Escritos varios que elabore durante este outono.
Haberá poema(s), relatos curtos e fragmentos de historias nas que estou traballando ^^.
Inspirada no Wordtober (pero como sei que se me dá mal escribir todos os días), decidín crear unha sección de li...
Gustaríame escoitar o vento, sentilo, ao son da auga dun regato que corre. Gustaríame respirar ese aroma a herba, o perfume dunha flor, a brisa de outono. Quedar nun lugar así durante minutos, incluso horas, para atoparme a min mesma, para esquecerme de min.
Gustaríame espertar coa ilusión dun novo día e non co cansazo do anterior. Gustaríame saltar da cama con enerxía, unha enerxía inesgotable ata ben entrada a noite. Gustaríame querer vivir máis e querer durmir un pouco menos.
E camiñar sobre o aire e voar entre pólas e bailar xunto as follas que caen amodiño. Sentir a chuvia suave, non un diluvio, só gotas pequeniñas sobre a pel, sen preocuparme dos cristais das gafas nin do frío da tormenta.
Escoitar as badaladas e moverse ao seu son, durmir coa tormenta e espertar baixo o sol. A calor do fogar, a calor da ilusión, a calor da felicidade e a calor do propio amor.
Esforzarse a cada paso máis alá do esgotamento e loitar por unha meta que realmente desexo alcanzar. Pero ás veces esas metas esvaécense e pérdome polo camiño e xa non sei avanzar. É entón cando debo reconectar comigo, con quen son.
E só cando corpo e espírito están en equilibrio nacen as mellores obras que un podería crear.
Oops! This image does not follow our content guidelines. To continue publishing, please remove it or upload a different image.
