-
عند اميره وقفت وهي تسحب الثلج بس ماقدر تحطه قعدت على الارض بس اكيد ماقدرت تقعد بالحمام وطلعت وهي بتروح تقطع الشارع بس وقفت بصدمه وهي تشوف الشاحنة وهي مسرعه لها بس انصدمت وهي تشوف جهاد يسحبها بقوة وهو يركض !لحضه جهاد وش يسوي هنا ؟بس طنشت وهي تقول :يمههه كنت بروح فيها
ناظرها وقال بعصبيه :شنوو تسوين هنا عند الشاحنة
قالت بقهر:ماشفتها اوف ناظرت سعود وهي تشوفه ينزل ويبحث عنها اتصلت عليه وهي تقول :سعود انا عند مطعم ***لف وجه وهو يشوفها بس عقد حاجبه من شاف جهاد!وش يسوي مع اميره بس طنش وهو يروح يبي يعرف وش سالفتها قال جهاد :قبل شوي زوجتك كانت بتروح فيها من الشاحنة
قال سعود بخوف وهو يتفقدها :انتي بخير هزت راسها بضيق وهي تشوف سعود يتطمن عليها وهو خايف بس قالت ببرود :مافيني شي بس ابي ارجع البيت تعبانه
قال بعدها :ترا بسافر اليوم بتروحين عند اهلك هزت راسها بتسليك عشان فيه جهاد يناظرهم
ابتسم جهاد بخبث وهو يقول:حلو اليوم
ركبت السياره اميره وكانت تفكر وغارقه بافكارها اما سعود كان يراقبها ويراقب الطريق مستغرب سكوتها
عند افيان وافنان
افيان :مريضه انتي ليش تكبينها
قالت بهدوء:انتهى الموضوع استغرب جهاد وقال :شسالفه محد رد عليه عصب وقال :اخلصوا علي
قالت افيان بتافف :لقافه سالفة قاطعتها وهي تقول :ماشالله يعني الحين اميره صح وانا غلطانه
عقد حاجبه وهو يقول :اميره صح وانتي غلطانه وش السالفه علموني
افنان بقهر :بس عشاني قلت الله ياخد سعود زعلت
قال وهو يصفق :برافو يعني وش تبين تقولك زوجها حلوه ذي من حقها تزعل وانتي ليش تدعين اصلا تاففت وهي تقول :خلاص انا غلطانه المهم باقي على رمضان اسبوع بنقعد بالرياض ولا بالشرقيه
افيان :انا مستحيل اروح الشرقيه اذا انتم تبون كيفكم
ناظرها وقال وهو يوقف السياره :وين بتقعدين ؟
نزلت وهي تقول :وانت شدخلك لقافه عند اميره نزلت من السياره دخلت الحمام وهي تشتغل المويه البارده عشان تتروش سحبت ملابسها معها وهي تدخل الحمام بس قاطعها سعود وهو يقول :انا بروح اذا خلصتي روحي مع السواق لا تنسين طنشت اميره وهي تتروش بعد بعد مدة طويلة طلعت من الحمام وهي تمشط شعرها بشرود وهي تناظر المرايه اما سعود كان نايم استغربت وهي تشوفه نايم غيرت ملابسها بشكل سريع وهي تتعطر غمضت عيونها وهي تشوف الماضي بس فتحتها بقوه وهي تطلع الصاله قعدت على الاريكه وهي تشغل التلفزيون بدون هدف كانت تناظر وبدون شعور نامت بعد مرور 15 دقيقه صحت وهي مفزوعه بسبب الحلم كان الحلم عن امها شدت على راسها بوجع وهي تقول :الله ياخدك ياشيخ كانت تقصد بكلامها ابوها زفرت وهي تقول :متى متى !! قبل 20 سنه
-
قبل 20 سنه كان عمر بطلتنا ثلاث سنوات كانت قاعده بالغرفه مع امها وهي مبسوطه بس دخل ابوهم كلعاده وهو معه بنات
قالت الام وهي تقاوم دموعها :شرايك نطلع السطح ؟
اميره :لا ماما طفشت كل يوم نروح السطح بس قاطعهم دخول الاب وهو يسحب الام من شعرها بعنف صرخت اميره وهي تقول :وخر عن امي وخر ماما تعالي لا تروحين معه بس دفعها الاب بقوه على الجدران صرخت بوجع وهي تقول :عورتني طنشها الاب وهو يسحب الام من شعرها بعدم اهتمام وهو يشوف البنات جالسين قال بثقه :ذي زوجتي شتبون من الاكل او مشروبات ابتسم وهو يسمع ضحكاتهم دفعها بقوه على الارض وهو يقول :سمعتي اتوقع اخلصي علينا قالت الام بهدوء:حسبي الله ونعم الوكيل فيك وقامت بضعف(تنبيه كانوا عايشين بامريكا)
قامت الام بضعف وهي تطلع بس اميره كانت تناظرهم بحقد وهي تشوف امها تطبخ لهم صحيح كانت طفلة بس كانت تعرف دايم تفكر مين البنات ذولي وكان أبوها يجاوبها بكل ثقه :ذولي حبايبي
ناظرت امها وهي تشوفها تقدم لها العصائر والاكل وبالغلط طاح العصير منها على البنت صرخت البنت وهي تقول :وجع ماتشوفين !!!!جيبي منديل طنشتها بحزن وهي تشوف بنتها تناظرها ماتقدر تسوي شي الا اذا رجعت الرياض !حتى جوالها موب معها عشان تكلم ابوها اخوانها اي احد يساعدها نزلت دموعها بضعف وهي تقول :بينا الايام يانايف بس انفجعت وهي تشوف نايف يسحبها الغرفه وكانوا كلهم طالعين سحبها بقوه الغرفه وهو يرميها على الارض وسحب الحزام وهو يضربها بقسوه غير مبالي كان يسمعها وهي تصيح ويسمع صوت بنته وهي تقول :لا لا ذي ماما لا تسوي فيها انت قاسي بس ضربها بقوه من جديد وهو مطنش كان صوت صراخ الام عالي وهي تحاول تقوم بس كان شاد عليها بقوه ويضربها بكل عنف موب مهتم تقدمت اميره وهي تقول بصياح:وخر وخر عنها اكرهك وخر عن ماما بس دفعها بقوه وصعقت على الطوالة شهقت الام وهي تقول :اميره انتي بخير بس ضربها على عيونها نزل الدم كانت اميره تناظر الموقف بعيون باكيه سحبت بعدها الابجوره وهي ترميها على ابوها صرخ الاب بوجع وهي يتقدم عندها بعصبيه وهو يضربها كفوف على وجهها وكانت الام تدعي عليه بعصبيه بقهر بس قامت بعدها وهي تروح المطبخ وسحبت السكين وتقدمت بقهر وهي تطعنه عند كتفه ارتخى جسمه بوجع ولف عليها وهو يناظرها اما هي تصنعت الشجاعه وهي تسحب بنتها وطلعت بسرعه
-
نرجع كانت اميره منهاره وهي تبكي صوت امها وهي تتوجع وصوت صراخها يقطع القلب كانت دموعها تنزل بقوه موب قادره توقفها كانت تمسحها بس ترجع تنزل دموعها بقوه قامت وهي تغسل وجهها ودخلت غرفتها بعدها بس كانت تسمع اصوات غريبه طلعت الصاله وهي تبحث عن الصوت عقدت حواجبها
