اتأخرت معلش ان شاء الله مش هتأخر فى الجديد وغالبا هحضر مفاجأه فيه
ما تنسوش الفوت والكومنت خدوا حب
_________
(دخل كيوهيون القصر وهو شايل سول على ايده..ووراهم الخدم بالشنط..راحت هانا عليهم وانحنت)
هانا:حمد الله على سلامتكم
كيوهيون:فى حاجه حصلت فى غيابنا
هانا:مفيش حاجه تذكر لحضرتك
(هز راسه بالايجاب..بصت هانا على سول بقلق)
هانا:هى كويسه
كيوهيون:نايمه بس مش اكتر
(طلع بيها اوضته ونيمها على السرير ودخل اخد شاور...خرج لقاها بتتاوب وبتتحرك بملل على السرير..قعد جنبها وباس راسها)
كيوهيون:صباح الخير
سول:صباح النور
كيوهيون:نمتى كويس
سول:اه المفروض
كيوهيون:عايزة تنامى تانى
(بصتله بحزن)
سول:مش فاهمه انا ايه النوم الى بقيت انامه ده
كيوهيون:عادى الدكتوره قالت ده طبيعى
سول:بس يخنق انا حتى ما كنتش عارفه اقعد مع يى فنغ وبوران
كيوهيون:كلها شهرين ونص
(حطت ايديها على بطنها)
سول:علشان تعرفوا ماما بتستحمل قد ايه
كيوهيون:انا هعوض مامى كويس اوى
سول(بصتله بعمق):هو انا بعد ما اولد هتبطل تحبنى
كيوهيون:ها
سول:رد عليا
كيوهيون:ايه الى دخل ده فى ده
سول:سمعت كدة يعنى ان الراجل بعد ما مراته بتولد بيبطل يحبها
(ضحك ونعكش شعرها)
كيوهيون:سول انا مش فايقلك لازم اروح الشركه دلوقتى
سول:احنا لسه واصلين
كيوهيون:بقالى تلت اسابيع سايب الشغل وقاعد فى الصين كدة دلع
سول:وانا هعمل ايه بقى لوحدى
كيوهيون:هتنامى مثلا علشان قولتى عايزة تنامى وملحقتيش تريحى
سول:بس انا مش عايزة انام
كيوهيون:تيجى معايا الشركه مش هتأخر
سول:ماشى
كيوهيون:انتى صدقتى
سول:خدنى معاك ارجوك انا هحس بملل
كيوهيون:امرى لله غيرى هدومك بالبطيخه دى
سول:انا جعانه يا كيو
كيوهيون:هخليهم يحضروا الفطار لغايه ما تغيرى هدومك
(قامت من على السرير اخدت شاور وخرجت لقته واقف بيعدل هدومه قدام المرايه)
سول:انا غيرت رأى
كيوهيون:ها
سول: روح انت
كيوهيون:ليه بس
سول:حاسه انى عايزة انام
كيوهيون:طب مش هتاكلى
سول:هستناك لما تيجى بليل وناكل سوا
كيوهيون:هتقعدى ده كله من غير اكل
سول:اه نفسى مسدوده
كيوهيون:مش انتى الى قولتى انا جعانه -_-
سول:هرمونات الحمل يا حبيبى ولو جعت هاكل ما تقلقش
كيوهيون:طب انا هلحق امشى علشان يفضل عقلى سليم
سول:ما تتأخرش عليا بس
كيوهيون:هحاول اخلص الى ورايا بسرعه اجى
(راح ناحيتها علشان تعدله الكرافته..وقفت قدامه وهى مبتسمه بعد ما عدلتها.. شالها ونيمها على السرير)
سول:انا تخنت صح
(هز راسه بمعنى مفيش فايده)
كيوهيون:حبيبتى انتى حامل وتؤام فطبيعى وزنك يزيد شويه
سول:بس انا حاسه انى بقيت تخينه اوى
كيوهيون:خلاص بعد الولاده شوفى اى حاجه انتى عيزاها واعمليه
(غمضت عنيها واتكلمت بتعب)
سول:اهم حاجه ما تقوليش انتى تخينه وتسبنى
(باسها على خدها)
كيوهيون:مش هتأخر يا سول
(خرج كيوهيون راح الشركه وكملت نومها..اول لما دخل الشركه..جابتله جيهو كوبايه القهوه وحطت قدامه شويه تقارير وخرجت بسرعه دقايق ودخل شيون )
شيون:اهلا اهلا انا قولت انك هتنقل الشركه الصين
كيوهيون:البركه فيك
شيون:مفيش اجازات تانى علشان انا تهت من غيرك
كيوهيون:من عنيا حاضر
شيون:ودونغهى جابلى شلل
كيوهيون:مش لوحدك كان بيكلمنى وانا هناك
شيون:عملت ايه فى موضوع يى فنغ
كيوهيون:حليناه خلاص بس سول ما تعرفش حاجه عنه طبعا
شيون:صحيح هى عامله ايه
كيوهيون:حالتها اتحسنت لما قعدت مع اخواتها..و كانت متابعه مع دكتوره فى الصين هناك بس عايز اشوف دكتوره هنا ليها
شيون:مش هى بتروح لاريوم
كيوهيون:فكرك يعنى انى اسيب مراتى تحت رعايه واحده انا كنت معاها قبل كده مريحانى
