First kiss
« យើងថើបឯងបានទេ? » សម្លេងស្រាលៗដូចជាសម្លេងខ្សឹបបានបន្លឺឡើងសួរទៅកាន់រាងតូចល្អិតដែលនៅឱបជាប់នឹងទ្រូង ឯអ្នកម្ខាងទៀតក៏ងក់ក្បាលញាប់ៗបញ្ជាក់ថាយល់ព្រម ព្រោះតែគេភ័យមិនដឹងត្រូវធ្វើបែបណាឡើយ ទើបមានតែយល់ស្របតាមការសុំរបស់រាងក្រាសដើម្បីឲ្យរួចខ្លួនសិនទើបបាន។
បន្ទាប់ពីទទួលបានការអនុញ្ញាតពីម្ចាស់សមីខ្លួនហើយ Jungkook ក៏ឱនមុខយឺតៗទៅក្បែរផ្ទៃមុខរបស់រាងតូចរួចក៏ខិតទៅជិតបបូរមាត់តូចស្ដើងពណ៌ផ្កាឈូកមួយនោះ មុននឹងនាយក៏គ្រប់គ្រងលើវាតែម្ដងដោយមិនមានការរង់ចាំយូរឡើយ។ Taehyung បើកភ្នែកធំៗខណៈដែលរាងក្រាសស្រាប់តែថើបចំបបូរមាត់របស់គេ ធ្វើឲ្យគេភ្ញាក់ផ្អើលព្រោះគេមិននឹកស្មានថាលោកម្ចាស់របស់គេមកឆក់យកស្នាមថើបលើកដំបូងនៅលើបបូរមាត់របស់គេនោះទេ។
« ហឹមមមម » សម្លេងក្រហឹមផុសឡើងតាមបំពង់ករ របស់ Jungkook ពេលការថើបកាន់តែយូរទៅនិងកាន់តែស៊ីជម្រៅ។ Taehyung មិនធ្លាប់មានបទពិសោធន៍ក្នុងការថើបនរណាម្នាក់ឡើយ ព្រោះនេះជាលើកទីមួយនិងជាស្នាមថើបលើកដំបូងរបស់គេផង ទើបធ្វើឲ្យគេរៀងឆ្គាំឆ្គងក្នុងការតបតស្នាមថើបទៅកាន់ Jungkook វិញ។ ដៃតូចៗទាំងគូលើកឡើងទៅទប់ដើមទ្រូងហាប់ណែនរបស់ Jungkook ឯដៃរបស់ Jungkook ទាំងសងខាងវិញក៏ឱបចង្កេះតូចអង្ក្រងមួយនោះដូចគ្នាដែរ។
« បបូរមាត់របស់ឯងផ្អែមណាស់ kitten » Jungkook បញ្ឈប់សកម្មភាពដែលថើបរាងតូចមុននេះ រួចងាកមកសសើរពីរសជាតិផ្អែមនៃបបូរមាត់មួយនោះ ដែលអ្នកម្ខាងទៀតបានត្រឹមតែនៅស្ងៀមឲ្យរាងក្រាសធ្វើអ្វីមកលើគេតាមតែអំពើចិត្ត។
« ផ្អែមជាងបបូរមាត់ផ្សេងៗដែលយើងធ្លាប់បានថើបមកពីមុនទៅទៀត » Jungkook បន្តពាក្យសម្ដីនិងលើកម្រាមដៃអង្អែលបបូរមាត់ដែលនាយបានប៉ះពាល់មុននេះ។
