اختلاس الكلف

اختِلاس الاول ⚜️

- اختِلاس الكَلف -
- سجى حسين -

- الاول ⚜️ -

بعدنه بالبداية والاحداث بدايتها بَس وعد
مني الاحداث الجاية كُلش ناررر 🙈🔥🔥.

ليـشہ متنشرون قصة ؏ البيجات مالكم ! تره نتخارب

وصلوا التعليقات الف تعليق
علقو بين فقره وفقره تعليقات حلوه مثلكم

﷽ .

_
2018 - بغداد -

- اسمع صوت مألوف علية ما اعرف روحي بحلم أو
حقيقة، شفت ماما وبابا وجود جاي يودعون بينة كانو
رايحين لعالم مختلف وكلهم لابسين ابيض وريحتهم مثل
المسك ومتجهين حول الباب يلي ديجي منا ضوء كلش
ابيض وصوتهم ديبتعد كلما اني اتقرب منهم وأصيح

:- بابا ماما جود وين رايحين

- انفاسي ثكيلة وأيدي وجسمي احس ما اكدر
احركهم وگوة اجر بروحي وظليت أصيح بكل صوتي !
:- ماما بابا لترحون

- فزيت من الحلم عركانه من الرغم من أنو البيت
بارد وشباك غرفتي مفتوح، اجتي ماما تركض ؏ صوتي

:- اسم لله بنتي شبيج هيج عركانة شفتي كابوس جسمج نار

- حضنتها اني واشهك وبادلتني الحضن
وتمسح ؏ راسي وتقرة آيات قرآنية

:- شبيج امي احجيلي ليش شهكين
اكو شي يوجعج احجي خل افتهم ؟

بصوت يرجف:- ماما ماي عيني انتِ مابيه
شي بس شفت كابوس وين بابا والبنات وين

- مسحت ؏ راسي بحنان
:- جوه البنات وابوج طلع ويه اخوج راحوا بشغلة تخص الشغل

ابتسمت بوجها:- ماما خابرني بابا بسرعه شوية
هوَّ وجود حبابة بس خل اسمع صوتهم

- ضليت لازم أيدها واشهك
:- حبيبتي شبيج كابوس لتخافين ماكو شي قبل شويه
طلعو وساعة زمان ويرجعون كومي سبحي بمي حار
وصلي واقري قران شويه

- هزيت راسي
:- ماما بس اصلي واقرة قران تتصلين عليهم
ماما فدوة بس اسمع صوتهم وهاي هيه

:- يله ديرين ماشي بس كومي حته نتريك
وترحين للمدرسة امتحاناتج قربت

- اخذت نفس وكمت سبحت وصليت وقريت شويه
قرأن وبدلت ولبست تراك وفوكا شال صوف لان
ما احب البس شتوي وكملت ونزلت

ديرين:- صباحو للجميع ما عدة هذوليج الناس

- باوعتلي اختي
تينا:- انتِ ما توبين شوكت تلبسين شتوي البرد يكرص كرص

- غمزتلها وضحكت
ديرين:- حبيبتي احنه ناس مثقفة وجسمنه حار ضد البرد

تينا:- احس نيتج مو صافية بهاي غمزتج