Enemies-to-lovers ၏ ခေါင်းဆောင်မင်းသားမှာ
နာမည်ကြီးသရုပ်ဆောင်မင်းသားဂယူဗင်း
ဇာတ်လမ်းကရိုးရှင်းပါသည်။မတည့်သည့်
လူနှစ်ယောက်က ခံစားချက်တွေပြောင်းလဲလာကာ ချစ်ကျွမ်း၀င်သွားတဲ့ ဖန်တရာတေနေသောဇာတ်လမ်းသာ ဖြစ်သည်။
မီဒီယာအစုံက ဖော်ပြထားသည့် သတင်းခေါင်းစဥ်တွေကို ဖတ်လိုက်ပြီး အရှေ့က သက်ပြင်းချနေသော မန်နေဂျာအစ်ကိုကို့ ဂယူဗင်း ရယ်ပြလိုက်သည်။
"သန်းကျော်ရမည့် ရုပ်ရှင်ကားကို စွန့်လွှတ်ပြီး
ဒီလိုပေါက်တိပေါက်ချာကားလေးမှာ ဘာလို့များ သရုပ်ဆောင်ချင်ရတာလဲ"
"အကျိုးလိုလို့ ညောင်ရေလောင်းတယ်လို့ပဲ
မှတ်လိုက်ဗျာ"
"မင်းက အဲကားလေးနဲ့ ဘာအကျိုးရမှာမို့လို့လဲ"
ပြောလည်းပြောချင်စရာပေ။ ဂယူဗင်းဆို ဒီနိုင်ငံတွင်သာမက အရှေ့ခုနစ်နိုင်ငံ အနောက်ခုနစ်နိုင်ငံအထိ
မသိတဲ့မရှိလောက်အောင် နာမည်ကျော်ကြားသည်။ရုပ်ရည်ရှိပြီး ဥစ္စာပေါတဲ့အပြင် အရည်ချင်းလည်းရှိသည်။ ကျော်ကြားချင်တဲ့ စန်းလေးရှိတော့
စသရုပ်ဆောင်ထဲက အခုချိန်ထိ အောင်မြင်မှုတွေက တရိပ်ရိပ်ထိုးတက်လာသည်။
အခုလည်း ဇာတ်အိမ်ခိုင်ပြီး ၀င်ငွေသန်းကျော်ရနိုင်တဲ့ ရုပ်ရှင်ကားကို လက်လွှတ်ပြီး အသေးစား
ပရောဂျက်သာသာ လူငယ်အကြိုက် ဒရမ်မာလေးမှာ ၀င်သရုပ်ဆောင်မယ် ဆိုပြီး ချုပ်ထားတဲ့
စာချုပ်ကိုလျော်ကြေးပေးပြီး လှမ်း ဖြတ်ခိုင်းသည်။ဂယူဗင်းတော့မသိ သူ၏မန်နေဂျာအစ်ကို
က တကယ်ကို ခေါင်းခဲနေရသည်။
****
"ရှန်ရှန်ရေ မင်းက တကယ်ကို ကံကောင်းတာပဲ"
ဖုန်းထဲက သတင်းကိုဖတ်ပြီး ရုတ်တရက်ပြောလာ
သည့် မန်နေဂျာအစ်မကြောင့် ရစ်ခီ
ကြောင်အ သွားသည်။
"ဘာလို့လဲ"
"မောင်လေး ရိုက်မယ့် ဒရမ်မာရဲ့ခေါင်းဆောင်မင်းသား ဘယ်သူထင်လဲ"
မန်နေဂျာအစ်မ၏ ပျော်မြူးနေသည့်
မျက်နှာကြောင့် ရစ်ခီ ခန့်မှန်းရရင်
" ကျန်းဟာအို?"
