حركات راسها بالإيجاب و بتاسمات ليه ابتسامة باهتة و نطقات بخفوت: يلاه نمشيو عافاك مكيعجبنيش هاد الجو ديال السبيطار
شد ليها غالي فيديها و جرها موراه و هو كيمشى مشيتوا المعهودة و لي داز من حداه كيحني ليه راسوا و ملي كيعطيه بالضهر كيتبع ليه العين و أغلبية كيكونو بنات و كيتمناو يكونو فبلاصة ميساء كاين لي كيقولو جاو مع بعضياتهم و كان لي كيعيب و كيقول صغيرة عليه كل واحد و قلبوا كيفاش داير.
وصلوا الطوموبيل و حل ليها الباب حتى طلعات و طلع هو فمكان السائق و كسيرا بسرعة فائقة حتى تحكوا الروايض مدازتش مدة طويلة حتى وصلوا القصر و تحلات البوابة الكبيرة باش تدخل سيارتوا و الكارد مصافين و حانين راسهم باحترام.
كيف وقفات الطوموبيل حلات ميساء الباب و نزلات بتعب كتجر فرجليها و داخلة الدار، كيف دخلات تلقاو ليها البنات كيسولوها
ابتسام بلهفة: ختي ميساء فيناهيا خالتي خديجة واش هي بيخير
ميساء شافت فيهم وحدة بوحدة و نطقات بحرقة و دموعها كيطيحوا: ماما فيها ورم فراسها
البنات شهقوا و حطوا يديهم على فمهم و دموعهم كيطيحوا.
ماجدة: هئ هئ ميمكنش خالتي خديجة متستاهلش هادشي
اية: و فيناهيا دابا
ميساء زادت فوتيرة البكا: مشات الخارج باش تداوا حيت الدوا ديالها مكينش فالمغرب و فالخارج اتداوا سرع
ابتسام عقدات حجبانها وهي وجها حمر بالبكا: ولكن شكون تكلف بهادشي
كيف نطقاتها شافت غالي داخل بتخنزيرتوا المعهودة و مشيتوا الرجولية الشي لي خلاهم يحنيو راسهم من غير ميساء لي تبعات ليه العين حتى ختفى و نطقات بهدوء: غالي هو لي تكلف بكلشي
اية ببلاهة: مسكين شفتوا البنات كنقولكم قلبوا كبير
ابتسام و ماجدة خنزروا فيها و نطقات ابتسام بحدة: ماشي وقت هاد الهدرة دابا ( و شافت فميساء بحب) ختي ميساء مديريش فبالك راه خالتي خديجة دابا ترجع لينا حسن من قبل و هاحنا هنايا انكونو كثر من خواتاتك
ميساء تلاحت عليها معنقاها و هي كتشهق بالبكا بقات حتى تهدنات و نطقات بصوت مبحوح: نخليكم انمشي نرتاح شوية
مشات و خلاتهم من موراها كيتحصروا على حالتها، كيف دخلات البيت ضرباتها ريحت ماماها وهي تغمض عينيها بأسى و توجهات الماريو لي فيه حوايج خديجة و هزات منوا بيجامة و عنقاتها وهي كتبكي و نطقات بهمس: ياربي شافي ليا ماما و رجعها ليا سالمة راه هي بوحدها لي عندي ياربي
و تكات فوق السرير و هي معنقة البيجامة و بالعيا و البكا داتها عينيها على داك الحال، دازت تقريبا شي تلاثة سوايع حتى حسات بشي حد كيلعب بشعرها و حلات عينيها بتثاقل حتى كتشوفو كالس حداها و كيلعب بشعرها و كيف فاقت تكلم بصوت مبحوح جداب و نادر: فيقي براكة عليك نعستي بزاف
ميساء كيف شافتوا كحزات تجاهوا و تكات على صدروا فحال شي بنيتة صغيرة مكمشة فباباها و نطقات بصوت رقيق برئ: ماما اتولي بيخير ياك
غالي هز راسوا بالإيجاب و هو فرحان حيت بدات كتولفوا و كتميل ليه و نطق بهدوء: امم اتولي حسن من اللول
ميساء هزات فيه عينيها حتى تقابلوا عينيهم و نطقات بنبرة مترجية: جيب تواب تعيش معانا عافاك
يلاه كان ايدوي و هي تقاطعوا وهي مميلة راسها: عااافااك
غالي زفر و حرك راسوا بالإيجاب: واخا انفكر(ونطق وهو كيحاول يبدل لموضوع )قولي ليا تبغي تخرجي
ميساء بتاسمات ببراءة: اه بغيت
غالي: نوضي لبسي باش نخرجوا
ميساء وقفات بحماس و شافت فيه: واخا انا انلبس دابا
توجهات الحمام ولكن لاحضات وجودوا فالبيت مازال و ضارت عندوا بخجل: مغتخرجش
غالي عقد حجبانوا: علاش انخرج
ميساء حنحنات بحرج: احم احم انا خاصني نبدل حوايجي
غالي: بدلي شكون حبسك
ميساء ميلات شفايفها باش ديماري البكا تاني وهو يقاطعها بحدة: اتبداي تباكاي عليا عوتاني انلصق ملتك مع الحيط
و خرج و سد الباب، كيف شافت الباب تسد توجهات الحمام دوشات دوش خفيف و خرجات لبسات(كيفما فالصورة حيت كان البرد)
YOU ARE READING
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
