Para Sa’yo
Mas mainit pa sa disyerto
Ang init ng pagmamahal mo
Mas malalim pa sa karagatan
Kapangyarihan mo’t kaluwalhatian
Mas malawak pa sa kalawakan
Ang iyong labis na kabutihan
Mas mataas pa sa mga bundok
Pangako mo na samin ay alok
Mas sikat ka pa sa kahit na sinong artista
Kasi sa puso ko ikaw ang siyang nangunguna
Daig mo pa ang telenobelang sinusubaybayan
Kasi higit ka pang dapat tunghayan
Ako ay isang tumay na prinsesa sa paningin mo
Hanggang sa pagtanda at kumulubot ang balat ko
Kahit pa maubos na lahat ang mga ngipin ko
Ngingiti pa rin ako dahil sa pagmamahal mo
Mas matamis pa sa kendi’t tsokolate
Tamis ng yakap mo samin parati
Mas masarap pa sa sinigang at adobo
Ang inihain ng Panginoon para sa’yo
Parang baduy yata ‘tong tula na ito
Pero ganun talaga kung tunay na mahal mo
Wala kang pakialam sa sasabihin ng iba
Kasi mas importante kung ano ang tingin niya
Hindi man ito kasing ganda ng ibang tula
Hindi man ito tunay na kamangha-mangha
Ngunit ito talaga ang tunay na nadarama ko
Kaya ito ay alay ko para sa’yo