شيون:انت من الاول سبتها
كيوهيون:علشان انا مش هفتكر كل واحده نمت معاهم ال11 سنه الى فاتوا يا شيون
شيون:بس سول مرتاحلها
كيوهيون:ما هى دى المشكله ان سول مرتاحلها..واريوم مش سهله انها تبقى عارفه انا مين وانها مراتى وتلعب دة كله ..انا حسيت انى مغفل..الى حايشنى عنها كيم
شيون:انت قولت مش هتفتكر كل واحده عرفتها خلاص اكيد مش هتأذى سول يعنى
كيوهيون:معرفش بقى هتعمل ايه
شيون: لو مش عايز تعترف لسول ممكن انا اكلمها
كيوهيون:مش فخور انا اوى بالماضى ده قدامها
شيون:خلاص فهمها انك قلقان منها وشوف دكتوره تانيه احسن وهى متفهمه
كيوهيون:هقول لجيهو تشوف الموضوع ده..خلينا دلوقتى فى الشغل ايه الصفقه الى بعتهالى
شيون:منتجع فى جيجو..الموضوع شكله مربح
كيوهيون:خلاص ابدأ..والى انت شايفه صح اعمله مش هناقشك حتى
شيون:انت الى قولت خليك فاكر
كيوهيون:ايوة انا الى قولت ممكن تسبنى اكمل شغلى وتطلع بره ارجوك
(بصله شيون باستحقار وخرج من مكتبه وقعد كيوهيون يكمل شغله...فى نفس الوقت فى البيت..طلعت هانا صحت سول)
هانا:مدام سول
(فتحت عنيها وهمهمت)
سول:الساعه كام يا هانا
هانا:الساعه 1
سول:طب بتصحينى ليه دلوقتى
هانا:مدام جيسيكا واقفه قدام البوابه ومصره تقابلك اتصل باستاذ كيوهيون
(اتعدلت بسرعه على السرير وبصت لهانا)
سول:لا ..خليها تدخل وانا هنزلها
هانا:بس هو كان قايلى لوجت ابلغه
سول:انا هبلغه بس بعد ما تمشى
(انحنت هانا ونزلت بلغت الحرس يدخلوها قامت من على السرير بصعوبه ونزلت لقت جيسيكا واقفه قدام الباب..بصتلها جيسيكا بحقد)
جيسيكا:انتى عايشه فى نعيم وابنى مرمى فى السجن وجوزك حتى مانع الزياره
سول:مش ده كله نتيجه غلطك
جيسيكا(علت صوتها):غلطى فى ايه
سول:انا حامل ومش عايزة الصوت العالى دة جنبى لو هتكملى كلامك بالاسلوب ده يبقى اكلم كيوهيون ييجى
جيسيكا:انا امه ما يقدرش يعملى حاجه
سول:بس انتى عارفه ومتأكده انه يقدر يأذى هوان..علشان كدة انتى جيتى هنا طالبه تقابلينى
جيسيكا:انا عيزاه يخرجه
سول:كيوهيون مفيش فى ايده حاجه..ابنك اعترف والقضيه رسميا فى ايد القاضى تقدرى بقى ترشيه او تعملى الى انتى عيزاه بس جوزى ملوش دعوه
(ركعت جيسيكا على الارض)
جيسيكا:ابنى ده الحاجه الوحيده الى ليا فى الدنيا
سول:مفيش حاجه اقدر اساعدك بيها
جيسيكا:عايزة اشوفه
سول:روحى لكيوهيون وقوليله
جيسيكا:انتى ليه بتعملى معايا كدة
(بصتلها باستنكار)
سول:انتى بجد بتسألى..انا لو سامحتك على الى عملتيه فيا مش هسامحك ابدا على الى عملتيه فى حق كيوهيون حتى لو هو سامحك ونسى انا مش هقدر
جيسيكا:قلبه قاسى فما تخافيش مش هينسى
سول:على ما اظن ان دة الوقت المناسب انك تمشى من هنا
(قامت جيسيكا من على الارض وبصت لسول بحقد)
جيسيكا:انتى فى بطنك طفل عنده جينات عيله تشو العيله الى من غير قلب
(بصتلها سول باستهزاء )
سول:مش لقب العيله بس الى من غير قلب ما انتى من عيله تانيه ومعندكيش قلب
(خرجت جيسيكا من القصر بعصبيه ..قعدت سول على كرسى قريب )
هانا:حضرتك كويسه
سول:اه يا هانا انا كويسه ..اتصلى بالدكتوره اريوم عايزة اتطمن عليهم
(انحنت هانا ليها)
هانا:ثوانى وهبلغها
(طلعت سول اوضتها غيرت هدومها ونزلت ركبت العربيه)
سول:ودينى الاول الشركه لكيوهيون
بيونج كى:استاذ كيوهيون ساب الشركه وراح اجتماع مع عميل ابلغه
سول:انا هكلمه
(اتصلت بكيوهيون)
سول:انا رايحه المستشفى دلوقتى
كيوهيون:فى حاجه انتى كويسه
سول:اه كويسه هروح بس اتطمن
كيوهيون:لما توصلى هتلاقينى هناك
(هزت راسها براحه وقفلت التليفون غمضت عنيها..فاقت على صوت بيونج كى)
