Make You Mine Season 1 | Heartful Academy 1

Chapter 21

HAKU MONTERIVER

PARA masabi ko ang lahat ng gusto ko sabihin kay Tian ay pumayag ako sa naging plano ni Art. Kaya ngayong gabi ay nandito ako sa loob ng City Field dala-dala ang guitar. Pumunta ako sa audience seat at dito mag isang umupo.

Napakatahimik na rito dahil medyo malalim na ang gabi, pero may iilang tao pa rin ang pumapasok dito at tinitakbo ang field para makapag exercise. May mga athletes pa rin ang nandito pero huminto na sa pag training at nagpahinga nalang sa gilid.

Habang tinitignan ko itong napakalawak na City Field ay naalala ko ang mga nangyari sa amin ni Tian nong gabi ng Music Festival. Hindi ko napigilang ngumiti habang nakatingin sa center ng field kung saan nagkalapit ang aming katawan dahil sa banggaan ng mga tao habang inaawit ng Coastline ang Make You Mine.

Natigil ako sa kaka-isip at parang may nag tulak sa 'kin na lumingon sa entrance area. Pagkalingon ko sa entrance area ay napanganga nalang ako nang makitang kakadating lang ni Tian.

Gaya ng dati ay lagi niya talaga napupukaw ang attention ko. Halos matulala ako habang nakatingin sa kanya, lalo na ngayon na hindi ko inaasahang pariho ng kulay ang mga suot naming damit. Naka white polo siya, while naka white long sleeve polo naman ako.

Umupo siya sa may bench sa gilid at wala masyadong tao do'n kaya maging perfect ang place na 'yon para sa aming dalawa. Lumilingon siya sa paligid at parang may hinahanap, at alam kong si Sky 'yon. Wala naman dito si Sky kaya hindi ko na hinintay na matawagan niya 'yon dahil baka mabuko ang plano.

Tumayo na ako at lumakad papunta sa bench kung saan siya nakaupo. Pagkalapit ko ay nag ipon muna ako ng lakas na loob bago magsalita sa likod niya. "Tian..." mahinahong wika ko sa pangalan niya.

Dahan-dahan siya lumingon at nakita ko ang gulat sa mukha niya. "H-Haku...? Nandito ka rin pala?" Gulat niya at muli siya lumingon sa paligid. "Nasa'n si Sky? Magkasama ba kayo?" Tanong niya.

Dahan-dahan ako umupo sa tabi niya. "Huwag mo na hanapin si Sky, dahil simula ngayon, ako na ang magiging coach mo. Ako na ang araw-araw mong makasama para turoan ka mag guitar." Kalmadong sagot ko.

Nagulat siya at parang gusto niya matawa. "Nagbibiro ka ba? Taika prank ba 'to...?" Natawang sabi niya na halatang ayaw niya ako paniwalaan.

Seryoso akong lumingon sa kanya. "Hindi ako nagbibiro. Ako na ang coach mo. Sa ayaw at gusto mo, wala kang magagawa." Nakipagtitigan ako sa kanya at natahimik nga siya dahil talagang pinakita ko sa kanya na seryoso ako.

Bigla nalang siya tumayo at dahan-dahan na humakbang para iwan ako. Hindi pa siya nakalayo kaya inihanda ko ang gitara ko at dahan-dahan na sinimulang tugtogin ang kantang Midnight Star, isa sa napaka romantic na kanta ng Coastline at isang araw ko lang natutunan.

Inawit ko ito habang nakatingin sa itim na ulap at nababalot ng bituin. Hindi ko siya nilingon pero napansin kong napahinto siya sa gilid nang marinig akong mag gitara at kumunta.

Here I am, in the midnight.
Staring at your beautiful eyes.
Wondering if you think about me.
But if you don't, I just want you to know.
That I was screaming your name, at the starry night.

You are my midnight star, giving me light in the dark.
The darkness slowly fade, when you slowly hold my hand.
You bring me up to the sky...until our name written in the universe.

Nang matapos ko kantahin ang Midnight Star ay dahan-dahan siya lumapit sa harapan ko habang halos mahulog ang panga. "Wow...marunong ka pala mag gitara...? At kanta pa ng paborito kong banta..." labis siyang humanga at dahan-dahan nga siya bumalik sa tabi ko.