga pala, hindi ikaw ang pinupuntahan ko dito." inalis na niya ang pagkakatingin sa akin at humarap na siya sa labasan ng elevator. Hindi ko namalayan na bukas na ito, kaya nauna ng lumabas si Olivia. Ano naman ang gagawin niya sa CEO's Office?

Hinabol ko naman siya at hinawakan siya sa braso. Pinilit naman niyang tanggalin ang kamay ko sa braso niya.

"Ano ba?!" galit niyang sabi. "Kung namimis mo ako, sabihin mo lang!" natawa naman ako sa sinabi niya na yun. Ako? Mamimiss siya? Mamimiss ko siya sa kama. Tsk. Yun lang.

"Bakit ka nandito?" tanong ko.

"Bakit ko naman sasabihin sa'yo?" mataray niyang sagot.

"Olivia! Anong nangyayari dito?" bigla namang sumulpot si Francis. Parang kahit maaga gusto kong bumasag ng mukha. Teka? Bakit sila magkakilala?

Lumapit naman si Olivia kay Francis, na animo'y takot na takot siya sa akin. Ano kaya ang koneksyon nila sa isa't-isa?

"Kuya, pinipigilan niya akong pumunta sa'yo. Akala niya kasi siya ang pinupuntahan ko. Kuya siya kasi yung Ex ko." Para na siyang best actress sa arte niya ngayon. Mukhang napaikot naman niya, si Francis sa sumbong niya.

"Hindi ikaw ang pinupuntahan niya dito. Ako! At wala ng iba." E di, magsama sila paki ko! Ipagdiinan pa ang 'ako.' Teka?

"Bakit tinawag mo siyang, Kuya?" tanong ko kay Olivia. Naguguluhan na kasi ako. Ano ba talaga ang koneksyon nila? Hindi maganda ang kutob ko sa dalawang 'to.

"Kuya-kuyahan ko siya." sagot naman ni Olivia.

"Oo, totoo ang sinasabi niya. Ano naman ang problema don?" mayabang na sabi ni Francis. Nangangati na talaga ang kamao ko na sapakin siya.