قمت الصبح دق علي بطي
بطي: هند يلا بنسير مرسى البطين بنتريق ويا فهد
انا: وناسه اوكي
لبست بنطلون ابيض ويا قميص skims بيج و عباه سوده و اساور و خواتم ديور و حطيت ميكب و تعطرت و لبست شنطة ديور و لبست كعب اسود نفس الشنطه و نزلت و شفتهم لابسين كنادير و سرنا بسيارة فهد و طبعا انا حطيت الاغاني
بطي: والله انج ديجي فاشل
انا:حرام عليك والله اني اسمع كل شي اي اغاني تبا
بطي: حطي محمد عبده
انا: والله تم
حطيت اشوفك كل يوم و تمينا نغني
اشوفك كل يوم وأروح
وأقول نظره تردَّ الرَّوح
أعيش فيها عشان بكرا
عشان ليلي الِّلي كله جروح
و صلنا مرسى البطين و دخلنا سادل و طلبنا اكل و كوفي و طبعا انا اصور كل شي حق الستريك
فهد: اقولكم
انا: قول
فهد: متى امي و ابوي بيردون اباهم فموضوع
انا: مادري والله
بطي: شو الموضوع
فهد: اهههه اولله ماشي
انا: قول
فهد: ابا اخطب
انا: اللهههه منووووو
فهد: وحده ما تعرفونها
انا: كيف تعرفها عيل
فهد: وياي فالدوام
انا: اوكييي
بطي: امي دقت علي قبل كم يوم قالت بيردون الاسبوع الياي
انا: اخيرا ما طاعو يردون مب جنه عندهم عيال
فهد: هند شو هالكلام
بطي: هند ما قالت شي غلط انته عمرك شفت اهل جي عاقين عيالهم
فهد: تراهم مشغولين انتو كيف جي تقولون
انا: فهد خلاص ابا ارد البيت
فهد: قومو قومو يلا بنرد
طريق البيت كان وايد هدوء محد كان يرمس ولا حاطين اغاني تميت افكر فامي و ابوي و هم كيف كله يسافرون و يخلونها لين ما وصلنا البيت طلعت من السياره اول وحده و شفت سعيد واقف جدام البيت سويت عمري ما اشوفه، هالانسان ما عنده حياه 24 ساعه عند بيتنا ما يستحي اف ينرفز، سرت غرفتي بدلت و تميت عالشبريه افكر احاول ما اصيح، اتخيل حياتي اذا ما كان عندي اخوان مثل فهد و بطي صدق بكون وحيده لانه امي و ابوي كله محد، حد كان يدق الباب
انا: تعال
فهد: هلا هنوده
انا: اهلين
فهد: انتي زعلانه من امي و ابوي صح
انا: يعني اكيد بكون زعلانه منهم ما اشوفهم ابدااا ما احسهم امي و ابوي
فهد: اعذريهم هنوده ترا كله من دواماتهم عشان جي
انا: حتى لو ترا انا بنتهم احتاج امي و ابوي
فهد: هند انا و بطي موجودين مش مقصرين وياج فشي
انا: ادري والله بس اذا كانو امي و ابوي غير
فهد: ادري بس انتي ارتاحي لانج تعبانه
أنا: اوكي
رقدت من الضيقه الي فيني، نشيت الساعه 11 فالليل عطشانه و شبعانه رقاد نزلت تحت و خذتلي ماي و سناكات و يلست اطالع مسلسلاتي لين ما دقت علي امي و ستغربت
أنا: الو هلا ماما
امي: اهلين هنوده علومج و اخبار اخوانج
أنا: والله كلنا بخير انتي ماما شخباركم
امي: الحمدلله تونا وصلنا المطار
أنا: وين سايرين
امي: ههههه حبيبي هنوده رادين البيت الحين
أنا: احلفييي
امي: والله حبيبي زين انج واعيه عشان تفتحيلنا الباب
أنا: اوكي ماما
و بندت أنا ستانست انهم اخيرا ردو بس كملت مسلسلي لين ما دق الجرس، بطلت الباب و شفت ابوي و حظنته و أنا مستانسه عقب حظنا ماما
أنا: تولهت عليكم وايد
ابوي: هنوده أنا ولهت عليج اكثررر
دخلو البيت و حطو شنطهم و سرت حجرتهم أساعدهم يرتبون الشنط
أنا: بابا متى سفرتكم اليايه
امي: ما اظن بنسافر حق خمس شهور
أنا: ماما حلفييي اخيرااا
امي: هيه والله هنوده أنا ما كنت ابا اخليج بس شو اسوي دوامي
أنا: لا عادي أنا فاهمه هالشي (بس أنا لين الحين زعلانه)
كملت أساعدهم و هم رقدو و أنا سرت حجرتي و شفت رقم غريب مطرشي
هلا
هلا منو؟
أنا سعيد
نعم؟؟ كيف حصلت رقمي؟؟ تستهبل
هند لا تخافين اختي عطتني رقمج
منو اختك
هي فنفس دفعتج اسمها ريم
ريمو اختك؟
هيه
شو كنت تبا
والله شوفي أنا بروحي ماعرف و إذا بطي عرف اني رمستك بيجتلني
هيه اكيد يعني شو تتوقع
نزين عادي ادق عليج
اممم اوكي
الصراحه ماعرف ليش قلت اوكي بس ملانه مافيني رقاد و دق علي نفس الرقم
أنا: الو
سعيد: هلا هلا هلا
أنا: اهليننن
سعيد: علومج هنوده
أنا: زينه الحمدلله انته علومك سعود
.
.
.
.
تمينا نسولف و نضحك لين ما بندت و رقدت
——————
يا جماعه ادري انه تقريبا سنه ما كتبت شي بس كنت شوييي متعايزه اسفه😭😭😭