"ဟင် ဘယ်ကသာ ဟာအိုက ဘယ်လိုလုပ်
ဒီလိုဒရမ်မာအသေးလေးတွေကို ရိုက်မှာလဲ"
ကျန်းဟာအိုသည် နာမည်ကြီးအဆိုတော်ဖြစ်ကာ ယခုလက်ရှိ သရုပ်ဆောင်နယ်ပယ်ကိုပါ လွှမ်းမိုးထားနိုင်သည့် အနုပညာရှင်တွေထဲက တစ်ယောက် ဖြစ်သည်။
"ဟီးဟီး ဟုတ်သားနော် ဒါဆိုဘယ်သူမို့လို့လဲ"
"ဂယူဗင်းလေ"
"ဒါဆို ကျွန်တော် မရိုက်တော့ဘူး"
"ဟင် ဘာဖြစ်ပြန်တာတုန်း"
မန်နေဂျာအစ်မသည် အလန့်တကြားမေးလာသည်။
ရစ်ခီသည် အဲဒီကောင်နဲ့ ဘယ်တော့မှမတွေ့ချင်။
" ရှန်ရှန် မမ ပြောပြမယ် ဒီကားက လူငယ်အကြိုက်အသေးစားပရောဂျက်လေး ဂယူဗင်း လို
နာမည်ကြီးနဲ့ တွဲရိုက်ရတာ ကောင်းတာလေ အခေါက်၁၀၀မှာ ၁ခေါက်တောင်မရတဲ့
အခွင့်ရေးနော် ကံကောင်းရင် ဇာတ်ကားနဲ့အတူ
ရှန်ရှန်ပါနာမည်ကြီးသွားမှာ"
ရစ်ခီ သည်တက်သစ်စမော်ဒယ်လေးဖြစ်ကာ
ရုပ်ရှင်လောကထဲ ခြေဆန့်နိုင်ရန် ကြိုးပမ်းနေသည့် လက်သစ်လေးဖြစ်သည်။
ဟိုကားရိုက်မယ် ဒီကားရိုက်မယ်ဆိုပြီး ငြင်းနိုင်သည့် အခြေနေမှာမရှိ။ အဲကောင်အစား ရစ်ခီ
လေးစား သဘောကျရတဲ့စီနီယာ ကျန်းဟာအိုသာ ဖြစ်လိုက် ပါတော့လား။
"ဘာပဲဖြစ်ဖြစ်ကျွန်တော်မှ သူနဲ့တွဲမရိုက်ချင်တာ"
"ဟိုက ခေါင်းဆောင်မင်းသမီးနဲ့ပဲ တွဲရိုက်ရမှာလေ
ရှန်ရှန် နဲ့ဆုံလည်း အလွန်ဆုံး ၄၊၅ ခန်းပေါ့
သည်းခံလိုက် သည်းခံလိုက်"
ဘာ ၄၊၅ခန်းလည်း ရစ်ခီက ခေါင်းဆောင်မင်းသမီး၏အမြွှာမောင်လေးနေရာက
သရုပ်ဆောင်ရမည်ဖြစ်ကာ ခေါင်းဆောင်မင်းသားနဲ့ အစ်မ မတည့်သည်ကိုသိ၍ အစ်မထက်ပင် ပိုမုန်းနေသူ။ ဇာတ်ဆောင်နှစ်ယောက် ကြိုက်သွားရင်တောင် ဘေးက မီးသီးအပိုလေးလုပ််ကာ မရမက
၀င်ဖျက်ရမည့် မင်းသမီးပြီးလျှင် မင်းသားနဲ့
တွေ့ရအများဆုံး ဇာတ်ကောင်နေရာက
၀င်သရုပ်ဆောင်ရမည်ဖြစ်သည်။
