Unicode
"ဦးစက် အလုပ်သွားတော့မှာလားဟင်"
တုတု ညဝတ်အင်္ကျီမလဲရသေးသည့်ပုံစံလေးနှင့် လှေကားကနေပြေးဆင်းလာကာ အစောတလျင်ဆိုတော့ ဦးစက်က လှည့်ကြည့်ရင်း....၊
"အင်း"
ဦးစက်အဖြေက အေးစက်စက်နှင့်တည်ငြိမ်လွန်းနေသည်။လက်ထပ်ပြီးကတည်းက ဦးစက်သည် တုတုအပေါ်မှာပိုကာအေးစက်လာသည်။အပြင်မှာအချိန်ကုန်တာ၊သောက်စားမူးရစ်ပြီး ညဘက်မှပြန်လာတာမျိုးမရှိဘဲ ယောကျ်ားကောင်းပီသစွာ လင့်ဝတ္တရားတွေကျေပွန်နေပေမယ့် ထိုအရာတွေထဲမှာ တုတုအပေါ်နွေးထွေးသည့်ချစ်ခြင်းမေတ္တာများတော့ မပါဝင်ပါ။
"တုတု နေ့လည်ကျရင် ထမင်းချိုင့်လာပို့ပေးမယ်လေ"
"ရတယ် ကိုယ်အပြင်မှာပဲစားလိုက်တော့မယ်"
"ဒါပေမယ့်....."
"မင်းအိမ်မှာပဲ အဆင်ပြေအောင်နေပါ...၊ကိုယ်ကအဆင်ပြေတယ်"
ဦးစက်ရယ်....၊
အိမ်ထောင်ဖက်ရဲ့ ကြည်ဖြူခြင်းအလျင်းကင်းတဲ့ ဒီအိမ်ထောင်ရေးမှာ ဦးစက်ဘက်က အခုလိုတွေ ဆက်ဆံလာမယ်ဆိုတာ တုတုကြိုတွေးထားပြီးသားပါ။မကြည်ဖြူသည့်ပုံစံမပြခဲ့သည့်တိုင် ကြင်လည်းမကြင်နာခဲ့ပါ။ဒါတွေကိုရင်ဆိုင်ရနိုင်တယ်ဆိုတာ ကြိုတွေးခဲ့ပေမယ့် တကယ်တမ်းမှာ လက်ခံနိုင်ဖို့အတွက် တုတုနှလုံးသားဟာအားနည်းလွန်းနေ၏။"ဒါဆို ကိုယ်သွားတော့မယ်"
ခွင့်တောင်းတာမဟုတ်ဘဲ အသိပေးသည့်စကားသံအဆုံးမှာ ဦးစက်က ထွက်ခွာဖို့ရာ ခြေလှမ်းစလှမ်းသည်။
"ဦးစက်...."
တုတုအသံတိုးဖျော့ဖျော့နောက်မှာ စက်ရှိန်ခြေလှမ်းတွေတိခနဲရပ်သွား၏။သို့သော် နောက်လှည့်မကြည့်ပေ။
"တုတု ဦးစက်ကိုချစ်တယ်"
"........."
တုတုအသံပြီးနောက် တုန့်ပြန်သံစိုးစေးမျှမရှိတဲ့ ဧည့်ခန်းလေးက ဆိတ်ဆိတ်ငြိမ်ငြိမ်။တုတု လှေကားလက်ရမ်းလေးကိုပိုဖိဆုပ်မိသွားကာ နာနာကျင်ကျင်ပြုံးမိလိုက်ရင်း....၊
YOU ARE READING
Take My Heart || အာကာကိုလွှာပုံပြုမေယုကိုတဲ့စုတ်တံချီ ||
Fantasyလွန်ကဲတဲ့ချစ်ခြင်းမေတ္တာမျိုးကို ရူးသွပ်ခြင်းလို့ ဦးစက်ကခေါင်းစဥ်တပ်ပေမယ့် တုတုအတွက်ကတော့ ဦးစက်ကို ချစ်တဲ့ချစ်ခြင်းမေတ္တာတွေက အာကာကိုလွှာပုံပြု မေယုကိုစုတ်တံချီပြီး နှစ်အလီလီပုံဖော်ရေးဆွဲရင်အောင် အဲ့ဒီချစ်ခြင်းမေတ္တာနဲ့ပတ်သတ်တဲ့ ညွှန်းဖွဲ့မှု့ကကုန်န...