« ឯងដឹងទេ? ពេលដែលថើបនរណាម្នាក់យើងមិនដែលសុំការអនុញ្ញាតឡើយ! មានតែពួកគេមកថើបយើងមុនប៉ុណ្ណោះ ប៉ុន្តែសម្រាប់ឯងវិញ....! » Taehyung ក៏ងើបមុខឡើងទៅសម្លឹងមុខរាងក្រាសភ្លឹសៗបន្ទាប់ពីបានឮពាក្យសម្ដីរបស់នាយនាពេលអម្បាញ់មិញនេះ។ Jungkook ក៏សម្លឹងមុខរាងតូចវិញដូចគ្នា ដោយក្រសែរភ្នែកស្រទន់មិនកោងកាចមិនគួរឲ្យខ្លាចដូចជាពេលមុនៗនោះទេ។ នាយដាក់ភ្នែកសម្លឹងសម្រស់ដ៏ស្រស់ផូផង់របស់គេ ទាំងមិនចង់បញ្ឈប់ការគយគន់នូវសម្រស់ដ៏ស្រស់ស្អាតមួយនេះឡើយ វាស្អាតហួសថ្លែងស្អាតរហូតដល់ថ្នាក់រកពាក្យមកសរសើរពុំបាន។
« វា..វាគឺជាស្នាមថើបដំបូងរបស់ខ្ញុំ » ទីបំផុត Taehyung ក៏ហ៊ានហារស្ដីឡើងតបទៅកាន់រាងក្រាសវិញ ប៉ុន្តែនៅតែមានអាកប្បកិរិយាក្លបក្លាចនឹងនាយម្នាក់ដែលនៅចំពោះមុខគេដដែល។
« ឯងបរិសុទ្ធទេ? »
« លោ...លោកម្ចាស់សួរខ្ញុំធ្វើអី? » សុខៗសំណួរដ៏ចម្លែកមួយនេះក៏លេចចេញពីបបូរមាត់សង្ហាររបស់ Jungkook ចោទសួរទៅកាន់នាយល្អិតធ្វើឲ្យ Taehyung ងឿងឆ្ងល់ឡើងមកភ្លាមៗ។
« ឆ្លើយនឹងយើង kitten! មាននរណាធ្លាប់ប៉ះពាល់ឯងពីមុនមកដែរទេ? » Jungkook សួរម្ដងទៀតដោយសម្លេងយ៉ាងតឹងរឹងដាក់កំហិតចំពោះរាងតូច។
« គ្មា...គ្មាននរណាប៉ះពាល់ខ្ញុំទេហើយខ្ញុំ...ខ្ញុំក៏នៅបរិសុទ្ធដូចគ្នា! លោកម្ចាស់ជាមនុស្សទីមួយហើយដែលលូកលាន់ខ្ញុំបែបនេះ » Taehyung ឆ្លើយទាំងញ័របបូរមាត់តតាត់ ព្រមទាំងឱនមុខចុះគេចចេញពីក្រសែរភ្នែករបស់ Jungkook ទៀតផង។
« my innocent baby boy » Jungkook លើកដៃម្ខាងទៅក្រសោបថ្ពាល់របស់ Taehyung និងយកម្រាមដៃអង្អែលវាថើរៗដោយការថ្នមដៃបំផុត។
« លែង...លែងខ្ញុំបានទេ? » Taehyung សុំការអនុញ្ញាតពីរាងក្រាសឲ្យដោះលែងខ្លួនចេញពីការឱបរឹតរបស់នាយ ប៉ុន្តែអ្នកម្ខាងទៀតដូចជាមិនបានយកចិត្តទុកដាក់ស្ដាប់នឹងការសុំរបស់រាងតូចឡើយ មានតែទាញគេយកមកឱបកាន់តែជាប់បន្ថែមទៀត។
« ជាកូនបំណុលគ្មានសិទ្ធិតវ៉ានឹងអ្វីដែលយើងចង់ធ្វើទាំងអស់ » Jungkook និយាយខ្សឹបៗយ៉ាងស៊ីអារម្មណ៍ទៅកាន់រាងតូចដែលត្រូវបាននាយឱបរឹតជាប់មិនព្រមដោះលែងគេឲ្យទៅណា។ នាយល្អិតបានត្រឹមតែសង្ងំឲ្យគេឱប មិនរើបម្រាស់គេចចេញទៀតឡើយ ព្រោះគេដឹងច្បាស់ហើយថាគេមិនអាចយកឈ្នះនាយបានទេ។
