𝑂𝑢𝑟 𝑆𝑜𝑛𝑔 (𝑆𝑢𝑛𝑔𝐽𝑒𝑛𝑔)

𝘖𝘶𝘳 𝘚𝘰𝘯𝘨

'သရဲကားကြည့်လို့ရမလား' ဆိုပြီးအနားကပ်ပြီး တိုးတိုးလေးလာပြောတော့ ဂျုံဆောင်းယောင်ပြီး သူ့ကိုလှည့်ကြည့်မိသေးတယ်။

'ငါမင်းကိုဖက်ထားချင်လို့။ မကြောက်တတ်ရင်တောင် ဒီအတိုင်းလေးအဖက်ခံထားပေးပါ' ဆိုပြီးတောင်းဆိုလာတာလေ။ ဂျုံဆောင်းမရှက်ဘဲနေမလား။ လက်မှတ်ဖြတ်ပေးမဲ့ ကောင်တာကကောင်မလေးက မဖောက်ရသေးတဲ့တူနှစ်ချောင်းလို ပူးကပ်နေတဲ့သူတို့နှစ်​​ယောက်ကိုတောင် ပြုံးပြီးမျက်နှာလွှဲသွားပြီ။

နီရဲနေတဲ့ကိုယ့်ရဲ့ပါးနှစ်ဖက်ကို ဂျုံဆောင်းလျစ်လျူရှုပြီး ရှေ့မှာပြထားတဲ့ထူးထူးဆန်းဆန်းမျက်နှာကြီးတစ်ခုပါတဲ့ ခပ်မှောင်မှောင်ပိုစ့်စတာတစ်ခုကိုပဲ လက်ညှိုးထိုးပြီး လက်မှတ်နှစ်စောင်ဝယ်လိုက်ရတယ်။ ပတ်ခ်ဆောင်ဟွန်းလုပ်လို့ သူ့မှာအကြွေဖြတ်တာတောင် လက်ကတုန်ချိချိဖြစ်သွားရတယ်။

ဘာမှထုတ်မပြောပေမဲ့လည်း သူ့ကောင်လေးကို ဂျုံဆောင်းအရမ်းအသည်းယားပါတယ်။

ပတ်ခ်ဆောင်ဟွန်းကအလွန့်အလွန်ကိုရောမန္တိကဖြစ်လွန်းလှပါတယ် လူတွေရယ်...

.
.
.
.
.
.
.
.
.
.
.
.
.
.
.
.
.
.
.
ဆိုတဲ့စကားကို ဂျုံဆောင်းပြန်ရုတ်သိမ်းပါရစေ။

"ပျောက်သွားပြီလား ဘေဘီ"

"အင်း ပျောက်သွားပြီ။"

"ဟုတ်လို့လား။"

"ဪ တကယ်ပါဆိုနေမှ။"

သူနှစ်ခေါက်လောက်ပြောတော့မှ မယုံချင်ယုံချင်နဲ့ ဂျုံဆောင်းနောက်ကျောနောက်ဝင်ပုန်းနေတဲ့ သူ့ခေါင်းကိုပြန်ထောင်ပြီး ပတ်ခ်ဆောင်ဟွန်းကဟိုဟိုဒီဒီလိုက်ကြည့်တယ်။ ပြီးတော့မှ သူ့ကိုပြုံးဖြီးဖြီးနဲ့ပြန်လှည့်ကြည့်တယ်။ ဒါတောင်သူ့ကိုဖက်ထားတဲ့လက်တွေက ရုပ်ရှင်စပြတည်းကတစ်ချက်တောင်မလွှတ်ရသေးဘူး။ ပတ်ခ်ဆောင်ဟွန်းကအစကတည်းက ဖက်ထားချင်လို့လို့ပဲ ပြောခဲ့တာပါပဲ။ ဘာကြောင့်ဖက်ချင်ပါတယ်လို့မှ မပြောခဲ့ဘဲကို။ မဆီမဆိုင်အားကိုးချင်စိတ်တွေဖြစ်သွားမိတဲ့ ကိုယ့်ကိုယ်ကိုယ်ပဲ ရုပ်ရှင်ကားထဲပါတဲ့ ဆယ်ပေါင်တူကြီးနဲ့ထုပစ်လိုက်ချင်တော့တယ်။