Next morning.....
Our dearest Moran were fast asleep cuddling in eachother peacefully when Karan's phone started ringing. He being a light sleeper immediately woke up and picked up the call. Untangling himself from Monami's hold, he went to the balcony to talk.
K: (yawning)Haan bol Faizi.
F: (teasingly) Kya baat hai janab. Aaj aap subah ke 10 baje uth rahe hain.... Raat ko neend nahi aayi ya raat ko kuch zyada hi acchi neend aa gayi?
K(rolling his eyes) : Abe o saandh kuch kaam hai toh bol varna main phone rakh raha hoon....
F: Are are janab haseen raat ki baad vali subah aise mood kharab nahi karte.
K: Mera mood tu kharab kar raha hai aur yeh kya haseen raat ki bakwaas laga rakhi hai...
F: Kyun raat haseen nahi thi....
K: A...ab...aa... Tu kaam ki baat kar na. Subah subah kyun phone kiya hai? Zahir si baat hai meri raat kaisi thi yeh janne toh nahi kiya hoga. Toh ab bol kyun phone kiya hai?
F(chuckling) : Kal aapke ghar pe jo hua uske baare mein ek tip mili hai. Sid bata raha tha ki aapke ghar ka television system hack karne vala insaan koi local hacker hai uska IP address bhi mil gaya aur aaj subah ustaad ji usse pakadne uske ghar bhi gaye the lekin....
K: Lekin kya Faizi?
F: Kisine uska murder kar diya hai. Forensic reports ka wait ho raha hai. Uske ghar ke aas paas ke logon ne bataya ki voh 4 din pehle ghar chodhke chala gaya tha. Vapas kyun aaya kab aaya kisiko nahi pata.
K: Police ko inform kiya?
F: Haan police ko inform kar diya hai. Voh log tehkikat kar rahe hai.
K(sighing) : Aur kuch pata chala?
F: Ab yeh toh aap bataiye janab. Ghar aapka tha. Aapko kya kya pata chala hai. Aur humse kuch chupane ki sochna bhi mat. Aapki rag rag se vakif hai hum.
K(smiled) : Tujhse kuch nahi chupta na.
F(smiling) : Agar aap humse chupa gaye toh hum dost kis kaam ke!!
K: Kal raat ek aadmi humare Ghar ki wiring se ched chad karte hue cctv mein capture hua hai aur ussi ne meri jeep ki windshield todhi thi. Jab ghar ke aas paas ki jagah chaan raha tha tab uss aadmi ka wallet mila. Uske wallet mein uski identity card toh nahi tha lekin Pune ke ek hospital ka visiting card mila hai. Yeh unhi hospital mein se ek jinki list Monami ne di thi. Tujhe details forward kar raha hoon check kar aur apne aadmiyon ko Nazar rakhne bol.
F: Aur yeh sab aap hume ab bata rahe hai! Voh bhi humne pucha isliye varna aapka hume ya kisiko bhi batane ka iraada lag nahi raha tha. Yeh kya hai Karan? Har baar aisi harkat kyun karte ho? Kya maza aata hai? Hum ek saath kaam karte hai. Bhalehi aap humare senior hain lekin hum aapke dost bhi hai. Aapko humari kabiliyat pe shak hai ya humpe bharosa nahi hai jo baatein chupate ho?
K: Faizi aisi baat nahi hai. Mujhe tujh pe khudse bhi zyada bharosa hai aur teri kabiliyat pe bhi. Bas socha weekend hai mushkil se ek chutti ka din milta hai voh bhi tu mere chakkar mein kaam karte hue bitayega usse accha main Monday ko tujhe academy mein bata doon. Pehle hi tujhe Nikhil aur Koel ke saath zyada time spend karne nahi milta ab ek Sunday bhi cheen lunga toh accha thodi hai.
F: Janab aap yeh sab sochna band kijiye. Jitni important humare liye Koel aur dodo hai usse kayi zyada zaroori aap hain. Bachpan se saath hai hum. Family mante hai aapko hum voh alag baat hai ki aap hume apna nahi mante varna haq se sab batate aisi colleague jaise formally pesh nahi aate.
K: Abe o saandh. Keech ke kaan ke neeche lagaunga samjha dubara yeh apna nahi samajhte vali bakwaas ki hai toh. Apna manta hoon isliye tujhe life mein khush dekhna chahta hoon apni biwi bacchon ke saath time spend karte dekhna chahta hoon nikhil se saath tujhe voh sab pal jeete hue dekhna chahta hoon jo tu apne papa ke saath nahi je paaya. Aur agar colleague jaise pesh aana hota toh aaj ki teri chutti cancel karke tujhe kaam pe laga diya hota samjha. Ab please mere Bhai ek din ke liye inn sab se dimaag hata aur apna Sunday enjoy kar. Iss mamle mein aage kya karna hai voh kal dekhenge academy aake. Aur haan yeh baat humare beech hi rehni chahiye. Jab tak koi lead nahi milti kisi aur ko kuch mat batana.
