O aming Ama, ang aming puso't buong buhay ay ipinagkakaloob namin sa Iyo. Sa Iyong hindi napapagod na alalayan kami sa bawat pagsubok na dumarating sa aming mga buhay. Patuloy Mo po kaming inuunawa sa aming mga pagkukulang at mga kasalanan. Palagi pong bukas ang Iyong mga bisig. Laging handang tanggapin ang mga tulad naming nais na magbalik-loob sa Iyo.
Lubha na pong laganap ang kahirapan sa mundo. Tulungan Mo po kaming makakuha ng panibagong lakas sa mga Salita ng Iyong Anak na patuloy na nag-aanyaya sa aming tanggapin ang kapahingahang Siya lamang ang maaaring makapagkaloob. Kamtin po sana namin ang kapayapaan sa Kanyang piling.
Panginoon yakapin po sana kami ng Banal na Espiritu upang mapalis ang lamig na aming nadarama. Tunawin nawa Niya ang lahat ng galit, inggit at pag-aalinlangan sa aming mga pusong patuloy naming inilalayo kay Hesus.
O Ama, ang lahat ay ipinagkakatiwala po namin sa Inyong mga kamay, sa pamamagitan ni Hesus kasama ng Espiritu Santo. Amen.
( Ito ay mula sa Katolikong blog na Sa Isa Pang Sulyap - http://saisapangsulyap.blogspot.com )
YOU ARE READING
Ika-14 na Linggo sa Karaniwang Panahon - 09 Hulyo 2017
SpiritualAng ating Ebanghelyo at mga Pagbasa, Gospel Reflection at Panalangin para sa Ika-14 na Linggo sa Karaniwang Panahon (09 Hulyo 2017). "Lumapit kayo sa akin, kayong lahat na napapagal at nabibigatan sa inyong pasanin, a...
