That Nerd (Completed)

45 (FINALE)

-

 Aichee’s POV

  Napalingon ako ng tawagin ang section nila Allaine, napangiti ako ng Makita ko siyang nakangiti at nakapila habang naglalakad kasunod ng mga kaklase niya patungo sa stage.

“Lara Abaca…” nakangiting naglakad si Lara sa Stage upang kamayan ang mga Guro na nagsilbing pangalawa naming magulang sa buong Apat na taon sa High school, Inabot niya ang diploma,nakangiting humarap sa mga manonood, at hinintay ang paglapit ng mga Magulang niya upang isabit ang medalyang matatanggap niya.

“Congrats.” Bulong ko kay Kyle, halata sa kanya na sobrang proud siya sa Girlfriend niya,Top 1 eh. Proud din naman ako kay Allaine, alam ko naman na sinubukan niyang mapunta sa spot na meron si Lara pero siguro, nakaapekto sa kanya ‘yung nagyari sa’min dati. Proud pa din ako dahil Top 2 siya sa klase nila.

 At nagtataka ba kayo kung ano ang meron ngayon? Eto lang naman ang pinaka espesyal na araw para sa aming Seniors, ang aming ‘Graduation’ day.

Nagpalakpakan ang mga kapwa naming estudyante,ganun na din ang mga magulang namin ng tuluyan ng maisabit ang medalya kay Lara.

“She did it.” Nakangiting saad ni Kyle habang pumapalakpak, Tumingin sa kanya si Lara at pinakita ‘yung medal na suot niya, nag ‘ok’ sign naman si Kyle sa kanya.

 Ilang pangalan pa ang tinawag, nagkatinginan kami ni Allaine. I mouthed ‘good luck’ saka ako nag salute sa kanya. Lumawak ang ngiti ko ng kawayan niya ako. ‘Vesconde’, kaya nasa dulo siya ng pila ng mga Girls.

“4-B Top 2, Allaine Vesconde—“

Hindi natapos ng dean ‘yung pagsasalita ng bigla akong tumayo habang pumapalakpak, natatawa si Allaine habang naglalakad papunta sa stage habang nakatingin sa’kin. Kahit sila Paolo at Kyle ay natatawa na, maging ang mga Teacher’s at Dean ay pare-pareha ng reaksiyon.

“Congrat’s,Baby! I’m so proud of You!” sigaw ko pa.

“YIIIIIIIIIIIIIEHHH!” Nagtilian ‘yung mga babaeng Seniors, nakangiti naman sa’kin ‘yung mga Teacher pati na din si Dean.

“You have a very proud Boyfriend there.” Natatawang saad ni Dean. “Okay, may we call on Mr. & Mrs. Vesconde…”  dahan-dahan akong umupo ng Makita kong ngiting-ngiti sa’kin ‘yung Parents ni Allaine habang paakyat sila ng Stage, napa face palm ako. Nawala sa isip ko na Graduation nga pala ito at malamang nandito din ang Parents niya! Ngayon pa ako nahiya,eh naipag sigawan ko na!

 Muli akong sumulyap kay Allaine, matamis ang ngiti niya habang hawak ‘yung nakasabit na medal sa leeg niya, inangat niya ‘yung paningin niya at deretso siyang tumingin sa’kin. Sinuklian ko ng matamis na matamis na ngiti ang ngiti niya. Nakatingin lang ako sa kanya hanggang sa makababa siya ng stage at makaupo sa upuan niya.

 Lumipas pa ang oras, maya’t-maya ako sumusulyap kay Allaine. Napapangiti nalang ako, ang ganda-ganda niya kahit wala siyang make-up. Nakalugay lang ang buhok niya at tanging ‘yung pang couple stuff ang suot niyang accessories. Napaka simple niya, napapaisip na naman tuloy ako. Kaylan niya kaya ako sasagutin? Hindi naman sa nagmamadali ako, sa katunayan nga eh kahit nangliligaw pa lang ako, parang kami na din. Sadyang panakaw lang ‘yung kiss ko.

Muli na naman akong napangiti ng maalala ko ‘yung nangyari kanina…

<>FLASHBACK<>

 “T-teka! Saan ba tayo pupunta? Baka hanapin tayo dun!” alalang tanong niya habang hinihila ko siya sa kung saan. Naka toga na kami at hinihintay nalang namin na mag simula ang seremonyas.

“Saglit lang ‘to.” Nakangiting saad ko, ngumiti din naman siya at hinayaan na akong hilahin siya hanggang sa makarating kami sa likod ng Building ng Seniors. Isinandal ko siya sa wall saka ko hinarang ‘yung magkabilang braso ko sa gilid niya.