بيونج كى:مدام سول احنا وصلنا المستشفى
سول:هكلم كيوهيون
(لقت الباب بيتفتح وكيوهيون بيمدلها ايده..ابتسمت وطلعت من العربيه)
كيوهيون:قولتلك هتيجى هتلاقينى هنا
(حطت ايديها على وشه)
سول:ماكنش ليه لزوم تسيب شغلك
كيوهيون:معنديش حاجه اهم منك..وكنت عايز نروح النهارده بصراحه بس قولت هتبقى تعبانه من السفر
سول:بس عايزة اتطمن عليهم الدكتوره قالت بلاش سفر
كيوهيون:كنت عايز كده برضه
(باس ايديها وطلعوا لعياده اريوم..طلعت سول على سرير الكشف وقعدت اريوم جنبها ومسكت جهازالسونار)
اريوم:النبض طبيعى وبيكبروا كمان بشكل طبيعى مفيش اى مشاكل
كيوهيون:هى اهم حاجه كويسه
(ابتسمت اريوم بسذاجه)
اريوم:ومش هتكون كويسه ليه..(بصت لسول وضحكت)عندك جوز بيخاف عليكى من اى حاجه يا مدام سول
(خلعت الجوانتى ورمته باستهزاء وراحت قعدت على مكتبها..بص كيوهيون لاريوم بغضب..قربت الممرضه علشان تساعد سول.شاورلها تبعد وساعدها هو علشان تقوم..قعدت قدام اريوم)
سول:افضل حل اولد طبيعى ولا قيصرى
اريوم:انتى عايزة ايه
سول:انا مش عايزة حاجه انا عايزة الافضل ليهم
اريوم:لو ولدتى طبيعى هتقدرى تتحركى بعدها على طول وتبقى واعيه ليهم والقيصرى هتبقى محتاجه مساعد لفتره الم الجراحه مش افضل
(بصت سول لكيوهيون بتوتر..مسك ايديها)
كيوهيون:بس حاله سول مش هتسمح انها تولد طبيعى القيصرى افضل ليكى
سول:بس هما
كيوهيون:فى جميع الحالات الاتنين متاحين وهجيب مربيه لكل واحد فيهم
اريوم: القيصرى بس الجرح هيفضل فتره
كيوهيون:مش فارق معايا
(بصتله سول بحزن..ابتسم وطبطب على ايديها)
كيوهيون:هخلى كيم يجهزلك دكتور جراحه تجميل لو عايزه
(بصت لاريوم بامتنان)
سول:شكرا مش عارفه اقولك ايه
اريوم:لا شكر على واجب..(بصت لكيوهيون وابتسمت) اه صحيح نسيت تقول رأيك ايه فى البوكيه الى بعته مع الشوفير كان زوقى وليه ما ردتش على جوابى استنيت كتير
(بصت سول لكيوهيون بحيره)
سول:جواب ايه
كيوهيون:ما تشغليش بالك
سول:فى ايه
(فضلت باصه لكيوهيون)
اريوم:انت ما قولتلهاش اننا اتقابلنا من فتره فى محل الورد
(قاطعتهم الممرضه)
الممرضه:مدام سول ممكن تدخلى اوضه التحاليل علشان عينه الدم
(بصتله سول بقلق وقامت مع الممرضه)
كيوهيون:ثوانى وهاجى وراكى
(هزت سول راسها وخرجت..بص كيوهيون لاريوم باستهزاء)
كيوهيون:شفنا ايام اسوء من كدة علشان كلامك يأثر
اريوم:انا مش قصدى حاجه
كيوهيون:غلطه واحده كمان وصدقينى هتندمى ندم عمرك
(قامنت من على مكتبها وراحت عنده وركعت ومسكت ايديه)
اريوم:انا مش قصدى ازعلك منى
(زقها عنه وقام وقف)
كيوهيون:انا رحمتك من الطرد علشان توصيه كيم المره الجايه الى هتتكلمى فيها هاخد الرخصه بتاعتك
(جيه يخرج من العياده)
اريوم:فيها ايه زياده..عنى او عن خطيبتك الاولى
(بصلها كيوهيون وهو بيضحك)
كيوهيون:قولت برضه التصرفات المريبه دى لازم برضه يكون فى حد معاكى
اريوم:فيها ايه
كيوهيون:هى سانى رجعت انا فاكر انى بعتلها انذار كويس لما زارتنى فى البيت وضايقت سول
(بلعت اريوم ريقها بخوف ..ابتسم بسخريه)
كيوهيون:واضح انك عرفتى انا عملت فيها ايه..ما تخلنيش اكرره فيكى ..وابعدى عن طريقى وخلال ساعه تكون استقالتك فى مكتب كيم من غير ابداء اسباب..وكده فوز للطرفين..لا ثانيه هو فوز ليكى انتى بس هتفضلى محتفظه برخصتك وسمعتك
اريوم:تفتكر لو مراتك عرفت بالى عملته فى سانى..وانك كنت تعرفنى هتفضل معاك
(مسكها كيوهيون من ايديها وضغط عليها)
كيوهيون:مش انا الى اتهدد انا لو عايز ادمرك مش هستنى لغايه ما اخرج من هنا حتى