အလကား သူ သဘောကျလို့လျှောက်ပြောနေတာ၊
အရင်ဆို ရစ်ခီကသာ မမ ကျွန်တော် မလုပ်ချင်ဘူးလို့ပြောလိုက်တာနဲ့ အိုကေ ဆိုတဲ့ လူက
ဂယူဗင်းနဲ့ ကျမှ အတင်းတွေ။
ရစ်ခီ နည်းနည်းလေးမှ မကျေနပ်ပါချေ။
"သူဘာသူ ဂယူဗင်းကိုတွေ့ချင်တာနဲ့ပဲ ငါကိုအတင်း"
ရစ်ခီဆိုတာ မကျေနပ်ရင် မကျေနပ်ကြောင်း
ပိစိလေး ပြတတ်သေးတာ။
"ဟယ် ဘာကသာ အဲကောင်ကိုမတွေ့ချင်ပါဘူး
ငါကတွေ့ချင်တဲ့သူ သပ်သပ် ရှိတယ် ဟီးဟီး"
မျက်နှာပိုးမသတ်နိုင်ဘဲ ပျော်မြူးနေသည့် မန်နေဂျာအစ်မကြောင့် ရစ်ခီ လက်မြှောက်လိုက်ရသည်။
ပြောလို့လည်းမရ။
ဂယူဗင်း၏ မန်နေဂျာအစ်ကိုနဲ့ ရစ်ခီ၏ မန်နေဂျာအစ်မသည် တွဲနေတာ ၅လ လောက်ရှိပြီ။ဂယူဗင်းရဲ့ များပြားတဲ့အချိန်ဇယားတွေကြောင့် သူတို့
နှစ်ယောက် တွေ့ရသည့်အခေါက်က ၅လအတွင်း လက်ချိုးရေလို့ ဆယ်ချောင်းတောင်မပြည့်။
ရည်းစားဖြစ်ခါစက အဖြေပေးပြီးချက်ချင်း
ဂယူဗင်းဖုန်းခေါ်လို့ ပြေးသွားရသည့်
မန်နေဂျာအစ်ကိုကြောင့် ရစ်ခီ၏ မန်နေဂျာအစ်မသည် ဂယူဗင်းအား တစ်ချက်မှအကောင်းမမြင်။
သူ့ရည်းစားလေးကို ခိုင်းစားနေတာ ဆိုပြီး
ရစ်ခီ ကို ဂယူဗင်း မကောင်းကြောင်းများလာလာ
ပြောပြတတ်သေးတာ။
*****
အရင်အပတ်ကအထိ လူစိတ်၀င်စားမှုမရှိသည့် ရုပ်ရှင်ကားလေးက ခေါင်းဆောင်မင်းသားက
ဂယူဗင်း ဆိုတဲ့သတင်းတက်လာပြီးကတည်းက
ဟိုက စပွန်ဆာ ထည့်လိုက်၊ဒီကကြော်ငြာထည့်လိုက်နဲ့ တိုးတိုးတိတ်တိတ်ပြီးရမည့် ဇာတ်ညွှန်းဖတ်ပွဲတောင် အဆောက်အုံရှေ့မှာ မီဒီယာအပြည့်နဲ့
ချောလိုက်တာ နတ်သားလေးကျနေတာပဲ ဆိုသည့် ချီးကျူးသံများကြောင့် ရစ်ခီ အနည်းငယ်တော့ကျေနပ်မိသွားသည်။
အမှန်ဆို သူချောတာ သူသိသားပဲ။သူများတွေကပါ သိကုန်တော့ ပိုပြီးတောင် ကောင်းသေးတာပေါ့။
"ဟီးဟီး ကျေးဇူးတင်.."
