سواد داعش

بارت 11.

بســم ألله ألرحــمــن ألرحـَيــم.

#سواد_داعش
بقلمي:-شمس أيسر

:-فضلاً وليس أمراً تصويت+تعليق بين الفقرات. نشر القصه.

حسابي الانستا للتواصل ji__nli

خاص الواتباد استقبل قصص.

~~~~~~~~~~~~~~~~~~~~~♡

:- من شخصين.. كلبي اشوي ويوكف الطلق زاد طلعت من الغرفه رحت للحمام ضليت ورا الباب

:- دخيلك ربي ساعدني دخيلج يا ام البنين دخييلككك يا رببب يا علي ياا عليييي.

اصيح وطلق مستمر سمعته وهوه يصيح

:- اطلعي بسرعهههه اطططلعععيييي يلاااا وييينننججج سيريينننن وييينننججججج

دفع الباب وهوه شايل جنطه وسلاحه سحلني وهوه يمشي واني حسيت هاهيه هذا اخر يوم اليه امشي ورا واصيح عليه.

:- حنموتت ويين ماخذنييي ويييننننن الله ياخذك ولك حموتتت.

:- سسدييي حلكجج خليني انتبه.

الموت كدامي كل جسمي صار باردد امشي ورا واني بداخلي هاهيه اني ميته كمت اتشاهد وهوه يسب

طلعنه من الباب ورمي مستمر
:- دنكي واي صوت ما اެࢪيٰډ

:- خلاني ورا ضهره وهوه يتلفت منا ومنا مجلبه بقميصه واصك ع اسناني ويا كل طلقه يفز كلبي واحس هاهيه اجتني طلقه واموت

نمشي بخفيه وبحذر اشهك وخوفف اكلني

:- حبابب حيكتلونه الله يخليك كلبي حيوكف من الخوف

:- بس اهدي وماكو شيء اسم الله عليج. قربني لحضنه ويا ما قربني. جلبي بيه قوي جلبييي واركضي بكل سرعتج لهذاك المكان يأشر واني ما مستوعبه

شنو الي كاعد يحجي اشلون اركض وين ويا مكان عقلي مشوش ولخوف الي بيه مو طبيعي ركض واني مجلبه بي وما اعرف وين ماخذني بالي مو وياي

وهوه يصيح عليه
:- لج اركضيي حنموتتتت. يسحل بيه ويركض واني ورا احس صحيت كمت اصرخخ

: حنموتتت ححننممووتتتت حنموتتتت وين ماخذنيييي ولك حنموتت الطلققققق

:- اشلونن ورطه بس ااارركككضيييييي ارركضييي
يعت بيه ويصيح ويا مكان نركض طب شي برجلي فرفحت

اضرب أبيده:- يمه يمهه شيي برجلي ما اكدر بعد حموتتت حموتت. ايده ملخته وهوه مستمر يسحل بيه وطلق صار بعيد بس مستمر

طبينه ابمنطقه ثانيه لزم حلكي واني امفرفحه الألم برجلي فضييع وهوه صافن بوجهي ما مفتهم وخر ايده

:- شبيج بس فهميني اشبيج

لزمت ايده وتوسل
:- ساعدني حموت ولك رجليه فات بيه شي واني اكلك اوكف وستمر تركض

:- اشلون نوكف وطلق مستمر باوع ع بيت

:- بس خلي اشوف بي احد انتضري اهنا واكفت ولبرد موتني ورجليه الالم يدك بكلبي ابجي واشهك ويا كل شهكه تطلع روحي

طلع واجه:- ع كيفج خلي ايدج ع جتفي يلا. سويت نفس مراد لزمني قوي وشالني

:- لالا نزلني حنوكع يمه ييمهه نزلني

:- ولج سدي حلكج خربب اشش اششش لا تخافين ما توكعين بس الزميني زين

_طب للبيت بي حديقه صغيره وممرد ع اليمنه وكبالنه صاله من طبينه جوه اباوع درج وحمام اصغير وغرف ثنين اباوع بل كاع دوشك كعدني عليه