اريوم:كلام سانى كله حقيقه انا كنت معلقه نفسى بسراب انى بحبك ومتيمه بيك وكنت مستنيه الفرصه انى اشوفك..بس انت مخيف
(همس كيوهيون فى ودنها)
كيوهيون:واقدر اخلى حياتك جحيم
(جسمها قشعر وبعدت عنه)
اريوم:انا كنت بحسد مراتك دلوقتى انا بتمنالها تهرب منك انت انسان مريض وانانى حتى بتأذى الوحيده الى جنبك
(زقها وجيه يخرج من الاوضه لقى سول دخلت ..انتهبت انه وشه كله بقى لونه احمر واريوم على الارض اتكلمت بتوتر)
سول:فى ايه يا كيوهيون
(مسك ايديها وخرج بسرعه من المستشفى كان بيجرى لغايه ما وصلوا للعربيه غمض عنيه وخبط ايده كذا مره فى الباب..جريت عليه ومسكت ايده)
سول:فى ايه
(زق ايديها)
كيوهيون:ابعدى عنى يا سول دلوقتى
(بصتله بخوف وراحت حضنته من ضهره..وطبطت عليه)
كيوهيون:ابعدى
سول:ششششش انا جنبك مفيش حاجه
(كان بينهج بعنف..نفسه انتظم ولف بصلها)
سول:شششش كل حاجه هتبقى كويسه
كيوهيون:انا
سول:انا عيزاك تهدى انا معاك اهو
(بص فى عنيها وثوانى وكان واخد شفايفها بين شفايفه بعنف كأنه بيطلع غضبه ..بعد ما بعد حس بطعم دم فى بوقه ابتسمت وبصتله بهدوء)
سول:هديت
(فتح كيوهيون باب العربيه اول لما ركبوا)
كيوهيون:بيونج كى اطلع على البيت
(هز راسه واتحرك..ثوانى وقفل كيوهيون الفاصل ما بين الكرسى والكنبه..بصتله سول باستغراب)
سول:فى ايه
كيوهيون:علشان اهدى
(شدها وقعدها على رجله..فك شعرها ولمسه بالراحه وشفايفه لقت طريقها على رقبتها..فك الفستان بتاعه وساب ايده تلمس كل جزء فى جسمها صرخه بسيطه كان هتفلت منها بس كتمها بشفايفه..اتكلمت بصوت واطى وكل خليه فى جسمها بتترعش)
سول:كيوهيون مش هينفع هنا
كيوهيون:محدش يقدر يقولى لأ
(شهقت حطت ايديها بسرعه على بوقها وهو بيبصلها بعناد ..اول لما وصلوا البيت شالها وطلع بيها الاوضه قلعها الفستان ونيمها على السرير رفعها بعنف غمضت عنيها بألم همس على شفايفها)
كيوهيون:لوعايزنى ابعد قولى
(رفعت راسها وهمست فى ودنه بصوت بيتعرش)
سول:لو كل مره هخليك تهدى انا موافقه
(ابتسم وحضنها..صرخت وجسمها اتنفض ما بين ايديه بصلها براحه..ومدد جنبها ورفع الغطا عليهم..لمس وشها ..اتحركت بضعف ولفت ايديها حوالين وسطه وسندت راسها على صدره)
سول:ايه الى حصل
كيوهيون:فقدت اعصابى
سول:كيوهيون انت وعدتنى مش هتخبى عليا حاجه تانى
كيوهيون:بعدين يا سول لما ابقى شايف انى اقدر هقولك لما اقدر اواجهك
سول:ايا كان الى حصل اعرف انى جنبك مهما كان
كيوهيون:هشوفلك دكتوره تانيه غير اريوم
سول:الى انت عايزه
كيوهيون:عارف انك لازم ترتاحلها و
سول:مش مريحانى ما تقلقش
(غمضت عنيها بتعب)
كيوهيون:انا اسف لو اذيتك
سول:ريح شويه يا كيوهيون
(غمض عنيه ودفن راسه فى رقبتها ونام..صحى بليل على حركتها جنبه على السرير..فتح عنيها وبصلها)
سول:صحيتك
كيوهيون:فى ايه
سول:ابدا كنت بجيب روايه اقرأها لغايه ما تصحى
كيوهيون:مش هتتعشى..انتى طول اليوم ما اكلتيش
(باسته على خده)
سول:مستنياك ناكل سوا
كيوهيون:طب يلا
(مسكت ايده وقفته قبل ما يقوم من على السرير وممدت جنبه حطت راسها على صدره)
سول:عايزة اقولك على حاجه بس اوعدنى ما تتعصبش
كيوهيون:الكلمه دى بتعصبنى اكتر من الى هتقوليه
سول:جيسيكا جت هنا الصبح
(حاول يقوم ..ثبتته على السرير بأيديها)
سول:اسمعنى بس الاول..جت علشان موضوع زياره هوان ما عملتش حاجه
(زقها كيوهيون وقام من على السرير)
كيوهيون:انا منعت انها تدخل من البوابه ازاى هانا تخالف قرارى
سول:انا السبب مش هى
كيوهيون:سول
سول:عارفه انى غلطت بس هى كانت طالبه تقابلنى انا وانا كنت عايزة اعرف هى جايه ليه
كيوهيون:البنى ادمه دى انا كاره وجودها
سول:طب خليها تقابل هوان
