The Possessive Gangster

TPG XXXIII

Ilang sunod-sunod na katok ang pumukaw sa atensyon ko. Parang wala ako sarili nang tumingin ako sa pinto.

"Hija, apo? Bangon na! May pasok ka pa" rinig na rinig ko ang boses ni lola Asuncion kahit medyo malayo ang pinto ng kwarto ko sa kama na kinauupuan ko ngayon.

Kanina pa 'ko gising pero nanatili lang akong nakaupo sa kama habang malalim na nag-iisip tungkol sa mga nangyare.

"Opo! Maliligo na po ako" hindi ko na narinig ang sagot ni lola.

Ilang minuto pa akong nanatili sa pagkakaupo bago ko napagpasyahang tumayo at pumasok sa banyo. Balak ko sanang mag-toothbrush pero napatigil ako nang makita ko sa salamin ang labi ko. Hindi ko na namalayan na hinawakan ko na pala ito.

Nararamdaman ko pa rin ang labi nya sa labi ko....at sa balat ko

Ilang beses nang naglapat ang mga labi namin. Ilang beses na 'kong tumugon sa mga halik nya pero ang nangyare sa isla ang kauna-unahang pagkakataon na halikan nya 'ko ng ganun. Kakaiba sa pakiramdam at hindi ko maipaliwanag ang sensasyong naramdaman ko.

Nakauwi na kami't lahat pero hindi pa rin mawala ang kakaibang pakiramdam ko ngayon.

Pinilit kong alisin sa isip ko ang mga nangyare at nagsimulang mag-asikaso ng sarili. Medyo natagalan pa 'ko dahil madalas akong natutulala habang naliligo.

Tahimik akong bumaba pero pinilit kong ngumiti para hindi sila mag-alala. Nakangiti ko silang binati at hinalikan sa pisngi pero nawala din ang pilit kong ngiti nang makita ko si dad. Ngumiti naman sya sakin pero kilala ko sya, alam ko kung kelan totoo o hindi ang ngiti nya.

"What's wrong, dad?"

"Nothing, sweetie. I'm just tired" tumango nalang ako. Nagkunwari akong naniwala kahit malakas ang kutob ko na may pinoproblema sya.

Mabilis kong inubos ang pagkain ko. Nagpaalam agad ako sa kanila para makapunta agad ako sa school. Tulad ng inaasahan, maaga akong nakapunta sa school kaya tumambay muna ako sa main garden. Dun ako umupo at nagpahangin. Gusto ko sana ng tahimik ng lugar kaya lang-

"Couz kooooooo!" Heto nanaman ang pinsan kong parang laging may kaaway sa kanto.

"Hey" tipid na bati ko dito. Sinenyasan nya ang mga bodyguards namin na medyo lumayo at agad namang sumunod ang mga ito. Niyakap nya 'ko ng pagkahigpit-higpit na halos hindi na 'ko makahinga.

"OMG! OMG! Finally nagkita na tayo! I miss you so much, couz. You know naman, ikaw lang ang nakakatiis sa ugali ko, right? Wala tuloy akong makausap. Tapos inaway nanaman ako ng inaway ng bwiset mong pinsan! Sino pa ba? Eh di si Einstein na napakasungiiiit! Like, what the heck diba? But I'm so happy na you're here and I can talk to you na"

Medyo napaawang ang bibig ko sa haba ng sinabi nya na hindi naman gaanong nakakapagtaka. Hindi ako nakaimik. Hindi ko alam kung saan ako ako mangangapa ng sasabihin ko sa kanya.

"Wait! Oo nga pala! I heard you and Sean had a vacation together? Yieeeee kwento ka daliiii. Ano, homerun na ba?"

Home run? May narinig ba sya na nagbaseball kami?

"Huh? A-anong home run?"

"Ano baaaa! First base, second base, third base-"

"Teka nga, ano bang sinasabi mo? Hindi naman kami nagbaseball"

"Gaga! Anong baseball ang sinasabi mo dyan? Ilang araw kayong wala ng kayo lang kaya imposibleng walang nangyare sa-"

"Teka teka. Anong sinasabi mong nangyare? Linawin mo nga"

"Nag-sex na kayo no?" nanlaki ang mga mata ko at kusang gumalaw ng kamay ko para hampasin sya ng malakas sa braso nya.

Susko! Saan naman nanggaling 'yun?! Kapag ba umalis ang dalawang tao, automatic na may mangyayare na sa kanila? My gosh, san ba gawa ang utak nito at masyado na atang napinturahan ng berde.