စကားတောင်မဆုံးသေးခင် ထိုလူတွေရဲ့ အကြည့်
ဦးတည်ရာကို တစ်ချက်ကြည့်လိုက်တော့ မျက်လုံးတွေက သူ့အနောက်အရပ်မှာသွားဆုံတယ်။
လှည့်ကြည့်လိုက်တော့ ဟိုကောင် ဂယူဗင်း။
နှာတစ်ချက်ရှုံ့ကာ ခြေကုန်သုတ်ပြေးဖို့ကြံလိုက်သည်။ ပိုရှည်တဲ့ခြေလှမ်းတွေက အလှမ်းပိုကျယ်ကာ ပခုံးပေါ်ကို ကျရောက်လာတဲ့ လက်ပိုင်ရှင်က
ပြေးကြည့်တာထက် ပိုသေချာတဲ့ ဂယူဗင်း။
"သူများတွေ ခြေလှမ်း ၁၀၀ လှမ်းရမယ့်အချိန်မှာ ကိုယ်ကတော့ ခြေလှမ်း ၉၀ ပဲ လှမ်းစရာလိုမယ်
ထင်တယ် မင်း ပုခုံးတွေက ခြေလှမ်း၁၀လှမ်းစာ ကျယ်နေလို့လေ"
ဖွီး ချီးကျူးတာလား ရွဲနေတာလား မသဲကွဲ။
ဂယူဗင်းရဲ့ ဒီလိုရန်လာစတတ်သည့်အကျင့်သည် ကျောင်းထဲကအခုထိ မပြောင်းလဲသေး။
အရင်လိုမနူးမနပ်ကောင်လေးမဟုတ်တော့တဲ့
ပန်ကာထိပ်က ၀က်အူလေး ရစ်ခီရှန်ကို
ဒီလို ရန်လာစလို့မရ။
ဘေးကမသိတဲ့သူတွေကတော့ ပုခုံးဖက်ကာ
ငယ်ပေါင်းကြီးဖော်တွေလို့ ရင်းနှီးနေတယ်လို့
ထင်ရပေမဲ့ တကယ်တော့မဟုတ်။
"ကိုယ့် ခြေတံတွေကရှည်တော့ တော်သေးတယ် ခြေလှမ်း၉၀ ကိုခဏလေးနဲ့ရောက်မှာ"
ရစ်ခီမျက်နှာကို စိုက်ကြည့်နေသည့် ဂယူဗင်းကြောင့် ရစ်ခီစိတ်ထဲ အချဥ်ပေါက်လာတော့သည်။
"နေပါဦး မင်းက ဘယ်ကိုသွားမှာမို့လို့ ဒီလိုတွေပြောနေတာလဲ အလကားကဗျာရူး၊စာရူး "
ချစ်လို့ကြည့်နေမှန်းသိ၊စိုက်ကြည့်နေမှန်းမသိတဲ့ တရုတ်လေး ကြောင့် ဂယူဗင်း ဗျာများရသည်။
သူဘာသူသာ ပန်ကာထိပ်က ဘာညာတွေးနေတတ်ပေမဲ့ တရုတ်လေးခေါင်းက ကောင်းကောင်းအလုပ်
မလုပ်တဲ့အကြောင်း သူသိတာပေါ့။
ရုပ်ရှင်ရိုက်နေချိန်တွင်လည်း နေ့လည်စာကို
မရိုး လောက်အောင် ဂယူဗင်းက ၀ယ်ကျွေးသည်။
ရစ်ခီကိုပဲမဟုတ် တစ်ဖွဲ့လုံးအတွက်ဖြစ်သည်။
စတော်ဘယ်ရီမစ်ရှိတ်နဲ့ ပေါင်မုန့်အသားညှပ်၊
စတော်ဘယ်ရီကိတ်နဲ့ စတော်ဘယ်ရီလက်တေး
အစရှိသည်ဖြင့် စတော်ဘယ်ရီ မပါလျှင်မပြီးသည့်
မီနူးများသာဖြစ်သည်။
အမြင်ကတ်သော်လည်း စတော်ဘယ်ရီကြိုက်တာမို့လို့ ရစ်ခီသည် ဂယူဗင်း၀ယ်လာသမျှ အကုန်စားသည်။တစ်ခုနဲ့မ၀လျှင်နှစ်ခုစားသည်။