كيوهيون:لا
سول:دة برضه ابنها
(ضرب كيوهيون صدره)
كيوهيون:وانا برضه ابنها..حتى لو هى مش معترفه بده
سول:بس انت مش محتاجها
كيوهيون:بس هحرق قلبها زى ما وجعونى عليكى
(قامت وقف قدامه واخدته فى حضنها)
سول:انت مش عايز تحرق قلبها انت عايز تعاقب نفسك وتثبت انك مش موجود فى حياتها..بس انت مش محتاجها
كيوهيون:هحرمها منه واخليه يتعفن هو وميونغ سو فى السجن
سول:كيوهيون ارجوك
كيوهيون:المره دى مش هسمعك وازاى اصلا تطلب منك انى اساعدها
سول:حاول تهدى
كيوهيون:مش ههدى يا سول ..ما تجبيش سيرتها او سيرتهم تانى كل الى عملوه فيكى انا برده ما لوثتش ايدى بدمهم القذر بس بخليهم يموتوا ببطء
(بصتله سول برعب)
سول:كيوهيون انت عملت ايه
كيوهيون:احسنلك ما تعرفيش
سول:كيوهيون
(اتكلم بغضب)
كيوهيون:قولتلك مش هسمحلك يأذوكى تانى دول لو وريتهم الرحمه مش هيسبوكى
سول:بس انت مش هتبقى عايز تأذى اخوك
(بصلها باستهزاء)
كيوهيون:انا ما سمعتش اسم اخويا ده طول عمرى ..انا عيلتى دلوقتى انتى ..انتى بس ولو قدرت اشيل لقب تشو هعملها يا سول
(خرج كيوهيون من الاوضه بعصبيه..قعدت سول على السرير مصدومه ودموع فلتت من عنيها..اتمالكت نفسها واتصلت بشيون)
شيون:فى حاجه يا سول
سول:هسألك سؤال بس جاوب عليا بصراحه من غير كدب
شيون:فى ايه
سول:كيوهيون عمل ايه بالظبط فى ميونغ سو وهوان لما رجع
شيون:ها..هيكون عمل ايه يعنى
سول:شيون ارجوك قولى الحقيقه انا محتاجه اعرف كيوهيون عمل ايه
شيون:لما رجع قدم ورق ضدهم للنايب العام تهرب ضريبى
سول:وايه غير ده
شيون:دفع فلوس وخلى القاضى ياخد حكم سريع ..ودلوقتى فاصل كل واحد فى زنزانه منفرده محدش اتكلم معاهم بكلمه ومانع الزيارات حتى الاكل بتاعهم بيدخلهم عن طريق شباك صغير بيخليهم يعانوا بس بطريقته
(مسحت على وشها بتعب)
سول:بيوصلهم للجنون
شيون:كل حاجه كيوهيون بيعملها
سول:علشانى انا عارفه بس انا مش عيزاه يأذى عيلته برضه
شيون:كل حاجه كيوهيون بيعملها دى الصح ..ما تلمهوش
سول:مش عيزاه يبقى ليه دخل بيهم تانى هيفضل شايل ذنبهم على رقبته
شيون:لو ما سيطرش عليهم وسمحلهم يخرجوا هيأذوه تانى.. هيأذوة بيكى انا عمرى ما شفت كيوهيون متعلق بحد للدرجه دى فارجوكى بلاش تسيطر عليكى مشاعرك وافهمي مشاعره
سول:اسفه انى عطلتك
شيون:فكرى فى كلامى يا سول.هوان عمره ما كان اخ كويس وجيسيكا اظن عرفتى بما فيه الكفايه وشفتى اكتر مش هيفرق معاهم انهم يدمروكى فى سبيل انهم يأذوة..طالما هوان فى السجن مش هتقدر تلمسك
(قفلت التيلفون وقعدت على السرير وضمت نفسها ساعه ولقته داخل وباصص فى الارض)
كيوهيون:انا اسف
(قامت من على السرير واترمت فى حضنه)
سول:انا الى اسفه مش هتكلم تانى عنهم
كيوهيون:انا خايف عليكى
سول:انا عارفه مش عيزاك تشيل ذنبهم
كيوهيون:انا ما بحسش بالذنب غير ناحيتك انتى..اما هما انا اتعذبت بما فيه الكفايه لذنوب هرتكبها لميه سنه قدام يا سول
(حطت ايديها على وشه بحزن)
سول:وماتحسش بالذنب ناحيتى انا كمان
كيوهيون:تعالى يلا علشان تاكلى
(شالها ونزلوا السفرا..نده على هانا)
كيوهيون:الى حصل الصبح هتبقى انتى المسؤله قدامى لو اتكرر
(انحنت هانا )
هانا:اوامرك
(وخرجت من الاوضه..بصتله سول بصدمه)
سول:انا الى قولتلها
كيوهيون:بس انا اوامرى هنا فى البيت ما ينفعش حد يكسرها الى اقوله يتنفذ..واعملى حسابك اى حاجه زى دى انا هعاقبهم هما مش انتى
(قام من على الكرسى وقفت بسرعه)
سول:هتطلع تنام
كيوهيون:لا رايح المكتب اخلص شويه حاجات
سول:هدخل اقعد معاك
