✳ الجزء 41 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
خرجات من الدار و هي حانية راسها كتحسب الفلوس ببتسامة شعرها هابط على وجها و ابتسامة المنورة و خديداتها الحميمرين طالعة لمها في كلشي مشات نيشان المطعم ديال باها و دخلات ايه كتقلب عليه بعينيها ولكن ملقاتوش و مشات تاعطارت كتقلب عليه تنهدات و شافت واحد من الخدامة لي عندو
لمياء:عمي قادر
قادر(شاف فيها):بنتي لمياء خاصك شي حاجة
لمياء:كنقلب على بابا مبانش ليك
قادر:مشا قبيلة ا بنتي
لمياء(حكات شعرها):تتء صافي واخا ا عمي شكرا
جبدات تيلي من جيبها و دوزات الخط لباها و غادا مخنزرة حيت دارت معاه مع 12 باش يخرجو بجوج و موفاش بقات شحال عاد جاوب
لمياء:فينك ا بابا
صامد:انا حدا الدار
لمياء:حشومة عليك ا بابا معارفش اليوم نهاري كتخرجني او لا كتشري ليا لي بغيت و انت موفيتيش ياك ا بابا ياك
صامد(ضحك و حك شعرو):ياك ا بنتي ياك
لمياء(ضحكات):و غير بغيت نتفشش انت في دار
صامد:اه
لمياء(غاديا بزربة):صافي انا جاية
صامد:متعطليش و الا عتلقايني مشيت
لمياء:لا لا انا جاية دابا
قطعات كتضحك و زادت دايرة الكيت في ودنيها كتلعب في تيلي و هي مكايناش في هذه العالم و هذا اكبر غلاط كي ديروه البنات و الاولاد منين كي كونو غادين في الطريق مسمعاتش الكلاكصون نهائيا يالله زادت تقطع حتى كتحس براسها مجرورة من يديها و مبعدو من الطريق حتى خلعها دورات راسها و ولات شافت في السيد لي خرج كي رعرع حتى هو الخلعة راكباه
***:واش انت معندكش العينين باش تشوفي اااه حيدي داك الزبل
رضى(شنق عليه):ينعل مك انت لي شوف الطريق لي غادي مكسيري هذه حاجة تاني حاجة هذه الطريق انطيردي باش دوز منها حيد من لهنا حسن ما نوريك النجوم تحرك
دفعو على لوطو و ركب لا يجيبها في راسو بصح دار غلاط و بغا يفرعن عليهم حيت لقاهم صغار لكن طلع رضى خافظ سواريه ركب في لوطو ديالو و زاد دار عند لمياء لي باقا كترعد نتر ليها الكيت من ودنيها و خنزر فيها
رضى:شنو هذه الشي ا لمياء اااه
لمياء:مشي بلعاني درتها
رضى(شد وجها):مشي بلعاني كانت عتخصرك روحك شنو عيوقع ليا انا من موراك ا لمياء
لمياء(خرجات عينيها بصدمة):امم
رضى(وعا على راسو و تقاد):عودي تردي البال لراسك فين غادا
لمياء:-لدار
رضى:قدامي
تبسمات و زادت قدامو قلبها كي ضرب مزال ما ممتيقاش اشنو قال ولا خرج على فمو رضى من هذا شحال راد ليها البال و حاظيها من بعيد و فيه شخصية باه انه قادر يخلي مشاعر ديالو حتى على باه لي محاسش بولدو بلي حتى هو حاط العين عليها
داير يديه في جيبو وصلها الدار و وقف حدا الباب و دار عندها منين سمعها هضرات
لمياء:عتقولها لبابا
رضى:لا
لمياء(براتباك): شكرا اولد عمي
رضى(دار عندها):ردي بالك مرة أخرى
لمياء(ببتسامة):واخا بسلامة
مشات حلات الباب و دخلات هو زاد دخل الدار و في نفس الوقت مرادينش البال لغني لي كان خارج بحالو من الخدمة و هو يقشعو شاد وجه لمياء معجبو حال و شعل من الداخل ديالو✳ الجزء 42 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