ဂယူဗင်းသည်လည်း ရစ်ခီအတွက်
ပိုပိုသာသာလေး ၀ယ်လာပေးသည်။
ဟွန်း အလကား သူ့ကို အချိုအစားများပြီး
ဝ စေချင်နေတာ။
***
ရိုက်ကွင်းမှာ ရစ်ခီ၏ မန်နေဂျာသည် ဂယူဗင်း
ဖြစ်မှန်းမသိဖြစ်နေသည်။ ရစ်ခီ၏ မန်နေဂျာအစ်မသည် ဘယ်ဆီရောက်နေမှန်းမသိ။
ပြာတိပြာတာလေး ရစ်ခီသည် တစ်ယောက်တည်းလုပ်သော်လည်း အလွဲလွဲအမှားမှား။ ပထမတစ်ကြိမ်အဆူခံရပြီးကတည်းက ဂယူဗင်းသည် ရစ်ခီ ကိစ္စတွေဆို သိသိသာသာသော်လည်းကောင်း မသိမသာသော်လည်းကောင်း ၀င်ရောက်ကူညီ ရစ်ခီ အဆို
၀င်ရောက်စွက်ဖက်လာတော့သည်။
***
"စီနီယာ ဂယူဗင်းက ဟာရီ ကိုဆို
တအားကူညီပေးတာနော်"
"မဟုတ်ပါဘူး အစ်မ တို့ကလည်း"
ခပ်ရှက်ရှက်အသံလေးနဲ့ပြောလာသည့် ဟာရီ
ဆိုသည့် ခေါင်းဆောင်မင်းသမီး အား ရစ်ခီ
လှမ်းကြည့်မိသည်။
"အစ်မ ကြားတာနော် ဂယူဗင်းကလေ ဒီကားမှာ
ပါဖို့ ပရောဂျက်အကြီးကြီးတစ်ခုကိုတောင်
ဖြတ်လိုက်တာတဲ့ သရုပ်ဆောင်ကြေးကိုလည်း စေတနာနဲ့ ကူပေးတာဆိုပြီး နည်းနည်းလေးရလည်း အဆင်ပြေတယ်ဆိုပြီး ဒီကားမှာ ပါတာတဲ့နော်"
ဆံပင်ပြင်နေသည့် ဟာရီ နဲ့ အတူ အနောက်မှာ
ထိုင်နေသည့် ရစ်ခီကပါ တအံ့တသြ နားထောင်နေသည်။ အလကား ဖွန်ပြန်ပြီ ဒီ ဂယူဗင်း။
"ဟင် ဘာလို့အဲလိုလုပ်တာလည်း"
"အစ်မတို့လည်း မသိဘူးလေ ဂယူဗင်း
ဘာလို့အဲလိုလုပ်လဲဆိုတာ သူ အကြောင်းရှိလို့
နေမှာပေါ့ ဟာရီ နဲ့ ရင်းနှီးတယ်မလား
မေးကြည့်ပါလား ဂယူဗင်းကို"
"တော်ပြီ အစ်မတို့ကလည်း"
ဂယူဗင််း လို နာမည်ကြီးမင်းသားနဲ့
တစ်ကားတည်းတွဲသရုပ်ဆောင်
ခွင့်ရတာ ဟာရီ အတွက်တော့ ကြီးမားသည့်
ကံကောင်းခြင်းတစ်ခုဖြစ်သည်။
ဘာလို့ဒီလိုလုပ်လဲဆိုတာကို တွေးမိသွားတော့
ပန်းရောင်နုနုလေးတွေကို ကြိုက်တတ်သည့်
ဟာရီက သူ့အတွေးနဲ့အတူ မျက်နှာလေးထက်
ပန်းရောင်သန်းသွားသည်။
ရစ်ခီသည်လည်း သူ့အတွေးနဲ့အတူ
မျက်နှာလေးရဲလာသည်။ ရှက်နေခြင်းတော့မဟုတ် စိတ်ဆိုးခြင်းသာဖြစ်သည်။