واني الوب من الالم راح للمطبخ اشوي ورجع سحب رجلي واني اصيح

:-لالا عوفه عوففه موتتني وجع

:- اشلون اعوفه بس اتحملي هسة اطلعه زين اشلون طلعتي وحافيه

:- هوه انتَ انطيتني مجال حته البس وهذوله بس يرمون

:- اشلون انطيج مجال واحنه تحاصرنه

:- منو الدواعش؟

باوعلي صفح وما رد ما همني رجع ع رجلي واني كلساع لازمه ايده وهوه ينتر ويصيح

:- لاا اخخ عوففهه

:- لا إله إلا الله خبلتيني بسس خلي اطلعه مو شكي...
خلي اعرف اشتغل

:- ما ارييد عوففهه ما اريد موتتني اخخخ

:- خرب بروحي بويه بس خلي اطلعه وتخلصين ترا راح تلتهب واذب جراحه

_كام ورجع للمطبخ واني الوب اباوع رجليه بعده تذب دم اعصر بعيني واخذ النفس كوه رجع واني عيني عليه

بأيده سجينه بس صايره نصه سوده ويطلع منه دخان

:- شنوو هاي اشكاعد تسوي يمه حيكتلنيي الحكوليي

:- اشش ولج اشش ما اكتلج وين اكتلج كاعد اطلع الخ.. الي برجلج

:- اخافف ونبي يمه تأذيني تأذينييي ما اريد عوفنيي عوفني وخررر

:- ولله بس اتحملي خلي اطلعه رجلج اذا اضل هيج يكصوه الج بس خلي اطلعع الخ.. يلااا عاد شكيتيني تراا

جر رجلي اكثر واني اخرمش ايده سحبه اشوي صرخت حسيت الموت كدامي عض شفته ويباع بقهر هز راسه

بمعنى تحملي واني الوب ركز زين ويا رجلي من جره اكثر عضيت ايده بكل قوتي

:- وللج اااخخخخخخخ اششتتعلتت روحي اييدي اييددي مجلوبه اخخخ خرب خربب وخريييي اشتعل كبري

عيني تغوش محسيت بشي كعدت ع الالم وشي بارد ع راسي وصداع قاتل اون وابجي

:- هسه ع شنو تبجيت يابويه مو عيون بواري شني السالفه

:- وخرر كله من عندك كله من عندكك وديني الأمي ودينيي يمهه رجلي

:- راح اشك اهدوميي بس اسكتي ولله فضحتينه فضحتينه. سكتت والالم خف وبقى قليل رجع يشتغل

واني صافنه عليه كلساع يريد يكسر شي ويتنرفز ومعاجبه شي اباوع اكو صور معلكه بل حايط

استكشف المكان وكلساع صافنه ع شي واذكر كل الي صار اجت ابالي شهن فزيت ع صوته وهوه يحجي

:- كاعده تفكرين بشهن ورغد صح!

:- ايي اريدهم يمي

:- الله كريم بس خلي اطلعج منى

_ هزيت راسي رجعت اتصفن جسمي يوجعني رجعت نمت كعدت ع ضوه شمس يركع بوجهي اباوع باب الصاله مفتوح وهوى بارد اخذ نفس

احس اول مرا اتنفس طب وهوه لابس نص ردن ولجو بارد كعد بمكانه باوع عليه ابتسملي ورجع يكمل ورا

نص ساعه جابلي ريوك:- ايي تشربين جاي؟

:- اذا حار صب. سندت نفسي ع الحايط وخايفه رجلي توجعني اكلت اشكم لكمه ورجعت تمددت

:- هوه انتِ شنو اكلتي حته تشبعين

:- ما اެࢪيٰډ ولله شبعت. يدردم عليه واني مبتسمه اشلون منفعل باوعلي صفح

