غين ياء

البارت الثاني

روايتي...
بقلم:فاطمه
#غين ياء
اريد تصويتاتكم وتعلقاتكم الحلوه

غيث:هيااام اخخ يابويه هيام سالفتها سالفهه

ياسمين:عادي تحجيها
غيث:اي ابويه عادي

ياسمين:تمام
غيث:تعالي نكعد بذاك الممشى واحجيلج بما ان صرتي صديقتي
ياسمين:تمام

طبگ السياره ونزلنه كعدنه على مسطبة وهو بصفي

غيث:خل احجي يالله
ياسمين:انطلق

غيث:هيام تعرفت عليها بجامعتها جانت تدرس صيدله رحت مره لان هناك عندي صديق دكتور بالجامعه
وشفتها انعجبت بيها وحبيتها وضليت افكر بيها ضليت يوميه اروح لجامعتها حتى اشوفها
بعد شهرين قررت اصارحها واكللها اعترفتلها وكالت اني هم وكذا دخلنا بعلاقه
ب2016 بشهر السابع بذاك اليوم لزمتها تحجي وي صديقي وضحك وسوالف كلت عادي
غيث لتشك بيها عيب وسكتت بعد اسبوع تقريبا چان اسمع خبر خطوبتهم وجان عازمني الولد
طلعت من الحفله بسرعه وجان صگر يركض وراي صعدني بسيارته الاجينه بيها اني دموعي تنزل
وهو رزلني وكال انساها ومتستاهلك اجينه لبيتكم انتِ جنتي بغرفتج ف متدرين بشي حجيت لخاله
وشمرت نفسي بحضنها ابجي جانت تهدء بيه وتحجي وياي حتى اسكت بعدين من ضليت ابجي ومسكتي
وخرت هي وكالت بصوت ميئوس(دمعه الرجال صعبه تنزل بس من ينكسر تنزل)
حطيت راسي بحضنها وغفيت تعبان كعدت لكيت نفسي نايم بصالتكم كدامي امچ وذياب يحجون علي
ومنقهرين كعدت غسلت وجهي وخليت صگر يوصلني لبيتنا ضليت ايام لا اكل ولا نوم وبس افكر بيها
جنت احبها ياسمين اعشقها بس هي خاينه

ياسمين:الله يوفقك بوحده تحبك وتموت عليك وتخلك بعيونها
غيث:ههه امين ضلعي

مشينه شوي ولزم ايدي وقربني علي
ياسمين:شكو
غيث:شوفي ذول الگواويد شلون يباوعولج وكولي شكو

فعلًا جانوا مجموعه ولد يباوعولي
مشينه لحد موصلنه للسياره وصعدنه

رجعنه للبيت جربت الفستان جان يجنن حظرت فستاني ومكياجي لان باجر البنات كلنه نتجمع ببيت العروس

تعشينه وثاني يوم غيث سوا الغده وتغدينه كلنه واخذني اني وخواته لبيت نوره

شمس:ياسمينه حليانه ولچ
غيث:من يومها حلوه جنها گمر

شفت قمر غمزتله وكرصت ايده
خزرها حيل وكال بحده:قممر
قمر:اشاقه وياكك

مفهمت قصدهم بس كتله
ياسمين:شبيك وياها
غيث:ماكو شي

ياسمين:غييييث
غيث:عيونه بويه شتردين
ياسمين:اوگف يم هاي الاسواق اريد انزل اشتري
غيث:شتردين تشترين