اختلاس الكلف

مُشهد ⚜️

- اختِلاس الكَلف -
- سجى حسين -

2023/1/20
﷽ .

_
مُشهد-1-

- احس دموعي حينزلن بس ياريت يكونون دموع
فرح بس للاسف لا دموع حزن والنار يلي دتاكلني
واني امشي عليها، تقدمت حتى اصعد للسياره بس
انتبهت عليَّ ابتسم تك خد ومشيت وصعدت ليورا

- انطلقنا وصاحت اختي! وظلت تلح عليَّ اله
تشتري أكل، طبگ السياره ونزلوا واني بقيت
بسيارة انتظرهم

- رجعت راسي ؏ كوشن الورا وغمض عيوني
اتخيل شنو راح يصير بحياتي بعد هالفتره وشلون حتقبل

- ثواني وحسيت احد يمشي بس يجوز همه
اجوي ما اهتمت وبقيت مغمضه الى أن انفتحت
باب السيارة علية وفتحت عيوني وباوعت وشفت
شخص ملثم وبس عيونة طالعه

- ردت أصيح بس سرعان ما انضربت
بشي بايدي وحسيت شي مثل الإبرة .

- من الخوف فتحت عيوني ؏ كبرهم واريد احجي
بس لساني ثكل وعيوني ثكلن وجسمي نحل وخدر
ومحسيت بروحي غير انجريت ونشلت من السيارة ..

_
مُشهد -2-

- بين نايمة والكاعده احس جسمي خدران ما احس
بي اريد احرك ايدي ما اكدر اسمع صوت بابا وماما

:- ماما بابا لترحون بابا وينك بابا
تعال لتعوفني اني بنتك اني اميرتك

- فتحت عيوني وانصدمت لكيت نفسي داخل بيت مهجور
رجف جسمي وظليت افر براسي واباوع ماكو أحد،
فجاة انتبهت اكو يم راسي رسالة مكتبو بيها !

الأميرة نائمة بدة جحيمج من هالليلة ..

_
مُشهد -3-

- كاعدة العب بشعري وادندن ويَ نفسي وقطع
صوتي فتحه الباب وعرفته هوَّ اجة، كمت عدلت
روحي و وكفت يم الباب مال غرفه وشويه وانفتح
الباب وركضت عليَّ وحضنته حيل وعطت

:- رجعتتتت

- شالني بين ايدينه وظل يفر بيه واني
متمسكه بي ولازمة ركبته واضحك

:- بنيت كلبي مشتاقلج موت
مشتاق لعطرج وصوتج ولضحكتج

- ضحكت وهوَّ ظل يفر بية وشويه ونزلني
وخر شعري من وجهي واتلمس وجهي بأيدة
وايده الثانية لازم خصري بيها