لو سمحتي أبعدي من الشارع الشارع دا م حقك ولا مسجل ليك ملكية خاصة عشان تقيفي لينا في نصو كدا يعني ما سامعاني لو سمحتي أبعدي عشان م اضطر اضربك بالعربية بينو وبين نفسو البت دي مجنونة ولا شنو لا بتسمع ولا بتتحرك اللهم طولك ياروحي ألقاها من يومي الطويل وزحمة الشغل ولا منها يابت انتي ما سامعاني انا لو نزلتة من العربية م ح يحصل خير ياربي البت دي ليه م بتتحرك اول م فتح الباب وعايز ينزل شافه وقعت من طوله اتخلع وقام جرى عليها بحاول يفوقه م قدر شاله وختاها في العربية وجرى بيها أقرب مستشفى دخله المستشفى الدكتور فحص ليها لقاها عندها هبوط حاد وكل دا وهو واقف برا الغرفة الدكتور كتب ليها علاجات واداها دربات طلع برا اول م طلع سألو يادكتور كيفه قال ليهو بخير بس لسه م فاقت عندها هبوط حاد السبب شنو قال ليهو انا م عارف السبب لقيته في الشارع بالحالة دي وجبتها المستشفى الدكتور سألو يعني م بتقربه قال ليهو خالص يادكتور قال ليهو طيب نستنى عليها لما تفوق نعرف منها أهلها وين والسبب الوصلة للحالة دي شنو قال ليهو طيب ح تفوق بعد كم فترة يادكتور قال ليهو احتمال بعد ساعة أو ساعتين قال ليهو طيب ح انتظر عشان اوصله لي أهله م بقدر اخليها كدا الدكتور قال ليهو طيب ماف مشكلة أثناء م كان منتظر على الباب الدكتور تاني جاهو راجع قال ليهو محتاجين للأدوية دي من الصيدلية شال الروشتة نزل جاب الأدوية وجا دخل الغرفة لقاها لسه م فاقت قعد على الكرسي المقابل سريره وفجأة سرح فيها وفي ملامحه وبقى يقول بينو وبين نفسو ياترى قصتك شنو والسر شنو الخلاك تطلعي نص الليل وتمشي بالطريق المقطوع اللقيتك فيهو واهلك وين ومنو وليه م فقدوك ولا وقفوك لما طلعتي وليه بت صغيرة في عمرك دا تصل للمرحلة وشنو الحاجة الغامضة في حياتك خلتك تصلي للمرحلة دي دي كلها كانت أسئلة جواهو لحد م بدت تفوق وتحاول تفتح عيونه قام من مكانو مشى نادى الدكتور وقال ليهو بدت تفوق الدكتور جا شافه لقاها فاقت قال ليها حمدالله على سلامتك م ردت ليهو الدكتور بعدها قال ليها ارتاحي شوية ح امشي واجي اقيس ليك ضغطك طلع الدكتور خلاهو لسه في الغرفة وهي راقدة على السرير بتحاول تخبي دموعه قعد في مكانو وقال ليها سلامتك م ردت عليهو بعدها قال ليها انا هاشم الاسعفتك كمان م ردت تاني أتكلم معاها قال ليها ممكن تديني رقم ناس البيت اتصل عليهم عشان اطمنهم عليك لأنهم ح يكونو خايفين عليك شديد فجأة قامت تبكي من غير م تتكلم قال ليها ليه بتبكي حاولي إنك تهدي وتتكلمي عشان اكيد في ناس بتكون خايفة عليك لازم تطمن عليك وتعرف إنك بخير اول م اتكلمت قالت ليهو اطمن م عندي حد يخاف علي قال ليها ليه بتقولي كدا مستحيل يكون ماف حد م بيكون خايف عليك خاصة وانو الوقت متأخر وانتي اكيد طلعتي من البيت قالت ليهو لا ماف جا الدكتور راجع فحص ضغطها قال ليها بعد كدا انتي كويسة وخلاص بعد كدا ممكن تطلعي بقت تبكي وتقول للدكتور اطلع امشي وين م عايزة اطلع انا خليني قاعدة هنا الدكتور قال ليها م ممكن انتي مريضة وحالياً اتحسنتي ولازم تطلعي قالت ليهو اطلع امشي وين وكل دا كان هاشم بيسمع في الكلام وكان بقول في نفسو معقول م عندها أهل طيب جات من وين وكانت قاعدة وين اصلا قالت ليهو طيب يادكتور ممكن بس اقعد لحد الصباح وبكرا من الصباح ح امشي قال هاشم قال ليهو طيب يادكتور انا ح اسوقه معاي الدكتور قال ليهو طيب وطلع وهي رجعت سكتت من جديد هاشم طلع مشى جاب ليها أكل وجى قال ليها اكلي واصلا الهبوط كان بسبب إنك ليكي فترة طويلة م اكلتي قالت ليهو م عايزة م جعانة قال ليها لا لازم تاكلي ل
لو م اكلتي تاني ح يغمى عليك مدت ايدا بدت تاكل هو طلع عشان يخليها تأكل براحته خلصت أكل جاها قال ليها يلا نمشي قالت ليهو ح امشي وين قال ليها ح اوديك بيت خالتي هي زي امي واكتر وهي وحيده عايشة براها في البيت ح اوديك ليها تقعدي معاها لحد لما تتصرفي وتلقي ليك محل قال ليها لاني عايش براي م بقدر اخليك تمشي معاي البيت قالت ليهو حاضر طلعو بعدها ركبت معاهو في العربية كانت تقريباً الساعة ماشة لي 2 صباحاً شال التلفون اتصل اول م بدأ يتكلم قال ليها اطمني ياماما إشراقة انا كويس والله وانا أسف لاني خوفتك بس عايز اقول ليك إني جاي عليك في البيت في ضيفة جايبه معاي عشان تقعد معاك يومين اول م اصل ح احكي ليك
يتبع....