(مسك ايديها ودخلوا سوا دخلت المكتب جابت روايه ومددت على الكنبه وهو قعد على المكتب..رفعت راسها وبصتله بتوتر..ما بصلهاش بس اتكلم وهو بيقلب فى الورق)
كيوهيون:بتبصيلى ليه
سول:احم انا عايزة بكره انزل
كيوهيون:زى النهارده
سول:لا عايزة اروح المكتبه
كيوهيون:مش فاضى بكره اوديكى
سول:ميهمش هروح مع بيونج كى
(بصلها كيوهيون بطرف عينه)
كيوهيون:مصممه
سول:ايوة
كيوهيون:خلاص ماشى
سول:اروح
كيوهيون:اه روحى
( قامت باسته على خدهورجعت تانى على الكنبه )
سول:شكرا
(مسك التاب فى ايده وبعت حاجه عليه وكمل شغله
كان كل شويه يرفع عينه ويراقبها وابتسامه تظهر على وشه..لغايه ما نامت راحلها وشالها طلعها الاوضه ونام جنبها..اتحركت وحطت ايديها عليه)
كيوهيون:انا مخيف اكتر من الى فى دماغك واسرارى الضلمه كتير عارف انك لو دخلتى فيها بشخصيتك دى مش هعمل حاجه غير انى اذيكى بس مش عارف اتخلى عنك
(همهمت وهو نايمه )
سول:انا بحبك
(ابتسم واخدها فى حضنه ...تانى يوم صحى كيوهيون وفوقها)
كيوهيون:سول
(فتحت عنيها بتعب)
سول:فى ايه يا كيوهيون
كيوهيون:مش هتروحى المكتبه
(بصتله سول بشك)
سول:مين الى كان معترض
كيوهيون:مش قولتى هتروحى مع بيونج كى ومعاكى الحرس خلاص
سول:ها
كيوهيون:لو مش قادره تروحى النهارده روحى بكره
سول:لا هروح ..هقوم اغير هدومى بس هنام شويه كمان
كيوهيون:معلش مش هفطر معاكى عندى اجتماع
سول:دلوقتى
كيوهيون:ايوة معلش
سول:خلاص ماشى يا حبيبى
(باس راسها ومشى..اتحركت على السرير بملل وغمضت عنيها كام ساعه..صحيت مفزوعه وقامت غيرت هدومها ونزلت..لقت هانا بتتكلم مع بيونج كى)
هانا:حضرتك رايحه المكتبه
سول: اه مش هتأخر علشان كيوهيون ما يقلقش
(ابتسمت هانا)
هانا:ترجعى بألف سلامه
(ابتسمت وركبت العربيه وصلوا للمكتبه لقت الباب بيفتح وواحد بينحنى ليه بصت لبيونج كى )
سول:مين
بيونج كى:الحرس بتوع حضرتك
سول:ها
هيون وو:طقم الحراسه الجديد
(خرجت من العربيه لقت 15 واحد..شهقت وهما كلهم بينحنوا ليها)
سول:هو كيوهيون اتجنن
بيونج كى:علشان يحافظ على سلامتك
(دخلت سول المكتبه ولقتهم ماشيين وراها فى كل مكان)
هيون وو:حضرتك عايزة ايه بدل ما تتعبى نفسك
سول:دى مثلا مكتبه فبتفرج
هيون وو:لو تعبتى ممكن نجبلك كل الكتب بالترتيب تشوفيها
سول:شكرا..كفايه الى انتوا عاملينه..هو ما منيفعش تخففوا الحراسه شويه
هيون وو:تعليمات سيد تشو
(بصتله سول بخيبه امل و اختارت الكتب شالها هيون وو وخرجوا)
سول:هتركبوا معايا كمان
هيون وو:لا بس الاوامر نفضل ماشيين وراكى لغايه البيت
سول:انا هروح الشركه
(شاور هيون وو للباقى يركبوا العربيات..ركبت سول العربيه)
سول:وصلنى لكيوهيون
بيونج كى:فى الشركه
سول:ايوة
(وصل بيونج كى للشركه..نزل هيون وو بسرعه وفتحلها الباب)
سول:هتطلعوا هنا كمان
هيون وو:قالنا ما نسبكيش دقيقه غير وانتى داخله باب القصر
سول:ايوة لو هو مش موجود
هيون وو:اوامره
سول:حاضر
(دخلت سول الشركه والحرس وراها..كأنه موكب بصت فى الارض بخجل وسرعت خطواتها لغايه ما وصلت للأسانسير ركب معاها هيون وو وانحنى الباقى )
سول:مش هيطلعوا معانا
هيون وو:هيسبقونا على السلم
سول:ها
(اتفتح باب الاسانسير فى الدور الاخير لقتهم واقفين قدام الباب وبينحنوا مكتبه)
سول:هو كيوهيون باعت معايا نينجا
هيون وو:معانا متدربين فى النينجا فعلا
(بصتلهم سول بخوف ووقفت قدام مكتب كيوهيونجت جيهو انحنت ليها)
جيهو:استاذ تشو فى اجتماع
سول:ممكن استناه جوه
جيهو:طبعا
(بصت سول لهيون وو)
سول:ممكن ادخل هنا لوحدى
هيون وو:اه اتفضلى
(دخلت سول المكتب ..بعد ساعه خرج كيوهيون من الاجتماع ومعاه شيون ودونغهى)
دونغهى:هو حد اقتحم مكتبك يا كيوهيون
