DELICIOUS TROUBLE (Kitchen Lover Series 1)

CHAPTER ONE

CHARLIE DE VERA

Charlie

"Charlie."

Bahagya pa siyang umungol at tinabig ang kamay na yumuyugyog sa balikat niya.

"Girl, gising na."

"Ano ba?" Inis niyang isinubsob ang mukha sa unan at pinilit na bumalik sa masarap niyang pagkakatulog.

"Hey, it's seven o' clock already. You told me to wake you up at six." Naramdaman niyang hinila ng kung sino ang comforter na bumabalot sa katawan niya.

"Damn it." Wala na siyang magawa kaya napilitan na siyang bumangon. Nakita niyang nakapameywang sa harap niya ang kaibigang si Emie. Nakasuot ito ng bathrobe at may nakapulupot na tuwalya sa ulo nito. Halatang bagong ligo.

Naisubsob pa ni Charlie ang dalawang kamay sa mukha niya at pilit na inaayos ang sarili. Antok na antok pa talaga siya. Puyat siya kagabi dahil magdamag silang nag-party ng mga kaibigan niya at staff kasama ang boyfriend niyang si Connor. Napangiti pa siya nang maalala ang boyfriend. They were so happy last night. They were drinking, singing, kissing, and then suddenly he went down to his knees and...

He proposed last night!

Nanlalaki ang mata niyang tumingin sa daliri at kuminang pa sa mga mata niya ang diamond engagement ring na ibinigay ng lalaki.

And it was not a dream.

"That's a big rock that you're wearing," nakangiting komento ni Emie at tiningnan pa maigi ang daliri niya.

"Connor proposed last night," hindi pa rin siya makapaniwala sa nangyari. Pilit niyang kinakalma ang sarili at tinungo ang banyo para maghilamos. Baka kasi nananaginip pa rin siya. Pero nahimasmasan na siya ay nakikita pa rin niyang suot ang engagement ring.

"Congratulations," sabi ng kaibigan na nakasunod pala sa kanya sa banyo.

Napangiti siya at malakas na napasigaw. "Connor proposed! Oh my God!" Nagtatalon pa siya sa sobrang tuwa.

Hindi na niya inaasahan na magpo-propose ang boyfriend niya for two years. Very vocal ang lalaki na priority nito ang negosyo ng pamilya. Connor came from the wealthy family of Smiths. His father was the of CEO of Helix Petroleum, one of the biggest oil companies in the US and his mother was the famous socialite Ingrid Maristeo Smith. She was a previous beauty queen and now, a famous NGO worker who helps less fortunate people.

"Maybe Connor changed his mind. What did you do with him and he went down on his knee?" Lumakad si Emie papunta sa kusina at sumunod siya dito. Nagtimpla ito ng kape at ibinigay ang isang puswelo sa kanya.

"I don't know." Marahan niyang hinilot ang ulo at humigop sa umuusok na kape. "We were celebrating last night because of the launching of my newest collection then he did that." Napabuga siya ng hangin at nag-aalalang tumingin sa kaibigan. "Hindi kaya nabibigla lang si Connor tapos babawiin din niya ngayon ang proposal niya? Sasabihin niya lasing lang siya kagabi then it was all a prank."

"Gaga." Natatawang sagot ni Emie at nakiinom sa kape niya. "I think he realized that you are a good catch. Imagine, ikaw si Charlie de Vera. The famous millennial wedding gown designer of the stars. Ang mga clients mo hindi basta-basta. Ilang beses ka na ring nakapag-labas ng mga gawa mo. Those socialites are dying to have your services. Tanga na lang si Connor kapag pinakawalan ka pa niya." Tinanggal nito ang tuwalyang nasa ulo at kinuskos pa ang buhok.

Totoo naman ang sinabi ng kaibigan. Hindi rin naman siya basta-basta. Kilalang-kilala ang pangalan niya sa fashion industry. Her iconic black wedding dress which was paraded in New York fashion week last year was still making a buzz among celebrities and socialites. At the age of twenty-six, she was one of the youngest fashion designer and entrepreneur that graced in that prestigious fashion show. International designers and celebrities were also tying up with her brand.