:- ولله فد فاهيه ارزل بيه وهيه فاتحه حلكه عليه تتبسم. يهز بأيده ويعيب واني ميته ضحك ع حركاته

ضحك بخفوت شال الاكل ورجع لمكانه ما اجاني نوم شبعانه رجع الالم اشوي ورجعت افكر قاطع تفكيري

:- هاج اعرف تضوجين جبتلج الكتاب الي تقريت بي هايي ترا مو بس هذا جبتلج بعد اثلاثه حته تكضين
بي وكت ماشي كولي بخل عليه

ضحكت عليه وع تعابير وجه هزيت راسي بمعنى لا ابتسم كمت اقرا ونسيت حته الالم اقرا وكمت اغفي

كعدت ع صوته وهوه يدردم باوعتله صفح واني طالعه روحي

:- بس كوليلي اشكد تناميت فهمينيي اشكد اشكد

:- هسه انتَ شعليك اني نايمه لو انتَ وذا اضل كاعده اضل مكابله وجهك؟

:- لا حشى هوه وجهي هم ينحمل هسه عوفج من هل سالفه تعاي اكلي ميت جوع ومنتضرج تكعدين

:- ليش ما اكلت شعليك بيه

:- لا إله إلا الله محمد رسول الله هسسه بسس اكلي بس اكلييي

_اكلت وهوه يدخن وياكل اتنرفزت

:- بس فهمني اشلون تاكل وتدخن ترا حتقيء لعبت نفس

:- استغفرالله. متنرفز ومعاجبه شي يتأفأف ذبيت الكمه ورجعت لمكاني صاح

:- اشبيج اشبييجج فهمينييي

:- لاا تصيح لا تصييح اذا ما تريد تاكل كوم لا اضل تسوي هييج اذا ميعجبك هذا الموجود ما اشتغل عندك

:- هاي اشكاعده تحجين بابه

:- مووو ششغلككك معليك معلييييك

:- استغفرالله ربي واتوب اليه عقلج شخط؟

:- ايي اييي شخط شخطط معليك معليييككك وخرررر

:- هسه منو يمج حته تكولين وخر هاي اشبيج بابه 

_ساكته خازرته وهوه يهز ايده شال الصينيه وكلساع يباوع عليه يهز ايده ويرجع يكمل شغل

ما اكدر اتحرك من ورا رجليه محتاجه حمام كمت اسند نفسي وابجي امشي ع رجلي الثانيه كمز هوه ويدردم

:- ليش ما كلتيلي اساعدج اوكفي لا اضغطين ع رجلج ع كيف. سندني وابجي متألمه طلعت لكيته واكف كدامي

:- روحي عادي اكدر امشي ما احتاج شي

:- ميخالف هسه اساعدج وبعدين انتِ امشي. سكتت رجعني المكاني ورجع يكمل ساعه يصيح وساعه يضحك وساعه معاجبه العجب

ضليت اقرا كتاب بس جسمي يوجعني وكلساع اون من الألم بس اسوي نفسي مابيه شي

:- بيج شي

:- لا مابيه

:- رجلج تأذيج مو

:- اذا تعرف السبب ليش تسئل

ضل صافن عليه يتلفت منا ومنا يريد شي يضربني بي ضميت راسي بل بطانيه

صاح
:- الله واكبرررر يييااارببب ليشش ذبيتلي هاي البنيه اشلون بلوه ربييي خلصنييي خلصنيييييي

طلعت تك من عيني واني اضحك عليه باع عليه وخزرني

:- هذني اعيونج مال افكزه

:- ه ه ه مضحك

:- استغفرالله ربي واتوب اليه يارب صبر ايوبب

كام من مكانه وطلع طلعت راسي واني اغلط عليه
وادردم وما منتبه منو يباع عليه مستمره اغلط واسب

:- والله يا الله هوه وجهك جنه مط.. الدماغ سزز معاجبه شي

:- يا هوه مط..  ولج؟