كيوهيون:غالبا اه
دونغهى:مش ده هيون وو
(راح هيون وو وانحنى)
هيون وو:مدام تشو منتظره حضرتك
شيون:انت خليت سول تمشى بدول كلهم
كيوهيون:امال هسيبها وانا مش موجود
دونغهى:سول هتقتلك
شيون:حاول تخفف القيود شويه
(بصله كيوهيون بطرف عينه ودخل مكتبه لقاها قاعده على الكرسى بتاعه وبصاله بشر)
كيوهيون:شرف الزياره السعيده
سول:الفوج الى انت مخلينى امشى بيه
كيوهيون:كويس انى خلتهم 15 بس
(قعد على الكرسى وفك الكرافته شويه..راحت وقفت قدامه)
سول:كيوهيون انا كان شكلى وحش جدا فى المكتبه ومش همشى بيهم بقيه عمرى يعنى
(شدها قعدها على رجله ورجع شعرها ورا ودنها)
كيوهيون:لما ابقى معاكى مش همشيهم
سول:كيوهيون انا بستحمل حرسك انت بالعافيه والاتنين الى كانوا ورايا زى ضلى
كيوهيون:واستحملى باقى الحرس بتوعك عادى 2 من 15 ما فارقتش
سول:كيوهيون
كيوهيون:قلب كيوهيون
سول:يووة بقى
كيوهيون:عايزة ايه
سول:ما انت عارف
كيوهيون:مش هقلل حاجه
(قامت من على رجله )
سول:خلاص براحتك
(قامت وقف وشدها ليه)
كيوهيون:لغايه ما ابقى متطمن بس ممكن
سول:ماشى
(باس راسها)
كيوهيون:مش جعانه
سول:اوى
كيوهيون:تعالى هنروح ناكل بره
سول:موافقه ..بس بشرط
كيوهيون:قولت مش هقلل عدد الحراسه
سول:لا عايزة اروح الماركت اجيب حاجات
كيوهيون:لو كدة ماشى
سول:بس بلاش العدد دة كله يعنى
كيوهيون:حاضر هناخد هيون وو بس والباقى هيستنوا فى العربيه
سول:شكرا
(خرجوا من المكتب لقى دونغهى واقف وبيبتسم)
كيوهيون:اؤمر
دونغهى:هسلم على سول
كيوهيون:فكرنى ليه ما قتلتكش لغايه النهارده
دونغهى:علشان من جواك عارف انك بتحبنى
(ضحكت سول بخجل)
كيوهيون:انتى بتضحكى على كلامه
دونغهى:ها هنروح فين
كيوهيون:انا ومراتى هنروح فين
دونغهى:انت ومراتك ودونغهى هتروحوا فين
كيوهيون:هنروح نتغدى مثلا
دونغهى:يلا فى مطعم هايل اعرفه
(جيه شيون من ورا دونغهى وطلع محفظته)
شيون:وانا الى هدفع
(ابتسمت واتشعبطت فى دراع كيوهيون)
سول:يلا
كيوهيون:بس انا
(مشك دونغهى ايده)
دونغهى:يلا يلا
(شدوه لغايه ما راحوا المطعم)
كيوهيون:هتاكلى ايه يا حبيبتى
شيون:الاكل التايلاندى هنا حلو
(بصتله سول بفرح)
سول:ماشى هطلب زى شيون
دونغهى:وانا هطلب زى سول
(بصله كيوهيون بطرف عينه)
دونغهى:اشمعنى انا الى بتبصلى كدة
(ضربه كيوهيون فى رجله)
كيوهيون:صدقنى نهايتك على ايدى
(طلبوا الاكل وبص دونغهى لسول بحب)
دونغهى:الصغنططين عاملين ايه
كيوهيون:صغنططين مين
(بصله شيون بصدمه وضربه)
دونغهى:ايه هانيول ونارى
كيوهيون:وانت مالك
دونغهى:تقنيا فى دروس اليوجا كنت متسجل ولى امرهم
كيوهيون:اه علشان كدة ما بقتش تروح
دونغهى:على فكره كان ده هيبقى افضل ليها وقت الولاده
سول:ما انا هولد قيصرى
دونغهى:بس الطبيعى احسن
(بصله شيون بقلق)
شيون:انت بتعمل ايه فى وقت فراغك
دونغهى:بشوف اسس التربيه وكدة علشان ابقى اساعد
كيوهيون:انا مش طايقه
شيون:ومين سمعك
(اتحط الاكل على الترابيزة..دقايق وقامت سول بسرعه على الحمام..قام كيوهيون وراها)
كيوهيون:سول فى ايه
سول:مش عارفه بس مش طايقه ريحه الاكل
كيوهيون:طب نمشى
سول:اه
(شالها وخرجوا لقوا شيون ودونغهى فى وشهم)
دونغهى:حصل ايه
كيوهيون:مش طايقه ريحه الاكل هنمشى احنا الاول
شيون:طيب
(طبطب شيون على كتف كيوهيون ..خرج من المطعم وركبوا العربيه سندت على كتفه)
سول:معلش
كيوهيون:على ايه
سول:انى ما خلتكش تاكل
كيوهيون:اصلا ماكنتش طايق دونغهى
(ابتسمت حط ايده على كتفها)
سول:هتودينى ماركت
كيوهيون:الى انتى عيزاه
(شاور لبيونج كى)
كيوهيون:اقرب ماركت من هنا
