A Bunny Have An Imaginary Pregnant (စိတ်ကူးယဉ် ကိုယ်ဝန်နှင့် ယုန်ကလေး)

Chapter (4)

/ Unicode Version /

အခန်း(၄): ကျွန်တော် ဥက္က‌ဌက ကလေးဖေ။

အချိန်တစ်ပတ်ဟာ ဘာလိုလိုနဲ့ ကုန်ဆုံးသွားပြီးတော့ ပိတ်ရက်တွေကို ကျော်လွန်ပြီးချိန်မှာတော့ ရှောင်းကျန့်ရဲ့ ရုံးတက်ရက်ကလေးက ပြန်လည်ရောက်ရှိလို့လာခဲ့တယ်။

ရှောင်းကျန့် သူ ဒီနေ့ ရုံးမသွားချင်ဘူး။ဒါပေမဲ့ မဖြစ်မနေကို သွားရမယ့်ကိစ္စက ရှိလို့နေသေးတာကြောင့်မလို့ သူက ပျင်းရိပျင်းတွဲဆန်စွာပဲ အိပ်ရာမှနေ၍ ထလာလိုက်ပြီး ရေချိုးခန်းဆီကို ဝင်လိုက်ပါတော့တယ်။

ရေချိုးခန့်ရဲ့ မှန်နံရံမှာ သူ့ရဲ့ ပါးတွေက ဖောင်းကစ်လို့နေတာကို သူ တွေ့လိုက်ရတယ်။မျက်ခွံတွေကလည်း မို့အစ်လို့ပေါ့။ဒီလိုမျိုး အိပ်ရေးဝအောင် မအိပ်ရတာ ကာလအတော်ကြာပြီလို့ ထင်မိလောက်အောင်အထိ သူ့ရဲ့ ကျန်ရှ်ိခဲ့တဲ့နှစ်တွေက အလုပ်ဝန်အတော်ပိခဲ့တာ။အခုတော့လည်း ဥက္ကဌဝမ်ထံမှာ ညနက်အထိ ရုံးအချိန်ပိုတာဝန်မထမ်းဆောင်ရတာ တစ်ပတ်လောက်ရှိပြီမလို့ အိပ်ရေးက အခုရက်ထဲ အတော်ကို ဝလင်နေသလို သူ ခံစားရ၏။

ဥက္ကဌဝမ်အကြောင်းတွေးမိတော့ တစ်ဆက်တည်းမှာပဲ သူက သူ့ရဲ့ ဗိုက်ချပ်ချပ်ကလေးကို ဖွဖွလေး ထိပွတ်မိတယ်။ဒီဗိုက်ထဲမှာ ဥက္ကဌဝမ်နဲ့သူ့ရဲ့ သွေးသားလေးတည်ရှိနေတယ်။ရှေ့လျှောက်ဆို ဒီဗိုက်ကလေးက ပူလာတော့မှာ။ဒါလေးကို ဘယ်လိုဖုံးဖိရမလဲ သူ စဉ်းစားရင်း ဗျာများရတော့မှာ။

သူ ဥက္ကဌဝမ်ကိုပြောပြပြီး ဆေးရုံမှာ သွားစစ်ကြည့်လိုက်ရမလား။သူပြောလိုက်လို့ ဥက္ကဌဝမ်က အသာတကြည်လက်ခံရင် တော်ပါသေးရဲ့ အဲ့လိုမဟုတ်ပဲ သူ့ကို အမြင့်တက်ချင်တယ်ဆိုတဲ့ အမြင်မျိုးမြင်မှာကိုလည်း သူ ကြောက်ပြန်တယ်။

ဗိုက်ထဲက ဒီသွေးခဲသေးသေးလေးကို အပျောက်ဖျောက်ပစ်ဖို့ သူ တွေးကြည့်ပေမဲ့ ဒါက ဒီကလေးရဲ့ အပြစ်မဟုတ်ပြန်တော့ သူ မလုပ်ရက်နိုင်ပြန်။ကိုယ်ဝန်ရဲ့ လ၊ရက် အတိအကျကို သိရဖို့ ဆေးရုံကို သွားစစ်ဖို့လည်း သူ မရဲပြန်ပါဘူး။ဒါပေမဲ့ အင်တာနက်မှာ သူ ရှာဖွေကြည့်ခဲ့တဲ့ ကိုယ်ဝန်ရဲ့ ရှေ့ပြေးလက္ခဏာတွေဖြစ်တဲ့ မူးဝေတာ၊အော့အန်တာတွေကလည်း သူ အမှန်တကယ် လက်တွေ့ကြုံနေခဲ့ရတာမလို့ ယုန်ကလေးရှောင်းကျန့်ဟာ ထိတ်လန့်နေခဲ့ရပြန်တယ်။