Ako'y nasa magulong mundo
Dahas at dugo'y nagkalat dito
Bigla kang pumasok
At lalo itong gumulo
Hindi ko na namalayan
Puso mo'y nasungkit ko na
Ngunit problema'y dumaan
Ako'y nawalan ng alaala
Nakalimutan man kita
Puso ko'y pilit na umaalala
Mundo kong nalimutan
Pilit na binabalikan
Ngunit sa pagkawala
Ako ay may nakilala
Siya'y nakigulo rin
Sa puso kong masikip
Bakit ba kailangang
Mawalan ng alaala
Ikaw tuloy ay
Napalitan niya
Ngunit...
Nakalimutan man kita
Puso ko'y pilit na umaalala
Mundo kong nalimutan
Pilit na binabalikan
Away at gulo
Sakit at hirap
Lahat ng 'yan ay dinanas ko
Kailanma'y di nakamtan ang sarap
Dahil...
Nakalimutan man kita
Puso ko'y pilit na umaalala
Mundo kong nalimutan
Pilit na binabalikan
Puso ko'y nahati sa dalawa
Sino bang dapat isalba
Taong inalay ang lahat
O taong nagmahal ng sapat?
