العراق :للكاتبه فاطمة
ins :fm.f21
________________
رغبتي فيك كانت حقيقية جداً، لم أكن عندها تحت تأثير أغنية، نظرة او ماشابه ذلك، كنت أدرك وأعي بأني أريدك، بطريقة أعمق ممّا أظن، وتظن!
_______
إسلام : اخذنه تذاكر ودخلنه لقاعه الي بيها الفلم
طفت الاضويه وصار المكان ظلمه بس الشاشه مشتغله
بدا الفلم بمقدمه مو جديده عليه شايفها من قبل
متأكده هذا فلم جديد؟ جاوبتني وهي تضحك
ناي :اي جديد
إسلام :ولو اني شاك بكلامج بس يلا نشوف
مر كم دقيقه من فلم
درت وجهي عليها هذا فلم جديد مو
ناي :ضحكت بدون مااباوع عليه وحجت اعرف بي قديم بس اني احب هذا الفلم واحب كل مده اشوفه
إسلام:ابتسمت على ضحكتها
وحبيت انو هي تشاركني بالأشياء الي تحبها
جنت مركز وياها اكثر من ما مركز بالفلم
حسيت عقلي يسألني شنو نهاية علاقتك بيها؟
وانت ولد متزوج؟
جاوبت بسرعه حتى انهي هذا تفكير مجرد صداقه وبس
حسيته رجع سألني
_متأكد !؟
اي هو بس هاي السنه اداوم هنا والسنه جايه انقل للعراق وبعد مراح اشوفها
جنت اقنع بنفسي بهذا الكلام رغم اني ما مقنع بي
بس احاول اجاوب على أسئله عقلي
ناي :احب افلام الحرب واحب الافلام الي تحجي عن العصر الفكتوري
إسلام: اي افلام الحرب حلوه بس نصي صوتج لانو اكو هوايه غيرنه جاي يباوعون الفلم احسن ما يطردونه كملت كلامي واني اضحك
وره ماخلص الفلم واحنه نمشي بشارع سئلتها
شنو يعجبج بالعصر الفكتوري؟
ناي: يعجبني شكل الملابس بالعصر الفكتوري وخاصه فساتين البنات
وحتى شكل القصور
تعرف انو بالعصر الفكتوري صارت الثوره الصناعيه اَل بدايتها جانت بداخل بريطانيا بعدين انتقلت لكل أوربا بعدين امتدت
لولايات المتحدة الأمريكية
إسلام :زين فكتري بسلببات هذا العصر من عنصرية
مثلا بذاك العصر النساء مجان الهن حق يطلكن من ازواجهن ويتحملن ضرب و والاهانه و الخيانه
بحيث جان عادي الزوج يخون زوجته ويا أكثر من بنيه بس الزوجه مالها حق تطلك
ناي :عود هاي صدك اول مره اسمع بيها
إسلام: جان مسموح للأطباء يجبربون الأبحاث على جثه المحكوم بالإعدام
بس الاعداد مجانت كافيه وعلمود يلبون طلب الكليات
جان اكو اشخاص يحفرون القبور ويستخرجون الجثث الي مدفونه جديد علمود يبيعوها لكليات الطب
هاي الشغله جانت كلش منتشره بداخل لندن
لدرجه اهل الموتى جانو يطرون يراقبون قبر ابنهم او بنتهم
لكم يوم بعد ما يدفنونه
