ذمام متوف

الذمـِة السادسة عشر ...

—

بالليل جرحي رَطِب
بس الصبح ناشف
وأضحك بكل قوتي
ماچني ذاك الچنت
بالليل متراجِف
والخوف ماكلني أكل ،
بس ما مبين أبد
وتعرفني كلها القوي
بس بالصدگ خايف .

—

ماسة :
- كَلشي صعب كَلشي
فراق اخوية الما تهنيت بيه
امتحاناتي
البنات الي ضيعن نفسهن وضيعني وياهم

انه اذا اريد ابجي ماكدر !!
اريد اضعف هَم ماكدر ،
هنة مستقويات بيه شلون جا ؟؟

ولو وين سَراب ماتطلع من الغُرفه من ليلتها ، ولالة بس روح وتتمشى بيناتنا

ماعرف ياهي بينه اكثر شيء متعذبه الاعرفه كلحنا اتغيرنه بسبب مُوت - رُوحنة -

ولا زاد الطين بلة يوم اربعينه ،
وكتها يايابة اريد ميجي الصُبح

بس اجه واسمعلك ذيج نواعي مال مُهيمن حافضتهم ع كليبي

نزلت مت الدرج وهو متوسط البيت وكاعد وحاضن صورة اسُامه جانت بأيطار جبير ويكول
: ولك شسوة بيه فراكك ياخوية
احتاريت بموتك لا انا العايش ولا المِيت ومرتاح ولككك اسُامة اكعد ، شهك وكال لاتكعد اتفقنه بس تعال عليّ بحلم عاد ليش مستنكف عليَ شوفتك ولله مشتاق لوجهك الطيب

الولد محاوطينه ويبجون ، يبجون يبجون بصوت

كلبي كلبي وكتهاا احسه جمر ردت اتطيح دمعه مني بس شافت لالة طلعت تبجي بسرعه رفعت عيني وما خليتها تطيحَ

رجت الها وحضنتها وهيه تحجي وترجف : ابوية هذا ابوية يتمني هسه من ماتت يتمنييي الله لينطي كأن من كان السبب يااارب

: هشش سكتي خل نسمعهم ونكوم نقرأ قران لروحه

هزتت راسها ، وكالت
: علاجج شربتيه ؟!

باوعتلها نزلت راسي وكلت
: ماينشرب ألا من تجيلي الحاله هيج كال الدكتور او من احس الحاله راح تجيلي اشربه

مسحت دمعتها وكالت
: ريت بية ولا بيج ششفتي من حياتج انتِ وصير بيج صَرع كُليلي !!

: لحكِمة يعرفها ربج .

: وِنعم بالله

بس الشاهد الله ما اذاني شيء بقدر ذاك اليوم

طلعت من الامتحان وانه متوجه لجنطتي الي خليتها يم باب الادارة وكلت للالي تتنظري هناكَ

أشو هاي ماموَجوده متت خُوف عليها ضليت الوب دورت المَدرسه من الطابق الاول لسطح انه ادور

ماكو ولا أثر طلعت برى واشُوف نيروز يحجي وي الحارس وانه دموعي تُصب

لمحني بسرعه اجه صاح : هاها شبيج

بجيت وكتله : لاله لاله وين !

صاح بأستغراب : لالة؟ شمدريني جا مو وياج