The Gap Between Us

TGBU 12

Kabanata 12- Paasa

Ella's POV

Hapon na. Siguro mga 3 or 4 pm na. Nakadungaw lang ako sa bintana habang pinagmamasdan yung mga bata na naglalaro sa labas.

They were all happy na hindi mo aakalain na hindi pa malaya ang bansang ito sa panahon na 'to. They were all playing taya tayaan at kanina naman ay hide and seek. Nakakamiss din pala. Sa Manila kasi, konti nalang ang mga bata na naglalaro sa labas ng ganyan. Madalas ay gadget na ang pinagkakaabalahan nila.

I'm not against technology dahil isa akong millenial. Na sanay na kong may gadget around. Nung grade 7 hanggang 9 nga ako ay parang hindi ko kakayanin kapag wala akong cellphone at kung walang internet sa bahay.

Pero seeing these kids play, nakakapaghinayang yung generation sa present. Kahit pinagpapawisan na sila ay masaya parin sila. Nakakapagod yung magtatakbo sa labas pero nakakaenjoy parin.

I remember playing chinese garter, ice ice water, sili at water(ata tawag dun), tagu-taguan, bente uno, piko, luksong tinik at luksong baka, mataya taya, bakal bakalan, langit lupa, agaw base smthn, at hindi ko na matandaan yung iba.

"Ella, mamamalengke lang ako" sabi ni Ate Rosa habang hinahanap yung tsinelas niya.

Oo nga pala, Ate Rosa na yung itatawag ko sa kanya. Wala lang, parang gusto ko lang maranasan na magkaroon ng sister at itawag siyang ate.

Alam kong hindi siya nakapamalenke kanina dahil sakin. Dapat pagkatapos namin mamili ng damit ay didiretso kami sa palengke pero dahil dun sa nangyari kanina, hindi natuloy.

"Sasamahan kita" sabi ko at tumayo na. Hindi pa naman ako nagbibihis at suot ko pa rin yung sinuot ko kanina pagsimba.

"Huwag na, alam kong hindi pa mabuti ang iyong pakiramdam" sabi niya at nagaalalang tumingin sakin.

I don't know. Hindi ko naman kamaganak yung lalaki sa simbahan kanina pero bumibigat yung pakiramdam ko pag naaalala ko. Pero kapag titingnan ko ang iba o kaya si Ate Rosa, para bang sanay na sila na nakakakita ng ganoon.

"Ayos na ko. Sasamahan kita dahil ayoko rin naman maiwan magisa dito sa bahay" sagot ko at nauna ng lumabas ng bahay.

Sabagay. I'm not from this timeline kaya ganun. Well, alam ko naman na ganun talaga ang mga Kastila sa panahon na ito. They were evils kaya maraming nagisip na lumaban against them dahil sa kahigpitan nila. But I wasnt ready na makapanood ng live na may papatayin at sa harap pa talaga ng simbahan.

Napailing iling ako at inalis yung thought na yun. Ayoko na magdrama pa. Siguradong marami pa akong makikita na kasamaan ng mga kastila sa mga susunod na araw.

Naglakad lang kami ni Ate Rosa papuntang palengke. Hindi rin naman kasi 'to malayo katulad ng sa simbahan. Tsaka wala naman kaming kalesa para may sakyan.

"Saglit lang, bibili lang ako ng gulay. Dito ka muna dahil tatawid naman ako pabalik. Doon tayo pupunta pagkatapos para bumili ng rekados" sabi ni Ate Rosa at tinuro yung tindahan ng gulay sa kabilang side tapos tinuro yung gilid ko na may daanan papasok pa sa loob ng palengke. Tumango naman ako at inintay siya dito sa isang tabi.

Medyo kaunti nalang ang namamalengke. Nasabi ni Ate Rosa na mas maraming namamalengke tuwing umaga dahil sa umaga mas sariwa ang mga paninda.