Kung ang aking akda'y iyong natipuhan
Maraming salamat, bago kong kaybigan
Mayron lang tagubiling sa iyo'y iiwan
Nawa'y di angkinin at walang kopyahan
Ang bawat akda ko ay pinagpaguran
Isip, puso't oras, dito ko nilaan
Maaring sa iyo, sila'y simple lamang
Sa akin ay yamang di mababayaran
Ang bawat tao ay may dunong na likas
Minsa'y nakatago kaya't di mamalas
Panulat na hawak malayang ikumpas
Wala ditong bawal pagkat walang batas
Kung nais mo namang ito ay hiramin
Wag kaliligtaang ngalan ko'y banggitin
Upang kahit pano'y kanilang mabatid
Na ang binabasa'y nanggaling sa akin
Ang iyong pagkopya kung walang paalam
Ay matuturing kong kawalang-paggalang
Pagkat tulad nito ay ang pagnanakaw
Pag-angkin sa isang di pinaghirapan.
Humayo't subukang gumawa ng iyo
May layang sulatin anuman ang gusto
Hanggat may paggalang sa ibang pananaw
Anumang akda mo'y bibigyang respeto.
__________________________~~*~~__________________________
Salamat sa panahong iniukol mo sa aking pahina - ito ang nagbibigay dahilan sa akin upang patuloy na sumulat at magbahagi. Sana'y mabasa mo rin ang iba ko pang mga tula at kwento at makalikha ako ng ngiti/luha sa 'yong mukha. Hindi ko sasayangin ang panahon mo. Lubos kong ikaliligaya kung makapag-iiwan ka ng iyong rekomendasyon, puna o anumang reaksyon patungkol sa aking akda.
Nagmamahal,
Sami Bathan de Ramos
BINABASA MO ANG
SA BABASA NITO
PoetryIto po ay tulang paalala para sa lahat. Maaaring hangaan ka kung aangkinin mo ang alin mang akda dito sa wattpad o mula sa anumang libro, ngunit hindi ka magiging lubos na masaya dahil alam mo sa sarili mong hindi ito sayo. hehe. Sermon?