طلعت الهاف وهي تبكي شافها ابوها
ابوها: وراه الهاف تبكين وش فيك يابعدي
( الهاف توهقت وماعرفت وش تقول له)
الهاف: ابد ابوي نقصت درجات عشان كذا زعلانه
ابوها: تعوضينها ياعيوني انزلي عند روان ايام وبتروح بيتها
الهاف: زين ابوي
/
\
روان وساره
ساره: هاه كيف طلال
روان: وش تقصدين
ساره: يعني يعاملك كويس
روان: طبعا ساره مستحيل يزعلني
ساره: متأكده؟؟
روان: ايه طبعا هاذا سؤال
ساره: زين الله يوفقكم يارب
روان : امين ياعيوني، الا صح وينها الهاف
ساره: م اعرف توها طلعت تبكي
روان: مشينا نشوفها
ساره: يلا
وهم طالعين شافوها وهي نازله
روان: وش فيك الهاف علميني
ساره: وش بلاك الهاف
الهاف : بنات لا تضغطون علي متضايقه من شي
ساره: طيب وين بتروحين؟
الهاف: بروح دوره المياه ممكن تسمحون لي!!
روان: زين زين روحي
ساره تكلم روان
ساره: وش فيها هاذي البنت مو طبيعيه
روان: والله م اعرف بنعرف امرها
/
\
الهاف طلعت برا وشافت نايف ومن كثر م هي مو بوعيها ضمته
نايف مصدووم وفرحان ومو عارف وش يقول لها
نايف: الهاف وش فيك بسم الله لا احد يشوفنا
الهاف: اهخ نايف وش اقول لك ووش ابقي
نايف: عسى م شر
الهاف وقفت قدامه وتناظر في عيونه وصحصحت وعرفت وش كانت تسوي واستغربت
الهاف: نايف اسفه مره
راحت تجري وتقول وش سويتي انتي ي الهاف وش
نايف: يالله قد ايش كنت منتظر حضنها ياربي بموت من الفرحه
الهاف خشت تجري وشافتها امها
ام الهاف تكلم روان وساره وام ساره
ام الهاف: وش فيها الهاف يابنات مو على بعضها
ساره: والله ي خالتي كلمناها انا وروان وما قالت لنا شي
روان: انا بطلع اشوفها
وهي طالعه نادها طلال
طلال: روان تعالي شوي ابيك
روان: بطلع اشوف الهاف طلال
ام ساره: انا بروح لها روان كلمي زوجك
راحت روان عند طلال
روان: لبيه وش بغيت
طلال: وش ابغى يعني ابيك
روان وهي تشيل ملابسها وتضحك
طلال :وش فيك تضحكين تراك صرتي زوجتي
روان وهي مسويه غبيه
روان: اوه صدق توني ادري طلال عبالي اخوي
طلال: يلا يلا بس
روان: افتح لي الخراط
طلال: اوف جوي ثواني
روان حبت تقهره
روان: لالا امزح معك وراحت تجري الحمام
طلال: يازفته تعاالي هنا
ام ساره والهاف
الهاف كانت تفكر في نايف وكيف حضنته ام ساره دقت الباب على الهاف
ام ساره: الهاف افتحي الباب
الهاف: اهلين خالتي قاعده البس
ام ساره: معليش يابنتي م دريت
الهاف: شدعوه خالتي
الهاف مبسوطه وزعلانه
الهاف تتكلم مع نفسها: اوف ي الهاف اوف انسي ريان مو من نصيبك ولا كان يبادلك الشعور ولا توقفين بين نصيب اختك ونايف بروح الصبح اتعذر منه وعلى اللي سويته بس ليه كان مبسوط؟
ليكون يحبني؟ اوف الهاف وش ذي الافكار قومي يلا اغسلي وجهك وانزلي عندهم
نايف وههو جالس يقهوي الرجاجيل..
