TheFrustratedPoet

Follow

ANG BABAENG PINAKAUNA KONG MINAHAL 
code0708111986

Ikaw ay ang puno at kami ang bunga na sayo’y nanggaling

Ang mga sanga mo ang siyang yumakap sa gabing madilim

Gabay at kalinga ang hatid ng iyong mayabong na lilim

At ang iyong ugat na kapit sa lupa ay nakakagaling.


Di matutumbasan ang lahat ng gabing ginawa mong araw

Di mapapalitan ang yong pagpapagod na aking natanaw

Ang bawat sandali na kapiling ka ay di mahihigitan

Ng kahit anong yaman na nakakabulag at nakakasilaw.


Salamat sa Diyos at ikaw ang handog, aming naging nanay

Di mapipintasan, walang masasabi sa iyong paggabay

Sa munting tahanan, ang iyong presensya ang s’ya naming ilaw

Ang iyong pangaral na hindi maubos ay walang kapantay.


Kami ang sumaksi sa lahat ng iyong sakripisyo’t hirap

Huwag mong lilimutin na hindi lang dal’wa ang iyong balikat

Pagkat ang sa amin ay handang sandalan, bigyan lang lingap

Kaming iyong bunga, di ka iiwanan kahit sa hinagap.


Kay ikli ng buhay, ang adya ng Diyos, sa huli’y pipikit,

Nawa ang buhay ko’y idugtong sa iyo sa 'tulot ng langit.

Ang kaginhawahan at lahat ng saya ay iyong makamit

At matakpan noon, mga karanasang nagdulot ng pait.


Nawa ay bigyan pa ng mahaaaabang taon ang ating samahan

Nang aming mabalik at sayo’y mabigay ang di pa nakamtan

Nawa ay ramdam mo aming pagmamahal kahit di mabanggit

Nawa’y malaman mo na ikaw ang “dabest” at walang hihigit.



Happy Mother's Day Mami.


copyright*

SALAMAT PO SA PAGTANGKILIK! 09084300372 - number ko.. hehe