(هز بيونج كى راسه..دقايق وركن العربيه نزل بيونج كى فتح الباب لسول وهيون وو فتح الباب لكيوهيون..بصت سول لكيوهيون بطرف عنيها..ابتسم وهمس لهيون وو وراح مسك ايديها بعدت عنه )
سول:قولتله ايه
كيوهيون:هو بس الى يدخل والباقى يمشوا
(ابتسمت ومسكت ايده..دخلوا الماركت..شد كيوهيون عربيه الماركت وسول مشيت جنبه..كان بيبص حواليه بتردد)
كيوهيون:انتى عايزة ايه بالظبط
سول:اول مره تيجى
كيوهيون:اه
سول:فايتك كتير
كيوهيون:كنتى بتيجى مع مين -_-
سول:بوران..ساعات يى فنغ بس فى الصين غالبا
(شالها وحطها فى العربيه )
سول:كيوهيون انت بتعمل ايه
(بصلها بدون مشاعر)
كيوهيون:ما علشان انا ماشى بطفله كبيره وخايف عليها
سول:طب انا عايزة اجيب راميون
كيوهيون:وانا قولت الحاجات دى
سول:علشان خاطرى
(حرك العربيه لغايه قسم الراميون)
كيوهيون:عايزة ايه
(شاورت سول على كذا نوع)
كيوهيون:نوع واحد يا سول
سول:لا انا عايزدول كلهم
كيوهيون:يا حبيبتى دول كلهم غلط عليكى وعليهم
(اتكلمت زى الاطفال)
سول:كلهم
(شالهم ورماهم عليها فى العربيه)
كيوهيون:ارتحتى
سول:وعايزة شيكولاته وحلويات كتير
(زق العربيه واتحرك بيها.واى حاجه بتيجى فى طريقه بيحطها..بصت سول حواليها لقت كذا شخص واقف وماسك الموبايل بيصور)
سول:هو احنا الى بنتصور
كيوهيون:غالبا اه
سول:والموضوع مش مضايقك..مش المفروض يدونا خصوصيه
كيوهيون:لو عيزانى ارفع على كل الى واقفين دول قضيه مش مشكله
(هزت راسها زى العيال)
سول:لا لا يا حبيبى طبعا لا يا كيوهيون طبعا لااا
كيوهيون:انا كنت بقترح بس يا حبى
سول:ما تقترحش تانى يا قلبى..عايزة بقى فراوله
كيوهيون:سول هو الوحم جايلك متأخر
سول:اه جدا ليه
كيوهيون:حسيت
(شاور كيوهيون لهيون وو يبعدوا الموبايلات)
سول:هو علشان كدة بتجيبهم
كيوهيون:حياتى صعبه صح
سول:شويه
(جابت سول كل الى هى عيزاه وخرجوا روحوا على البيت)
كيوهيون:تعالى لازم تاكلى
سول:ممكن انام ساعه الاول تعبت اوى..هطلع اريح وانزل على طول
كيوهيون:هطلع اصحيكى بعد ساعه يا سول
(باسته على خده وطلعت الاوضه..دخل كيوهيون مكتبه..لقى دقات على الباب ودخلت هانا..بصلها )
كيوهيون:فى حاجه
هانا:انا يونج هوان واقف عند بوابه القصر
كيوهيون:خليهم يدخلوه
(دقايق عدوا عليه كأنهم سنين..دخل يونج هوان المكتب)
يونج هوان:مسمحولى اقعد ولا
كيوهيون:اتفضل
(راح قعد قدامه)
يونج هوان:عرفت ان سول حامل فى تؤام..مبروك
كيوهيون:عرفت منين
يونج هوان:انت فاكر انك الوحيد الى ليك عيون فى كل مكان
كيوهيون:لا طبعا امال ازاى هتقدر تأذينى
يونج هوان:المهم
كيوهيون:مستنيها من بدرى
يونج هوان:ساعد اخوك يخرج من السجن
كيوهيون:وده علشان
يونج هوان:علشان امك تعبانه بسببه
كيوهيون:انا بسمع الفاظ جديده لاول مره..امك واخوك
يونج هوان:مش دى الحقيقه
كيوهيون:انت عارف كويس انها مش حقيقه وانى لوحدى
يونج هوان:انت لازم
(بصله كيوهيون بعصبيه)
كيوهيون:انا مش لازم اعمل اى حاجه مش هساعده
يونج هوان:يبقى رجعلى منصبى وهقدر اساعده
كيوهيون:ساعده وانت فى مكانك
(بصله يونج هوان باستهزاء)
يونج هوان:عارف ان الحقيقه بتظهر دايما
كيوهيون:حقيقه ايه
يونج هوان:حقيقتك هتساعد هوان يخرج من السجن كل حاجه هتبقى طى الكتمان ..ما ساعدتهوش
كيوهيون:انت عارف انى مش هتأثر هقدر امحى كل حاجه
يونج هوان:بس جوازك هيتأثر مهماعملت مش هتهرب من الماضى
كيوهيون:انت هتستفاد ايه
يونج هوان:زى ما انت خايف ان مراتك تعرف حقيقتك انا عايزها تفضل جنبى حتى لو هى كرهانى بس انا عايزها
كيوهيون:هوان لو خرج هينتقم
يونج هوان:ولو مخرجش انا الى هنتقم منك..هديك اسبوع تاخد فيه القرار