The Cursed House

chapter 16

#فرحه

امبارح و النهاردة اجازة و مشوفناش رنا و دينا امبارح فا هما جم النهاردة يقعدوا معانا شوية ✋
اول اما دخلوا و سلمنا عليهم لقيت في كدمة زرقا في وش رنا 👀👀

رحمه اخدت دينا و راحوا قعدوا في حديقة المنزل ✋
و انا و رنا طلعنا الاوضة

بعد اما طلعنا الاوضة سألتها ايه اللي حصل!!

رنا: مفيش كان عندنا ضيوف امبارح

انا: و هما الضيوف عملوا فيكي كدة؟!

رنا: لا ما انا اللي عملت الاكل

انا: يعني الاكل اللي عمل فيكي كدة؟!

رنا: لا

انا: اومااال؟!

رنا: مفيش .. دينا و ناريمان نضفوا البيت و ماما و طنط ليلى عملوا الاكل فا قالولي اعمل انا حلويات الا و هي كيكه .. قولت لنفسي يابت يا رنا اسرقي طريقة الكيكه من جوجل ✋
فتحت جوجل يختي و جبت طريقة الكيكه و لقيتها بتتعمل بدقيق و بيض و فانيليا و حاجات كتير كدة
دخلت المطبخ و دورت على الدقيق و طبعا معروف جدا ان الدقيق بودرة بيضا زي الهيروين كدة ✋ قعدت ادور يا اوختشي و لقيت كيسين فيهم بودرة بيضا تفتكري ماما و طنط بيتاجروا في الهيروين؟! 👀 ما علينا .. معرفتش انهو الدقيق اقوم ايأس و معملش الكيكه؟! لااااه مش انا يا ماما .. عملت حادي بادي و اخدت منهم كيس و بدأت اعمل الكيكه .. و فننت بقى يا فرحه حطيت دقيق او ايا يكن على البيض على البيكنج بودر على كله يعني و اديتهم ضربة في الخلاط و بقى زي الفل ✋
بعدين لقيت حاجه بني كدة قولت اكيد اكيد اكيد يعني شكاليطه او كاكاو او هوت شوكلت .. ياكلوا الكيكه ساده كدة؟! لاااه ميصحش .. روحت دالقه نص البتاع البني ده على العجينه و هاتك يا ضرب في الخلاط و بعدين يا اوختشي دخلت الكيكه في الفرن و ولعت الفرن و قفلت عليها و بعدها بشوية جيت ابص عليها اتفاجئ ان الوش اتحرق يالهوتي يالهوتي يا حوستي السودة 😱😱
ايأس بقى و اسكت و ارمي الكيكه و كدة؟! لا طبعا ميأستش .. جبت كيس الهيروين التاني .. احم اقصد الدقيق و فننت نفس التفنين .. يا حركاتي يا تكاتي يا جمالي .. و بعدين استذكيت و دخلت الكيكه الميكرويف و اتعملت بقى و كان شكلها راااائع 😆
الضيوف جم و اكلوا و جه معاد الحلويات .. زينت الكيكه بالكريمه و الكريز و قدمتلهم بكل فخر و اعتزاز و هما اكلوا الكيكه من هنا و نزل عليهم سهم الله من هنا 👀👀
و فجأة بقوا واقفين بالطابور عالحمام .. اه والله زمبؤلك كدة و بعدين الضيوف مشيوا من هنا و انا و ماما لعبنا توم و جيري من هنا ^_^
بقت تجري ورايا بسلاحها المميت الا و هو الشبشب و هي تجري و انا اجري هي تجري و انا اجري و هي تجري و انا اجري و في الاخر قررت تحدفني بالشبشب

انا * بعد اما فطست ضحك* : يعني الشبشب اللي عمل فيكي كدة؟!

رنا: لاااااه مش انا اللي الشبشب يعمل فيا كدة يا ماما .. ده و انا بتفادى الشبشب خدت الباب بالحضن