A/N: Please is khule dimaag se padhiyega, yeh dhyaan rakh kar ki yeh 90s ki kahani hai, purane soch rakhne wale logon ki. Is liye hamare female characters ki shaadi kam umar mein hui hai, but they are still of legal age. Yeh utna uncommon nahi tha us samay. Maine pehle hi aap sab ko suchit kar diya hai.
---☆---
Abheer Pratap Raval:
Oops! This image does not follow our content guidelines. To continue publishing, please remove it or upload a different image.
28 years old, ghar ka sabse bada beta. PR Lodgings ka president, jiska branch pure Rajasthan mein hai, ka president. Uske Papa CEO aur Chacha sa COO hain aur Dada sa chairman hain aur aakhri faisla unka hi hota hai. Abheer aage jakar CEO banenga, lekin abhi wo president ke taur pe kaam kar raha hai. Kam baat karta hai, shaant swabhaav ka hai, lekin gambheer hai jis wajah se wo logon ko darawna lagta hai. Apne bhavnaaon par niyantran hai. Uske andar kya chal raha hai ya wo kya soch raha hai uske chehre par kabhi nahi jhalakta hai. Buri adat: smoking, jab pareshaan ho
○●○●
Anchal Abheer Pratap Raval:
Oops! This image does not follow our content guidelines. To continue publishing, please remove it or upload a different image.
25 years old, ghar ki badi bahu. Shaadi se pehle literature ka shauk tha aur abhi bhi padhti hai. Anchal Raval ki badi bahu ko apna pehchaan maanti hai aur apne saare zimmedariyon ko khoob achhi tarah se nibhati hai. Ise ghar ke maan- sammaan aur pratishtha ka bohot khayal rehta hai. Dharmik aur sanskari hai, jiske liye puja- paath ki bohot ahmiyat hai aur pasand bhi hai, jisse use man ki shaanti milti hai. Anchal ko pasand nahi hai agar kaam sahi dhang se ya samay ke paband mein na kiya jaye. Saaf safai use atyant hi pasand hai. Kam baat karti hai, sakht hai lekin dusron ko samajhne ka prayatn karti hai. Jitna hi log usse darte hain, utni hi dil se achhi hai. Apne chhoton ke liye margdarshak hai. Uske liye apna patni dharm sabse pehle aata hai.
○●○●
Raghav Pratap Raval:
Oops! This image does not follow our content guidelines. To continue publishing, please remove it or upload a different image.
25 years old, Suchi aur Ratan Pratap Raval ka sabse chhota beta. PR Lodging ka vice president hai, aage jakar COO banega. Apne ateet se aage badh nahi paya hai aur apne pariwaar ke dhokhe se bohot chot pohochi hai use. Hamesha gusse mein rehta hai aur kabhi bhi barood ki tarah fat sakta hai. Pehle bohot baat kiya karta tha, ghar ki roshni, sabse chanchal sadasya tha lekin ab bohot kam baat karta hai, apne bhai se to bilkul nahi. Buri adat: peene ki adat hai, jo kuchh saal pehle lagi. Sirf apne gham ko mitane ke liye peeta hai.
○●○●
Ekani Raghav Pratap Raval:
Oops! This image does not follow our content guidelines. To continue publishing, please remove it or upload a different image.
Apne ghar ki badi beti, lekin sasre ki chhoti bahu. Chanchal, bulbuli, hasmukh aur khushiyan baatne wali. Ghar ki baki sari bahuon ki tarah kam umar mein shaadi karke apne sasre aa gayi hai. Bohot baat karti hai aur uski apne Naina Jiji se banne lagi hai. Use ghar mein saare bade bhayanak lagte hain, uske Bhai sa aur Jija sa bhi.
○●○●
Apurv Pratap Raval: 25 years old, Rohini aur Vinay Pratap Raval ka sabse bada beta. Apne company mein Co- vice president hai Raghav ke saath. Aage jakar CFO banega. Kam bolne wala, shaant swabhaav ka, namr vyakti hai. Dusron ki fikar karta hai. Apne ghar mein sabko dukhi dekh kar wo pareshaan rehta hai, lekin sab se dooriyan ban gayi hai jis wajah se wo kuchh nahi kar pata halat ka.
○●○●
Naina Apurv Pratap Raval: 23 years old, Rohini aur Vinay Pratap Raval ki badi bahu, aur ghar ki manjhli bahu kyunki wo Ekani se badi hai aur uski shaadi pehle hui thi. Bure bachpan se nikalkar, chhote ghar se seedha bade ghar mein shaadi ho gayi purane vachan ko purn karne ke liye. Apne ateet ki wajah se, aur hamesha galtiyan karne ki wajah se wo hamesha dari aur sehmi rehti hai kyunki koi use apnapan aur ghar jaise mehsoos nahi karata, sasre wale sakht hain. Lekin Ekani ke aane se wo khulne lagi hai aur use apne Maa ke alawa kisi aur se apnapan mil raha hai. Apne Jija sa ki tarah banna chaahti hai, achhi bahu aur apne pati ke liye achhi patni, jisse koi galti na ho.
-------------------------------------------------------------------------------------------------------------------------------- A/N: ●Pictures and quotes mere nahi hain, par aesthetics maine khud banaya hai. I feel proud of myself kyunki maine baki authors ko dekha hai, kitne achhe aesthetics and mood boards banate hain. Jab maine khud banaya to pata chala kitna mushkil kaam hota hai inhe banana. Lekin maine phir bhi koshish ki aap sab ke liye.
● Agar baad mein aur bhi characters judte hain to main ise update kar dungi aur us chapter mein note bhi dal dungi
