Hindi mapakali sa tuwing ika'y naririyan
Hinahanap-hanap ka sa tuwing hindi ka nasisilayan
Hindi mawari kung ano ba itong nararamdaman
Pag-ibig na nga ba ito, dapat ko bang pigilan?
Wala ng iba pang hihilingin
Sana balang araw ako'y mabigyan mo ng pansin
Hanggang kailan ko kaya ito kikimkimin
Ang aking lihim na pagtingin
Palihim na nagmamasid habang malayo ang tingin
Sinubukan na ang lahat upang ako nama'y mapagtuunan ng pansin
Wala ng ibang nais na gawin, kundi ikaw ay aking pangarapin
Kailan ka kaya magiging akin?
Hanggang kailan ko kaya ito gagawin?
Hanggang kailan ako aasa na sana minsan sa buhay ko, ako nama'y iyong mamahalin?
Dapat ko bang sabihin ang aking damdamin?
O mas makabubuti ba na ikaw ay aking lilimutin?
