العقاب المتناقض

بارت 5

لتنسون التصويت + متابعه لحسابي✨

#الكاتبه_اماني_المحنه✨

- ‏لا تعوض نقصك بأستنقاص الناس .

_-_-_-_-_-_-_-_-_-_꧁꧂

راحو ايار و سند يشوفون شصاير بساحة المدرسه!

التمو الطلاب على صوت الطالب الي نسرق، اقتربو ايار وسند وبعدو الطلاب حتى يشوفون شصاير، الولد الي انسرق اشر على احد الطلاب واردف

: ايهاب ايهاب سرق دنانيري (فلوسي)

ايهاب: جذاب لا تصدگو خلي يولي

ايار عصب واردف

: لا مو جذاب لان ماكو غيرك حرامي بهل مدرسه

رد ايهاب باستهزاء وبتسامه بارده

: هه شوف منو يحجي! صدك ما حجيت النه شلون جانت اول ليله بعرسك!

ايار عصب وطلع من عيونه شراره وبدون تفكير ضرب ايهاب بوكس على وجه، ركض سند ولزم ايار حتى لا تكبر المشكله اكثر ويتعاقبون، ايهاب باوع للايار بنضره حاده وابتسامه بارده واردف
: اوفف ما يقبل واحد يحجي على عرضه، شكلها العروس مبينه حلوه، بس معقوله! لان حسب الي سمعته هوه انو مزوجيك وحده اكبر منك، شنو خلصت النسوان لو انته مستعجل !

كمل كلامه وضحك بصوت عالي يستفز ايار اكثر واكثر والطلاب لمن سمعو هل كلام صارو يباوعون للايار بشكل غريب وهمه بهمسون بينهم..، ايار متحمل هل احراج وصاح بصوت عالي وهوه يكلم سند

: ولك اتركني سندددد انته تسمعه شده يحجييييي على عرضيييي...

سند ابتعد عن ايار لان كلام ايهاب مزعج، هجم ايار علي بقوه وبلشو واحد يضرب الثاني، ايهاب صديقه الي جان واكف يمه لمن شاف العركه اشتدت ابتعد وخله ايهاب وحده لكن سند دخل وياهم على الخط حتى يخلص ايار ويحمي بكل قوته،
ايهاب صار يباوع لصاحبه الي تركه بنص الشده ولسند الي ماترك ايار بأعصعب حالاته، فقد تركيزه بالدفاع عن نفسه وهوه يقارن، اجو المدرسين وبعدو ايار عن ايهاب واخذو ايهاب و ايار وسند والولد الي نسرقت فلوسه للاداره... وكفو واحد بصف الثاني كدام المدير

المدير: منو الي تسبب بهل فوضى هااا؟

اشر الولد على ايهاب واردف

: استاذ ايهاب سرق دنانيري وايار وسند اجو يساعدوني

المدير: وليش ما اجيت للاداره بلغت؟

: اسف استاذ ، بس ايهاب ما يتوب ابد عن السرقه استاذ واني مو اول واحد يسرقه ومع احتراماتي الكم انتو ما تسوون شي

عصب المدير واردف: يعني شتريد نسوي نشنقه بالمروحه مثلا

باوع للايهاب واردف: انطي الولد دنانيره وخلي يروح بسررعه