روح في بحر الظلام

الحلقة الاولى

،،،،،،،،،،،،،،،،،،،،،،،،،،،،،،،،،،،،،،،،،،

روح في بحر الظلام

____ الكاتبة بحر _____

بنات كل اللي تمر منا ارجوكم لتنسون التقييم
بالنجمة والتعليق

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

اكتب بشغف وحب ليس لغاية وانما هو هوس الفن في الروح
____________________________

في احد مناطق بغداد

كالعادة لازم اسمع صوته بطريق الرجوع من المدرسة مسحت العرق من جبهتي بالمنديل واستمريت بالمشي متجاهلة غزله السوقي

كليوم يلحكني من ركن المدرسة لركن فرعنه طالبة سادس وروحه طالعه ويطلعلك هالتافه

دريد بهمس: يولي عيون لو بحر. شوكت ترحميني. حني علية يبنت الناس ترا صبري بدا ينفذ. بس ردي علية اسمع صو...

رانيا التفتت بغضب: قسمآ بالله اذا ما وخرت عن
طريقي هسة الم الناس عليك واخليك فلس ماتسوا.

دريد: بيج خير سويهه وربج محد يخسر غيرج اكلهم حبيبتي ومختلفين.
هسة انتي شبيج ياعيوني دخذي الرقم وخل نحجي يجوز تصير القسمة واصير من نصيبج

كملت الطريق ساكتة الحقير مطمأن اني ما أسوي شي لان التمس الضعف من تصرفاتي.

لان ماعندي حل ثاني بابا اذا اشكيلة اول حل يسوي اتركي المدرسة

وانا ما اكدر اترك مدرستي لان كانت المتنفس الوحيد اللي.

__وصلت لركن فرعنة كالعادة صعد سيارتة الغالية ولبس نضارتة وانقلع كملت طريقي وحدي

مشمشة عمري اختي الزغيرة كانت تنتضرني بالباب بش تلمحني تجيني تركض بالشارع انا الزم نستلةة الهه بأيدي

لقائهه وياي كانما سنة مفاركتني
_ _ _

مشمشة بضحك:ولكم هلاا ولكم هلااا بعمري هلا بكلبي هلا بالنستلة جيبي جيبي

رانيا مبتسمة :هم كلبج النستلة لا رانيا ولا عمري هاج بس ماعت من الحر خل تبرد يلا تاكليهه

مشمش :لا لا هي هيج اريدهه مايعه مثلج ههههههه

رانيا بضحك: انتي شهالسوالف الماصخة منين تجيبينهه

اباوعلهه تاكل بالككو دخلنة للبيت عيوني تدور ع امي. __ماما ماماا.

طلعت من المطبخ المس بأيدهه

ليلى:الله يساعدج يلا بسرعة غيري وتعالي ساعديني ترا ضهري مكسور من الستة الصبح لحد هسة

:يلا جاية، بس ابدل بدلت ملابسي وغسلت وجهي ورحت، ماما شنو بابا يتأخر ترا ميته جوع

ليلى:لا ميتأخر جهزي الغدا اروح اخيط دشداشة ام عمر اليوم تريدهه خطية من زمان مأخرتهه