Siguro, eto na 'yung tinatawag nilang fate. Sino ako? Ako nga pala si Sofia, at pasensya na dahil hindi talaga ako related sa mababasa mo. Hindi naman kasi sa'kin 'tong diary na 'to. Napulot ko lang.
Pero nakakatawa, dahil 'yung may ari nito, parehong-pareho kami, at dahil ayokong malaman din kung anong ending ng storya niya, hindi ko pa binabasa 'yung buong diary, baka kasi pareho din ang mangyari sa buhay ko.
Fate nga ata, diba? Kaya hayaan niyo 'kong ikwento sa inyo and tungkol kay Ms. J at Mr. Y, at kung paano nagsimula ang kwentong ito. Handa ka na ba?
Ako, hindi pa. Pero, pwede na rin...
Kaya eto na.
...
Hindi ko alam kung anong meron sa buhay ko. Simple lang ako, kung idedescribe mo in one word? Average. Medyo interesting ako, medyo nga lang. Medyo may itsura. Medyo matangkad. Medyo ganito, medyo ganyan. Lahat na ng medyo na maiisip mo ako 'yun.
Nakakapagod maging highschool, in fairness lang talaga. Ngayon 'yung isa sa mga araw na talagang gusto ko munang mawala sa mundo, tutal Friday naman.
Pumunta ako sa park, at kahit maraming tao, ako pa rin ang nakapulot ng diary ni Ms. J (itatago ko na muna 'yung pangalan niya). At dito nagsisimula ang storya.