دخلات الدار كتنفز فرحانة و قلبها كي ضرب دارت كتقلب على مها و مشات عندها الكوزينة عنقاتها فرحانة حتى ايناس صدماتها بتصرفها و اشنو دارت
ايناس:ياك لاباس اش هذه الفرحة
لمياء:ياء فرحانة ا ماما مالي منفرحش
ايناس:لااا الله يخليك ديما فرحانة ا بنتي
لمياء:فين بابا
ايناس:الفوق ا بنتي كي قاد الباب
صيفطات ليها بوسة في الهوى و طلعات الفوق لقاتو قاد الساقطة الباب و هي توقف عليه كيف ملاك الموت دورات مفزوع عندها
صامد:معتحيديش منك هذه القاعدة
لمياء(كضحك):لا ا بابا لا
صامد(دور يديه عليها):وصلك رضى
لمياء:اه ا بابا جيت معاه في طريق
صامد:مزيان بحال خوك الكبير
هزات راسها فيه كانت كتقلق من كلامو منين كي قول لينا خوك لا هو لا شرف لا رحال العائلة ولكن كلام رضى اليوم و كيفاش قال ليها اشنو عيوقع ليها خلا الامل يتسلل لقلبها و يزيد يضرب من ديما كتحماق عليه و كتموت عليه و منين خلات عينيها و هو بطل حياتها عنقولو مراهقة البنت منين كتوصل السن 18 السنة كتفوتها ولكن وخا فاتتها مزال نفس الاحساس شادها تبسمات ابتسامة عريضة و زيرات على باها بفرح
لمياء:اه ا بابا خويا لي معنديش
(في خاطرها من اعماق قلبها):و ان شاء الله يكون حبيبي
صامد(من الباب):ايناس ها حنا مشينا
ايناس:بسلامة
هز ليها براسو و خرجو بجوج غادين كي تمشاو حيت لالة شمس خدات لوطو دارت يديها في دراع باها و زادو كي تحتو صامد قريب لولادو بزاف داكشي لي مقدرش يعيشو مع ختو خلاه يتقرب منهم باش ميخسر حتى واحد فيهم و داير ما فجهدو باش يعيشهم عيشة مزيانة
لمياء(هزات راسها): بابا
صامد:نعام
لمياء:بغيت لوطو حتى انا واخا غير صغيرة عافاك
صامد:لا ا لمياء
لمياء:عافاك ا بابا كنواعدك منصوگهاش حتى تكون ماما ولا واحد من خوتي معايا
صامد:شكون عندك غير واحد
لمياء:و كاين راضية نادر شمس ابتسام سعد مصعب خويا
صامد:؛ رضى حتى هو نسيتيه
لمياء(عضات شفايفها و سكتات)
صامد:كتحشمي منو
لمياء(هزات راسها باه)
صامد:هكداك.نبغيك ا بنتي ولي ضراتك أجي قوليها ليا
لمياء:واخا ا بابا و دابا اشنو درنا
صامد:نتشاورك مع ماماك و جدك و جداتك و نشوفو
لمياء(جمعات يديها):عدير كيف دارت عمو شرف مع خالتو اكرام و ميمة عيشة
صامد (دور عليها يديه):ضروري
زادو كي تحتو بيناتهم و يتناقشو حتى دوزاتو بزز منو الوكالة كتدور على طونوبيلات و تشوف و تسارا و مخليها على خاطرها تشوف لي بغات و تختار لي بغات و من بعد يفكر واش ياخدها ليها او لا
منين سلاو داز بيها خدا ليها لي تشهات خاطرها و خدا ليها تيلي جديد لي وصاو ليه كلاو برا عاد رجعو الدار نيشان دار شرف دقات حلات ليها راضية و طلعات معاها الفوق لقات اكرام و رضى جالس معاهم كي ياكلو الكوطي خدودها حمارو منين شافتو تبسمات بشوية تحت عينيها تبسم و جلسات حدا اكرام مرة مرة كطل كتلقاه كي شوف فيها حتى هو اما صامد منين عرف بنتو دخلات عاد مشا الخدمتو