"အလကား အလုပ်နဲ့ကိုယ်ရေးကိုယ်တာ
မခွဲတတ်တဲ့လူ"
ဘာတွေအလိုမကျမှန်းမသိ ဆူပုတ်ပုတ်ဖြစ်နေသည့် ရစ်ခီကြောင့် ဂယူဗင်း ခေါင်းကုတ်ရသည်။
တရုတ်လေးကို ပိုင်နိုင်ဖို့ တရုတ်လေးကိုပိုးပန်းမယ်ကြံ ကာမှ မျက်နှာရိပ်မျက်နှာကဲ ကြည့်ပြီး
အနားကပ်ရတာ သိပ်တော့မစွံ့။
သူများတွေများသိရင် အလကား မပိုင်ခင်ကတည်းက ဘောက်ကျဲလို့ အပြောခံရနိုင်တယ်။
အပြောခံရလည်း ဘာအရေးလဲ ဂယူဗင်းကသိပ်တော့ ဂရုမစိုက်ပေ။ဘောက်ကျဲဖြစ်ဖို့ဆို အရင်ဆုံး ဘဲ ရှိရမှာ။ သူတို့မှာရော ရှိရဲ့လားတောင်မသိ။
ကိုယ့်အတွေးနဲ့ကိုယ် တရုတ်လေးရဲ့ ရည်းစား
ဖြစ်နေတာလည်း ပျော်စရာပဲလေ။ ဒါပေမဲ့
မျက်နှာဆူပုတ်နေတဲ့ ရစ်ခီကိစ္စကို အရင်မေးရမယ်။
ဒီလိုချစ်စရာကောင်းအောင် ဆူပုတ်နေတာ
ကြာသွားရင် ဂယူဗင်းသေသွားနိုင်တယ်။
အရမ်းချစ်ဖို့ကောင်းလို့။
အဆူခံလို့များလားလို့ ဒါရိုက်တာကို အစ်အောင့်
ကြည့်တော့လည်း ဟိုကတောင် အလိုမကျတဲ့
ရုပ်လေးနဲ့မို့လို့ ရစ်ခီရှန်ကို ဒီနေ့ဘယ်သူမှမထိရဲရှာဘူးတဲ့။ မနက်ကတောင် အကောင်းကြီးရှိသေးရဲ့နဲ့
ဆံပင်ပြင်ပြီးကာမှ အခုလိုဆူပုတ်သွားတာက
"ဆံပင်ပြင်ပေးတာကို စိတ်တိုင်းမကျတာများလား"
/ အစ်ကို ရိုက်ကွင်းမှာဆံပင်ပြင်ပေးဖို့လူလေ
ကျွန်တော်အတွက် တာ၀န်ယူပေးထားတာ/
/အင်း/
/ရစ်ခီကိုပဲ ပြင်ပေးဖို့ပြောလိုက်မယ်/
/ရမလားကွ မင်းအတွက်ကရော/
/ဒါဆိုကျွန်တော်နဲ့တူတူပြင်ပေးဖို့ ပြောလိုက် ဟို အစ်ကိုရည်းစားကိုလည်း ပြောထားလိုက်ဦး/
ဂယူဗင်း၏ မန်နေဂျာလုပ်ရသည်က မလွယ်ပေ။
ဂယူဗင်း၏ အချိန်ဇယားသာ မက သူ၏
ချစ်ရေးချစ်ရေးကိစ္စများကိုပါ တာ၀န်ယူရသည်။ အဆိုးထဲကအကောင်းကတော့ ဂယူဗင်း ကျေးဇူးကြောင့် ရည်းစားတစ်ယောက်ရလာတာပဲဖြစ်တယ်။
/ချစ်လေးရေ..../
စသည်ဖြင့် ရည်းစားနဲ့ တီတီတာတာမပြောရဘဲ
ဂယူဗင်းရဲ့ ကိစ္စအဆင်ပြေရေးကိုသာ
ပြောရတော့သည်။စိတ်တွေလည်းညစ်ပါတယ်
ဟိုအူကြောင်ကြားရှန်က သူတို့မင်းသားကို
အမြန်ပြန်ကြိုက်မှ အေးမယ်။
___