اوهجتي ليلي وهزيتي كياني وانا ثابت اللي مايهزه شي

11

استغفرالله 🤍

دلال : تخسيي اراويك عيل يحمار
وقفلت بوجهه
وفجأة سمعت صوت من السطح اللي جنبهم
...: فديت المعصبين
دلال بتسرع : قلة ادب ! انت من
...: انا اللي خذيتي قلبه بيوم وليلة ! انا اللي انعجب بعيونك الباكية! انا اللي طحت بحبك وماظنتي بطلع منه !
كانت دلال تسمع بكل حواسها ولكن على كل كلمة يزيدها تنصدم اكثر واكثر
دلال بهدوء : من ؟
جسّار: جسّار جسّار
سكتت دلال ومالقت كلام تقوله
جسّار: خلصي مدرسة بس وبجي اخطبك
دلال كانت مصدومه وجدا وماقدرت تتكلم
واردف جسّار: لا تحسبيني العب على قلبك مثل هالرجاجيل اللي طالعين الحين
دلال : بس انا ماحبك؟
جسّار: بتحبيني بتحبيني
دلال : انت وش تسوي بالسطح ؟
جسّار بضحكة : اراوي خالي الديرة
دلال : ماتضحك
جسّار: ولا شي دايما اطلع السطح كل ماجيت بيتنا
دلال : وانا دايما اذاكر هنا
جسّار: طيب المطلوب ؟
دلال : اول مره الاحظ انك تقعد بالسطح
جسّار: لاحظتي الحين انتبهي عاد لا ارسبن كل يوم بالسطح عشانك
دلال استحت وسكتت لدقايق تفكر ب رد : اصلا بترد ل شغلك
جسّار: ذكرتيني بعد يومين برجع
عمّ الصمت لدقايق
لين ماسمع جسّار صوت دلال وهي تبي تدخل
جسّار: تدخلين ولا تعلميني وتخليني لحالي؟
دلال : بروح اجيب كتبي اصلا !
جسّار: طيب وانا بنزل
دلال : سألتك؟
جسّار: لا بس اخبرك
دلال : مابيك تخبرني!
نزل جسّار وهو مبتسم وراح للصالة ولقى امه وابوه وريفانا
ريفانا : لو بتجينا مبتسم كل يوم بنخليك بالسطح
ام جسّار: اي والله
ابو جسّار: اقول جسّار متى ناوي تتزوج بتصك الثلاثين !
جسّار: بعد سنة ان شاء الله
ام جسّار: وشوله بعد سنة ؟
جسّار وهو يرفع كتوفه : بس كذا
ريفانا : جسّار تكفى تكفى باكر بروح المول
جسّار: ليه ؟
ريفانا : بس كذا ابي اخذ ملابس جديدة
جسّار: طيب
ريفانا : باخذ دلال معي! بنمر عليها بعد المدرسة
جسّار وهو يروح غرفته : طيب بروح ارقد

< عند ثابت ووهج >
وهج كانت نايمه بالسرير وثابت معها قاعد بالكرسي اللي مقابلها فتحت عيونها شوي شوي
كانت تستوعب كل اللي صار معها وقامت وهي تصرخ : وين ابوي تكفى وينهه ثابتت وينه تكفى
ثابت وهو يحضنها : استهدي بالله ياوهج راح للي ارحم مني ومنك
وهج وهي بدت تهدأ
ناظرت ثابت بنظرات تعب خذلان بكاء حزن : تعرف ياثابت وش قالي؟ قالي جمعت لك فلوس عشان المستشفى حقك وتعرف وش قال بعد ؟ قالي احبك
انهارت وهج وماقدرت تتحمل وقعدت تصيح بصوت عالي وضربت صدرها : وش ذنبي انااا كل شي عليي والله تعبتتت اول شي جدتيي وبعدين انت يوم اختفيت وبعدين يوم خطفوني وبعدين يوم كنت اتعالج نفسيا وبعدين ترجع لي انت من العدم وواخر شي ابوييي وش ذنب هالقلب ! تعرف ان قلبي تعب خلاصص صرت ماتأثر بأي شي مقدر مقدر " وحست بخنقة قامت للدريشة وفتحتها وطلعت راسها "
اما ثابت اللي منصدم على كل اللي صارلها هو يعرف بس الخطف واكيد فيه تعذيب ! والعلاج النفسي ! ؟ هو انصدم كيف هي ؟؟