ذمام متوف

الذمـَة السابعـة ...

* * *
: عن حال ماســة
وأنتَ الذيّ
لَم يَعُد فيكَ
شيئاً مُلتَئِم
ايً صَبرٌ هَذا
الذيَ ابقاكَ مُبتَسِمٌ ؟

* * *
- قبــُل سبــِعة عشـُر عاماً -
- جنة كاعدين والكُل راح يسمع المنو تصير الفصلية ، ابوي جان ما قابل بس هذا أمر من شيخ العشيرة مُستحيل يرفضله ، كال شيخُ العشيرة ثائر

: انطي لـ سلام عادي ما ماخذ ع حُب مثل بقية ولدك

هشام: جا عمي اني اروح اكسر البنية عبن ولله وليدي ما هاويچ واخذ هاي الفصلية شنو هذا الكلام حجينة اتقي الله

ضليت افكر بدعاء اذا عرفت اني راح اخذ الفصلية تقبل لا؟! استغفرت ربي وضلو يلغون وما شاء الله اخواني كُلهم طلعو ماخذين ع حُب

كال ثأئر بعصبية : هاهية انتَ التاخذها هشام ماكو لا بعد

طفرت وكلت بدون ما فكر مُستحيل اخليه يكسُر امي واني عود بعدين احاول اصلح الوضع وي دعاء

: هاهية اني اخذ الفصلية مقبول .

ابتسم ثائر وراح يجيب البنية علمود نعُقد ، صليت ع نبي وكلت بهدوء بداخلي
: هاي الك بيها حكمة ربي

وصُدك وصار وعقدنة اني وذهب ، جانت البنية بعدهي صغيرة بس مُطلقة وعندها وليد عمُرة ١٠ سنوات ، اخذتها لبيتي هناك شافتها دعاء ودمعه بعينها وكالت

دعاء : سويتها واخذتها ها سلام ؟

رحت يمها حاضن جتفها واحجي بهدوء
: يامرة ذكري الله بس الليلة تضل هنا بعدين راح اخذلها بيت لوحدها هية وابنها

مسحت دمعتها وكالت
: خوش هاهية ابو اسامة كلامك ع عيني وع راسي

كامت مقهورة مني ، استغفرت وكمت اخذت ذهب وتممت زواجي بيها

مرت الايام واني اخذتلي شقُة ع راس الشارع قريبة ع بيتنة واخذت ذهب و ابنها هناك ، مرت الاشهرُ وااني رايح ع بيت ذهب اشوفها شمحتاجة

دخلت سلمت وكالت بين الكلام
: اني حامل سلام صارلي ٥ اشهُر ورحت لسونار جانا بنية

باوعتلها وهيه دمعت وكالت
: تريدها لو ...

ابتسمت وكلت : لااا شجاي تحجين ذهب طبعاً اريدها غير بنتي الف الحمدلله والشكُر ياربي الف الحمدلله

كمت بست راسها وكلت
: الف مبروك ذهبِ

جنت متخيل بنتي راح تتربى بحضن امُها ، وتاخذ من تربيتها المعدلة و من اخلاقها ابد ماتوقعت الي صار

مرن ٣ اشهر ونفخت بطن ذهب واني طاير بيها برغم عندي اسامة و لالة بس هاي احسها راح تكونلي شيء حلو

طلعت من المحل سرگته عدل ، جاي اروح لسيارتي وخابرلي رقم جاوبته

: الو خوية هاي مرتك داعمينها وعايفينها بالشارع