LEGENDARY DEVILS TRILOGY BOOK 3: DEVIL'S WHISPER (SOON TO BE PUBLISHED)

6. RUN, MARICON! RUN!

OMG! Si Paul Wesley ba ito?

Hindi pa rin makapaniwala si Maricon. Dalawang beses niyang namulatan ang lalaking hawig ng actor at nagugulantang siya sa kaguwapuhan nito.

Lahat nang palabas ng actor, napanood na niya. Mapa-movie man iyon o TV series. Pinaka-paborito niya ay ang Vampire Diaries. Dahil nga sa naturang TV series ay nakagawa siya ng gothic romance na book series. Kilig na kilig talaga siya to the highest level. Ito ang nagiisang lalaking kinukuhanan niya ng kilig para makasulat ng mga kilig moments.

"Maricon, let's talk." masuyong tanong ng lalaki.

Napasinghap si Maricon! Kaboses nito si Paul! Napahawak si Maricon sa buong ulo. Nababaliw na ba siya? Ano'ng ginagawa ni Paul doon? Totoo ba ang lahat ng iyon?

"You gave me no choice." napipilitang saad ng lalaki at pumitik.

Nagulat si Maricon ng humagis sa ere ang kumot. Mulagat siyang na-expose. Nakatayo na ito sa tabi niya. Tiim na nakatitig samantalang siya ay nanginginig na sa pagkalito.

Hindi na niya naiintindihan ang mga nangyayari. Una, sobrang stressed na siya dahil sa mental depression. Pangalawa ay nahimatay siya dahil sa demonyong nakita. Paggising, ang lalaking hawig ni Paul Wesley ang namulatan. Sino'ng hindi maloloka?

"P-Paul—"

"It's Baldassare," putol nito at pakilala sa sarili.

Natigilan si Maricon at tinitigan ang lalaki. Doon ay unti-unti niyang nasigurong hindi nga ito si Paul. Kapareho nitong maputi at built ng katawan ang aktor. Pati na rin ang igsi ng itim na buhok, tangos ng ilong, pula ng labi at kinis ng kutis ay kapareho. Gayunman, pagdating sa mata ay doon na ito nagiba. Maiitim ang mga mata ni Baldassare. There was this intense hunger in his eyes making it hard for her to breathe.

"B-Baldassare..." pigil hiningang anas ni Maricon at sa totoo lang ay nangingilabot siya. She could feel this man's overwhelming dark aura.

Napaurong si Maricon nang maupo ang lalaki sa tabi. Biglang nanikip ang dibdib niya. Halos hindi na siya humihinga nang iangat nito ang kanang kamay para haplusin ang pisngi.

"Tinakot ba kita kagabi? Hmm..." masuyong tanong nito.

"I-Ikaw iyong demon?" halos hindi na humihingang tanong ni Maricon.

Lumamlam ang mga mata nito. "Yes. That was my demon form." matapat nitong amin.

"S-Shit!" bulalas ni Maricon at takot na tinulak ang lalaki sa dibdib. Agad siyang lumayo. Kailangan niyang gawin iyon! Hindi sira ang ulo niya para makipaglapit dito! Kahit pogi ito! Demon pa rin ito!

Tumakbo si Maricon papuntang pinto at tarantang binuksan iyon. Napamura na lang siya ng hindi iyon mabuksan!

O baka naman dahil sa hindi siya hahayaan nitong makalayo?

"P-Parang awa mo na... h-huwag mo akong sasaktan..." nahihintakutang baling ni Maricon sa lalaking kunot noong nanonood lang. Ni hindi ito kumilos.

"You don't need to plead. Hindi naman kita sasaktan." kunot noong sagot nito at itinuro ang doorknob. "And it's not locked."

Natigilan si Maricon at napatingin sa doorknob. Biglang namula ang mukha niya sa pagkapahiya nang makitang hindi nga iyon naka-lock! Natataranta lang pala siya kaya hindi niya iyon mabuksan!

Pero hindi pa rin siya nagsayang ng oras. Bonggang bulong ang ginawa nito para magpakamatay siya. Hindi siya dapat magtiwala dito! Binuksan niya ang pinto at lumabas!