الخازوق الأسود

الخــزق الـسـابـع

#الخَـازوق الأسـود

ذكرى.

لا تنسون التصويت والتعليق بين الفقرات 🤎.

استمتعوا....

____________________
____________

الأكـبر

بمرور الايام تحسنت حالتي انا اكثر ووخرت اللفاف من أيدي والشاش على راسي، بس الكـابر لا أيدة بقت مچبسة وخصوصاً انا طاگهة له بطريقة غلط، بحيث بالمستشفى گضيناهة ضحك عليه انا والدكتور.

جان گاعد هو وماد رجلة ويشرب چاي وانا ألم الزرع والشمس بوجهي صايرة، باوعت عليه وهو رفع گلاص الچاي وكل.
-يلا اشتغل، وخلي نشوف هسة منو يضحك على منو !

صحت: روح رجع البنات من المدرسة !!

الكـابر: بعد وقت لرجعتهن، يلااا.

رجعت ألم بيهن وهو مناك صوت ضحكتة ساطرتني، خلصت وشلت السلة على ظهري واجتي خالتي حمدية تصيح.
-يلا حطيت الباقي بالسيارة روح للسوگ.

الأكـبر: مو هسة حمدية انطينة موعد ورة صلاه المغرب.

حمدية: هسة انا شعلية شوكت تودوهن المهم انا حطيتهن.

عافتني وراحت وانا رحت حطيت الي بالسلة بالسيارة.
بعد ما خلصت دخلت جوة والكـابر راح يرجع البنات من المدرسة.

تمددت بمكاني وغمضت عيوني اريد انام على هواء المبردة الحار، بس حمدية موجودة انا شلون انام !!
ماحس الا بضربة مي باردة على وجهي، فزيت من مكاني وصحت.
-ولج حمدييييية !!!

دخلت ركض للصالة بيدهة سطلة وصاحت.
-يو يو شكوو !!

باوعت علية وهي فاتحة عيونهة.
-ولك ليش مبلل !!!

الأكـبر: انا كم مرة كايلة المي مينشمر بالمبردة هيج غير تحطين الصوندة !!!!!!

حمدية: ولك انا الحگ اجيب واحط صوندة، كلت احطلك شوية مي بارد تبرد على نفسك بالمبردة، والله مو صوجك !!

صحت: اي والله مو صوجي صوجج انتِ.

رجعت تمددت بمكاني وانا مبلل اريد انام بس شوية ارتاح.
بعدني حتى مداخل بالنومة انفتح الباب وصوت خاتون خانم گام يهز البيت تصيح يمة.