لــبـوة الـمــوصل

الحــلـقـة الـــسـابـعـة

لــبـوة الـمــوصـل

لــلـكاتــبة: مـــهــرة
𝒃𝒊𝒏𝒕 𝒂𝒍𝒉𝒖𝒅𝒂𝒂𖤾

#آلُِلُِهـم صلُِِ  عٍ محٍمدِ وآلُِ محٍمدِ🜻 💙

‏ياجبار، جبراً يُعيد للقلب حياته و روحه.

_______________
#عــَهــد

صُدگ احتقنت وردت ابچي من دفعني
لا وفوگاها مخلي الاسلاح علية صدگ
لو گالوا سوي خير وذب بالشط

رضوان :- خلي يجي واحد يچتفها بساع

عَهد 'باوعتله بصدمة وهوَ عاگد حواجبة
ويخزر بيه :- شبيك بابا شيچتف اني جاية
وَي اسمر

'اجة واحد بيدة حبل ردت اگوم لو وگعت
نفسي بميت مصيبة رجع دفعني وگعني
بالگاع بس اليقهر مو بيدة برجلة گمت
اعيط عليهم بصوت عالي بحيث متت
من القهر واني اشوفها كلها تباوع بستحقار
يحسسوني اني خاينه من نضراتهم علية اجت
رونق  وياها ولد شاب طول بعرض اول
مشافتني اجت علية تركض

رونق :-هاي شبيكم ليش هيج مسوين بيها

رضوان :- سيدي متأكد هاي جاسوسه

اللواء كريم :- منيه هاي مدنيه

رونق :-لا مو مدنية اجت ويانه اني وأسمر

اللواء كريم :-شسوت

رضوان :- رادت تاخذ الأوراق الي عد
حــور

رونق :- كريم گتلك هيا

قاطعها كريم بحدة :-  ربط اديها وسد حلگها واخذها منا بسرعة

رونق :- كريم والله يلعب لعب بينه أسمر

كريم :- مو هوَ الي يلعب بينه لعب احنه اليوم نلعب بية شنو جايب جاسوسة وجاي

رونق :-گتلك اني وبكيفك بعد

عَهد ' شدو أدية وحلگي واخذني لمكان شبههه فارغ ورة احد البيوت المتهدمة

صوتي راح اصرخ بس مينسمع صوت صريخ بس ونات ولا حياة لمن تُنادي

خليت راسي ؏ حايط الي گعدني يمه
طاحت دمعه ؏ خدي

ما الذي أتى بي هُنا هذا المكان ليس لي
مكانٌ مليء بالوحوش لم يتركوا لي فرصة
للتبرير

ضليت صافنة بالسماا والنجوم الي منتشرة بيها
صار صوت نُباح كلاب كُلش قريب صرت
ارتجف من الخوف ورعشة سرة بجسمي

صارت الافكار جيبني وتوديني ليش تأخر
معقولة حچولة وصدگ بيهم زين اني شنو
ذنبي دنيا ليل وما أسمع بس صوت الصراصر
وصوت نُباح الكلاب والرمي والشرار يطاير
فوگ راسي وكُل شوية تهتز الگاع الجواي
من قوة القنابل والمتفجرات

شفت ضوة اجة من بعيد  صار الضوة
يتقرب شوية شوية عَلية رجف جسمي
ماعرف اذا من الخوف اة من نسمة البرودة
الي بساعتها كفختني تقرب الشخص الي
لازم الايت بيدة علية ماشفت شكلة لان
الضوة حان بوجهي شوية وطفة الضوة
اخذتلي ثواني احاول افتح عيوني لان الضوة
چان بعيوني ما بين وجها كُلش لان هوَ طفة
لايت بس ضوه القمر بينت شوية من ملامحه