* * *
- أصعب اللحظات تلك التي تعتزم فيها على اتخاذ قرار يؤلمك ولكنه صائب.
- ديل كارنيجي
* * *
اسُامة :
- سمـَيت بالله وانه اشوف الكـُوستر الي بيه مجموعة
المشاركين بالدورة العسـكَرية ، صعدت الـ كوستر
وامشي اريد مُكان يم الجام بس كُل الاماكن مقبطه وصلت قبل آخر خانة
شفت واحد كاعد وبالمكان البصف الجام
ابتسمت اي يابة هاي فـُرصتي ، رحت يمة للولد
: السـُلام عليكم خوية ، مرخصتك؟
رفع عينة من كتابة وابتسـمَلي وجهة شگد بيه قـُبول
: وعليـُكم ، المكُان مكانك ابو شباب !
ضحكت ودكيت ع چتفة وخر خو وانـه كعدت يم الجام
ورجع هو كعد وكال : الله بالخير والبركة منين انتَ ؟
: اسُامة،من البصرة !
كال بفخَر : ونعـُم منكم اهل البصرة ، وياك اخـُوك حامِد من العمارة .
ابتسمت بخفة وكلت : كُل الهلا بـُولد العمارة اتشرفت بيك .
ضلينة نحجي شوي نُوب سكتنة من حركت السيارة ،
طلعت تلفوني وحطيت بيه اكَثر قصيدة قريبة ع كلبي وتأذيني هواية
واكو مقطع يجرحني وينزل دمعة عيوني بكل مرة اسمعها بيه
والأكــبــر عــالأرض مـطـروح يـخـتـي عـيـونـج اتـشـوفـه
و قـاسـم عـالـثـرى مـرمــــي ابـدال الـعـرس والـحـوفـه
وأخـوج اعـلـى الـنـهـر نـايــــم، ويـمـه امـﮔطـعـه اﭽفـوفـه
و يـمـه رايـتـه و جـوده ،
و عـيـنـه ابسهم ممروده بطل حيلي على ازنوده .
دموعي تنزل وانه افُكر يا سبع بينه بهل زمن هذا يكدر يتحمل هيج مُصيبة ؟!
السيدة زينب اقوة أمرأة صارت ع وجه الارَض شئتم أم ابيتُم
ياهو بينة يكدر يتحمل موت اخوانة واحد واحد ؟
ويتحمل موت ابناءة وموت اقاربه ، ومسوؤليه ايتام شكُبرها ، ويتحمل ضرب واذية بلا سبب ، ويتحمل ينام وهو صار اله اييام لا ماكل ولا شَارب !!
فزيت من لِمة واصوات وايد انمدت ع راسي ،
حامِد : يلا خوية كوم وصلنا
حكيت راسي بأستغراب وكُلت بأستفهامُ : شبسرعة وصلنة ؟!
ضحك حامِد وكال : ترى الطريق نصف ساعة هاي هية الدورة كُلش قريبة بس لأن هواي وخاف شخص بينة ميندل لان مو الكُل رايح لبغدادَ فَ شني لمونه وكالو يلا امشُو بعد ماعدكُم حجة
هزيت راسي أيَ وهو صفن بوجهي شوي وكال : حجة لو عُمرة هاهاهاهاهاي.
صفنت بوجهة هو سكَت هُز راسه بخجل وكال : اعذرني لوهلة حسيتك اخوي الصغير وانكت براسك .
أنت تقرأ
ذمام متوف
Romanceكُل شخص لُه ماضيّ ماضيّ مؤلم ، حزين ، لا يبوُح بـهِ ألا لنُفسه ، لانُه يخشى من تفكـير الناس عنـه ، هل ماضي ابطالنُا كذالـك ؟ هل لـُهم سّراََ من الماضي سينكشفَ ... ماذا سُيحصل لوَ انزاحتَ السِتارة وانكشف الماضيّ ، هل سيبكُون ، من ألالـم ؟ ، او منِ...
