قامت على غناء ابوها اللي اول مره تشوفه مبسوط من بعد ماصار طلعت من غرفتها وعيونها حمراء العيون الزاهيه السوداء كسواد الليل بكوها كيف طاوعه قلبه يبكي هالعيون
التفت وشافها سرحانه فيه وابتسم وفتح احضانه لها ونطق يرحب: هلا هلا هلا بالمزيونه هلا تعالي ياروح ابوك
ماقدرت تقاوم اكثر واتجهت له وضمته بقوه كانت تبي الحنان ذا فقدته اشتاقت له
يضمها له بقوه ويدينه على ظهرها ونطق وقال: انا اسف ياعيون ابوك اسف على كل شي اوعدك وعد مايتكرر لكن لاتبكين هالعيون تراها غاليه علي
بعدها وهو يمسك وجهها بكفه وباس عيونها هي ضحكت لانها اشتاقت للبوسه ذي اشتاقت يبوس عيونها
هو اكثر شي يحبه فيها عيونها الجميله اللي ورثتها من امها
بعد شوي ونطق : يلا يا بابا جيبي شنطتك والبسي نقابك ضروري ان شافتك الجده بدونه بتسوي مشكله
هزت راسها بالراضا وراحت تتجهز
جتها مها داخله بقوه ووقفت ولفت لها وقالت مي:يما خير ادخلي بشويش ايلاينري خرب بسببك
مها:يبنت اص مو وقت ايلاينرك تدرين كم بنقعد هناك؟
مي وقفت شوي ولفت لها وهي تقول ببطء : لا
مها ردت وهي رافعه حواجبها : بنقعد هناك طول العطله!!!!!! متخيله
مي ماعطت اي ردة فعل لانها عارفه هالشي
مها بصراخ:بنت ! تسمعيني اصلاً!
مي ردت لها: اسمعك بس انا كنت عارفه احساس بعدين حتى لو تكلمنا واعترضنا مابيوافق على كلامنا وبيسوي نفس امس
مها بصدمه: والله اللي يشوفك ويسمع كلامك يقول انتي الكبيره يلا بس مشينا بابا ينادي
خرجو من البيت وركبو السياره وانطلقو
صحى على صوت امه وهي تنادي: عزام عزاااااام ولد قوم
صحى عزام وهو يفرك عينه وقال : لبيه يمه
ابتسمت من سمعت لبيه ونطقت: قوم قوم ياحبيبي صل الفجر وتعال افطر معي ونوير
نفس من سمع اسمها وطاريها وعلطول تذكر ام العيون اللي اخذت قلبه وعقله ولف على امه وقال: تراني على الفطور بطلقها عطيها خبر
تنهدت امه وقالت : طيب بروح اجهز الفطور
قام وراح صلى مع الريجيل ورجع على الفطور اللي مسويته امه فته وعسل الذ شي عنده
جلس يفطر وجلست امه ورفع راسه واللقمه بفمه ويقول: يمه وين نوير؟
ردت وهي منزله راسها تاكل : جايه جايه اصبر
رجع كمل اكل الا يوم دخلت وكتفت يدينها وقالت: نعم؟ طلق سريع وراي اشغال
رفع راسه وكان متنرفز من الاسلوب مع الصباح
وتنهد وقال: فكينا من شرك ابي انهي الموضوع سريع سريع
قالت وهي عاقده حواجبها: طيب، طلق
طالع فيها وقال: طالق طالق طالق
ابتسمت من الفرحه وراحت ركض تاخذ اغراضها وتطلع من البيت ومشت لبيت اهلها اللي مايبعد 1دقيقه
طلع مع الصباح وبيده قهوه شافه من بعيد يتمخطر بمشيته يقلد المودلز
طلعت القهوه من خشمه وهو يضحك
قرب وهو يتمخطر وقال: شراااايك بيبي
عزام وهو ميت ضحك: مو لايقققق ابد هههههههه
نايف نزل يدينه من على خصره وطالع فيه وقال: حسافه توقعت اجيب راسك 😔
طالعه عزام وتبادلوا نظرات وانفجروا ضحك ماقدروا يوقفون
طاح عزام على الارض من الضحك وهو يقول : ياتتتتااااافه سامج
طالع فيها نايف وهو يمد يده يقومه وفيه ضحكه: دامي سامج وتافه ليه تضحك
وقف عزام وطالع فيه وقال: افاااااا تشخصنها سريع انت
ضحك نايف وراحو يتمشون بالاجواء الحلوه اللي على وشك تمطر
شافو البوابه الكبيره تفتح ونطق نايف: هاه جاء الشر جاء
لف عليه عزام وهو يتنهد بقوه ويقول: الله يسترنا منه
طالع في السياره وشاف من جوه في بنتين ولف على نايف وقال: ذول بناته؟
لف نايف وقال: ايه الكبيره مها والصغيره مي
رفع حاجبه بتعجب ونطق: اهااا
شافها تنزل من السياره و شبه على العيون مو غريبه عليه؟ ركز فيها لين ماحس على نفسه من دقه نايف وقال: يولد لاتقز عيب
قال عزام وهو عيونه عليها هي: تصدق مشبه عليها
نايف طالع فيه وضحك بسخريه: مستحيله هي
