Never Let Go - Lesbian Love Story (COMPLETED)

Chapter 19 - Part 2

Arci's POV

Pagkaalis ni Kamille, hindi na ako masyadong nakatulog. Medyo nakapahinga na rin ako and wala nang totally yung sakit ng ulo tiyaka pagkahilo. Salamat talaga sa pag aalaga niya. Mga isang oras pa akong nagbabad sa kama pero naligo na ako at nagbihis after ng 1 hour na katamaran na yun.

  

Siyempre, wala naman na akong kailangang office works na dapat tapusin ngayon kase nga nagawa ko na kagabi nung nag mumukmok ako tungkol dun sa nangyari kagabi kila Kamille. Kaya kahit talaga di ako pumasok ngayon, ok lang. Pero of course, nag pa abiso pa rin ako kay Ms. Jean.

  

Nanunuod lang ako ng TV. Ewan ko kung panunuod pa ba ang tawag dun kase halos lipat lipat lang talaga ng channel yung ginagawa ko. Hanggang sa nagsawa ako, nahiga na lang ako dun sa sofa. Day dreaming lang ang peg ko. Haha. 

  

Gusto kong bumawi kay Kamille. Ano kayang oras uuwi yun? Sabi niya lunch time. Ehh ang daming lunch time. Haha. Mula 11 hanggang 1, lunch time eh.. Pano kaya ako babawi? 

  

Nakatingin lang ako sa kisame. Napapatulala minsan kakaimagine ng scenarios sa utak ko. Hmm. Yung una mag papadeliver ako ng food dito. Tapos kakatok siya. Bubuksan ko yung pinto. Papaupuin ko na para bang nasa fine dining restaurant kami.. 

  

Hmp. Di pwede. Kase, siyempre siya nga nag effort kagabi na lutuan ako ng makakain tapos ako papadeliver lang?

  

Hmm. Another scenario. Magluluto ako. Di ko alam kung ano. Tapos dadating siya. Bubuksan ko yung pinto pero agad agad ding magtatago. Maglalagay ako ng mga arrows na nakaturo sa kitchen. Tapos candlelit dinner..

  

Haaa? Ba't dinner? Hindi rin pwede. Walang suspense yung ganun pag tanghali. Kase siyempre, kailangan dim lang yung ilaw. Tapos maraming kabonggahan. Haha. Kailangan pang gumawa ng mga arrows ehh gahol na sa oras. 

  

Speaking of time. Mga isang oras na lang.. Andito na yun. 10:30 na ehh. Hmm. Ano nabang gagawin ko?

  

Hayy. Basta. Ipagluluto ko na lang siya. Taposss. Bahala na. :) 

  

Mas nagiging maayos pa nga yung mga bagay na hindi pinagplanuhan diba? Hehe.

  

Lumabas ako para makabili ng iluluto. Nung makabalik ako, agad agad ko nang sinimulan. Favorite ni Kamille mula high school, alam ko chicken. Hehe. Fried chicken. Pag kasing kumakain kami.. Chicken talaga yung inoorder nun. 

  

Nung matapos ako sa pagluluto, sinet ko na yung table saka naman naghintay sa sala para pag kumatok, agad kong mabubuksan. Hmm. 11:45 na. Malapit na siguro yun.. 

  

Nanuod lang ako ng TV kase medyo nakakabingi yung katahimikan dito. Lipat lipat lang ng channels kase wala pa rin akong mahanap na matinong panoorin. Ayoko naman manuod ng mga variety shows. Di ko hilig yun. Sa movies naman, puro alien invasion nakikita ko so wala din. Hayy. Yung iba puro na lang pang bata tiyaka mga luto luto. Di naman talaga ako nanunuod nun. 

  

Tagal naman niya. 12 na. Hmm. Any time anjan na yun. Kinuha ko yung phone para mag check ng email pero nothing new naman. Di naman din ako nag fefacebook pero tinry kong iopen. Ang dami namang notif. Nakakatamad buksan. Hmm. Kahit na alam kong wala namang nag text, tiningnan ko pa rin yung messages. Hayy. Wala akong magawa. Ano ba yan.