BHO CAMP #7: The Moonlight

Chapter 1: Nostalgia

AIERE'S POV

"Ma'am here's your Hibiscus tea with pomegranate pearls."

Nag-angat ako ng tingin mula sa tanawin sa harapan ko at ibinaling ko iyon sa nagsalita. Nakangiting mukha ng Starbucks employee ang nabungaran ng mga mata ko. Ibinaba niya sa lamesa ang inorder ko na inumin at sa pagtataka ko ay may sinunod siya na platito ng cheese cake.

I look up from the saucer, "That's not mine."

"It's on the house ma'am."

Sinundan ko na lang siya ng tingin nang pagkasabi niyon ay magalang na nagpaalam na siya at tumalikod para umalis. Hindi ako mahilig sa cheesecake. I hate cheesecake. Gusto ko sanang sabihin sa kaniya pero nakakahiya naman. Ako na nga ang binigyan.

Siguro nagtataka na din sila sa akin. Ako lang kasi ang nag-iisang tao dito sa pangalawang palapag ng establishimento rito sa branch nila sa Tagaytay Magallanes at idagdag pa na magdadalawang oras na ako dito. Nakakadalawang order narin ako ng inumin ko.

This place has one of the best view, I admit that. Iyon nga lang madaming ibang mga kainan dito at inuman dahilan kaya laging dinadayo. Sometimes it can be too crowded so I'm just really lucky today. Food strip kasi to sa Tagaytay. Normally kapag naiisipan namin ng kakambal ko na si Fiere na umalis sa BHO CAMP ay sa hindi matao kaming food spot pumupunta. Marami naman kasi basta alam mo lang kung saan ka maghahanap.

But now my brother is a newly husband to his wife kaya paniguradong hindi mapaghihiwalay ang dalawang 'yon. Saka isa pa busy din ang mga tao sa BHO CAMP ngayon dahil sa dami ng pumapasok na mission. Ako lang ang isa sa mga hindi kumuha kaya nagkaroon ako ng free time.

I work for BHO CAMP. A leisure place in a secluded and magical place in Tagaytay. I usually work as a waitress for Craige's, a restaurant in the place or sometimes I tend the bar at Paige's. Pero ang lahat ng iyon ay cover lang para sa isang importanteng bagay. I work as a secret agent for BHO CAMP. We do under covers, surveillance, security, criminal investigation, and anything that our job seeks for. We grew up to that kind of environment. Mga secret agents din kasi ang mga pamilya namin at kami ang mga nagmana sa kanila.

We don't have a normal life but we try as much as possible to have 'normal' integrated in our lives. Well not that normal. Malakas kasi ang trip ng mga tao sa BHO CAMP. Palibhasa kasi ay mga sanay sa adrenaline-pumping activities. Kaya kung hindi halos pasabugin na nila ang lugar sa sobrang kakulitan nila ay mga kapwa agent naman nila ang napagtitripan. Right hindi pala dapat 'nila'. Kasama din ako sa kanila dati hindi nga lang kasing lala katulad ng mga magulang ko.

Minsan nga tinatanong ako ng mga kasamahan ko kung bakit daw hindi ako nagmana sa mga magulang ko. My parents Wynd and Autumn Roqas are known for their mischievous deeds. My brother and I are not like them, yes, but we both have our own way to show how terrible headaches we can be.