بلعت الكلمه وكوه اتنفس ما اريد اندار عليه خايفه كعد اكبالي واني ارمش ولدمعه بطرف عيني ابتسم بخبث

:- ايي عيني طلعت اني هيج مسوي بيج معذبج ومط.. وجل.. وخاي..؟؟ شنو هلكد كارهتني شمسويلج ولج؟

:- هاا لالا مو انتَ موو انتَ ثاني شي انتَ متستحيي كاعد يمي وخرر لك

:- لعد عليمن ع ابوي؟

:- رجعني الامي ررجعنييي ما اެࢪيٰډ ابقى اهنا

:- هم بجت همم بجتتت هم كالت اެࢪيٰډ امي ايي اشلون اشيلج واركض بيج واصيح خاله تعالي اخذي بنتج

:- ما ما ما رجعنييي رجعننييي ولله ما اكوللهم شي بس رجعني المكاني

:- اشلون اخذج فهميني بس فهميني اشلوننن يعني مكاعده اسمعين مكاعده اشوفين الحرب؟ 

:- ما اعرف اެࢪيٰډ ارجع معليه

:- يا صبر ايوب وحق الله ارجعج بس انطيني مجال

:- زين انتَ مو كلت حوديج لرغد!! 

:- اشلون اخذج وانتِ رجليج؟!

:- هم صح زين من اصير زينه تاخذني!

:- وعد اخذج واطلعج منا واوديج الامج

_هزيت راسي ورجع يشتغل واني هم اقرا صفنت عليه مندمج ويشتغل وكلساع يصيح ولجكاير ما بطلعه ما اعرف منين يجيب هل كميه حته الاكل باع عليه وخزته

:- صدك امنين اجيب الاكل واجيب الجكاير

ضحك مستهزء
:- معليج ارجعي اقري

:- اهووو هسه جاوب منين اجيبهم

:- من مكان معليج ارجعي اقري

يشتغل ويحجي وياي غميته ورجعت لزمت الكتاب اجه براسي بطل مي

:- اخخ هاي ليشش

:- حته مرا ثانيه ما اضليت تغمغمين جنج زعطوطه

:- ما غميتك لا تجذب

:- لا حوله ولا قوة الا بالله يعني تجذبين عينك عينكك اشكد صلفه

:- معليك اصلاً جذاب ما غميتك. هز راسه بتوعد ابتسمت بخبث رجع يتشتغل اشوي سمعت صوت

كأنو اكو احد يحجي ويا شخص ويطب للبيت هوه ما منتبه الصوت يتقرب اكثر شلت البطل وصلخته بيه واني ارجف باع عليه راد يصيح

:- اشش اشش ولك اسمع الصوتت دواعش دواعشش حيكتلونه اششش. ضل ساكت ويسمع للصوت ابتسم

باوعلي صفح اندك الباب كام طلعلهم رحب بيهم ختلت جو البطانيه اباع عليهم من التفحه بل بطانيه طببهم لغرفه الثانيه وهم يردون عليه

شلت نفسي اشوي اشوي اتقربت للغرفه اصنت عليهم

:- منو هاي البنت الي بل هول. ضحك الثانيه واردف

:- ابو قاسم بسلا وحده داعشيه وحبيته وحتزوجه

ضحك ورد عليه:- لا خويه شسالفه اެࢪيٰډ اعرف عليه بعد معلومات حته اسلمه

ضليت صافنه ع كلامه. يتبع.........

~~~~~~~~~~~~~~~~~~~~~~~~~~~~
برتوت لطيف مثلكم
اعتذر جداً بس مجان عندي نت حته انشر البارت

؏ـُمࢪيِ اتفاعلو ويا القصه حته انشر اكثر

وذا تكدرون انشرو بيه ++😂😂باجر ودوام وخايفه
وضايجه ما اެࢪيٰډ اداوم

؏ـُمࢪيِ استلم قصص عراقيه حسب الاحداث

تابعوني بحسابي اسوي بي فعاليات واسك ع الابطال
يمكن انشر فد اشياء للابطال🌚 وادللكم 😂

حسابي ji__nli

دمتم لي في حفظ الله ♥🌚.