Ang mga sumusunod na kwento ay base lamang sa malikhaing pagiisip ng sumulat. Kung may mga pangalan, pangyayari, lugar, o bagay na tumugma sa anumang kwento ay pawang nagkataon lamang.
"Pre punta lang ako sa CR. Sabay na tayo umuwi." Sabi ni Marco.
Pumunta si Marco sa CR. Napansin niyang bukas ang gripo ng lababo kaya pinatay niya ito. Napatingin siya sa salamin. Poging pogi siya sa sarili niya habang nagsasalamin ng may bigla siyang narinig na nagpakabog sa kanyang dibdib.
"Mamamatay ka!"
"Huwag! parang awa mo na!"
"Takbo! tumakbo ka na!"
"Huwag... huwag...!"
"Ahahaaha binenta mo na ang kaluluwa mo sa demonyo!"
"Sino yan?" tanong ni Marco.
Sinilip niya ang mga cubicle ng banyo at tinignan kung may kaninong boses ang mga naririnig niya. Nang wala siyang nakita, napatingin siya sa salamin. Kitang kita niya sa repleksyon ng salamin si Amy na nakatayo at duguan. Napasigaw siya sa takot. Agad naman siyang pinuntahan ni Phillip.
"Nakita ko si Amy! Patay na siya!" sigaw ni Marco.
"Paano mo nalaman? Kakatawag lang ng mga pulis dito at ibinalita nila na natagpuang patay si Amy." sagot ni Phillip.
Magkahalong gulat at takot ang naramdaman ni Marco ng malaman niya ang masamang balita mula kay Phillip.
Nang mahimasmasan, napagpasyahan muna ni Marco na manatili sa opisina dahil napakalakas ng ulan sa labas. Nauna na ring umalis si Phillip.
Naidlip si Marco sa kanyang lamesa ng may biglang narinig ulit siyang pag-uusap.
"Huwag! parang awa mo na!"
"Mamamatay ka!"
"Huwag!!!"
Nangilabot muli si Marco ng marinig ang mga boses na iyon. Napagpasyahan ni Marco na buksan ang computer at magfacebook na lamang upang mapawi ang takot na nararamdaman niya. Nang may biglang lumabas sa chatbox niya na nagpakabog sa puso niya.
Abangan ang mga susunod na kabanata.
BINABASA MO ANG
Mga Kwentong Kababalaghan (Book 2)
Mystery / ThrillerAng mga sumusunod na kwento ay base lamang sa malikhaing pagiisip ng sumulat. Kung may mga pangalan, pangyayari, lugar, o bagay na tumugma sa anumang kwento ay pawang nagkataon lamang.