« ប៉ុ...ប៉ុន្តែលោកម្ចាស់មានកម្មវិធីដែលត្រូវទៅ! »
« ពេលណាទើបឯងឈប់និយាយជាប់មាត់ជាមួុយយើង? » Jungkook សួរទាំងជ្រួញចិញ្ចើមពេលដែលរាងតូចនិយាយជាមួយនាយម្ដងៗតែងតែត្រដិតជាប់មាត់តែរហូត។
« ខ្ញុំខ្លាចលោកម្ចាស់ធ្វើ...ធ្វើបាបខ្ញុំ » Taehyung យកដៃទាំងសងខាងទប់ទ្រូងរាងក្រាសនិងឱនមុខចុះគេចចេញពីនាយទាំងខ្លាចថានាយនឹងធ្វើបាបខ្លួន។
« យើងឯណាទៅដាច់ចិត្តធ្វើបាបកូនឆ្មាតូចរបស់យើងនោះ? » Jungkook ចូកសក់ទង់ដែងទន់រលោងរបស់រាងតូចទៅក្រោយដើម្បីសម្លឹងមុខគេឲ្យបានពេញលេញ។
ចង្វាក់បេះដូងរបស់ Taehyung លោតឡើងដុកដាក់ៗស្ទើរផ្ទុះចេញមកក្រៅដោយមូលហេតុនោះគឺពាក្យសម្ដីដ៏គួរឲ្យចង់ស្ដាប់របស់ Jungkook ។ Taehyung ចូលចិត្តនរណាដែលនិយាយផ្អែមដាក់គេ នរណាដែលយកចិត្តទុកដាក់នឹងគេធ្វើឲ្យគេងាយនឹងចិត្តទន់ដាក់អ្នកនោះភ្លាមៗ។
« ខ្ញុំគិតថាលោកម្ចាស់គួរតែរៀបចំខ្លួនទៅចូលរួមកម្មវិធីបានហើយ » Taehyung តាំងចិត្តក្លាហាននិងនិយាយសម្រុះសម្រួលជាមួយនាយដើម្បីឲ្យនាយដោះលែងគេចេញពីការឱបមួយនេះ។
« នៅទីនេះហើយហាមទៅណាទាំងអស់! មិនអញ្ចឹងឯងនឹងបានដឹង *ជុប* » Jungkook និយាយបែបគំរាមឲ្យរាងតូចស្ថិតនៅក្នុងបន្ទប់របស់នាយហាមទៅណាទាំងអស់ពេលដែលនាយត្រូវចូលបន្ទប់ទឹកសម្អាតខ្លួន។ មុននឹងចេញទៅរាងក្រាសក៏ថើបបបូរមាត់របស់ Taehyung មួយខ្សឺតទើបលែងរាងតូចចេញពីការឱបរបស់នាយនិងចូលទៅក្នុងបន្ទប់ទឹក។
ដោយមិនចង់ជំទាស់នឹងបញ្ជារបស់រាងក្រាស Taehyung ក៏ដើរទៅអង្គុយចុងគ្រែរបស់ Jungkook រង់ចាំនាយតាមពាក្យសម្ដីបញ្ជា។
រំលងទៅប្រហែល 15 នាទីនេះសម្លេងទឹកធ្លាក់ក្នុងបន្ទប់ទឹកក៏បានស្ងាត់ ដូច្នេះមានន័យថា Jungkook បានបញ្ចប់ការងូតទឹករបស់នាយហើយ។
« kitten! យកកន្សែងឲ្យយើងបន្តិច » Taehyung ក៏ភ្ញាក់រលឹកចេញពីការគិតសញ្ជឹងរបស់គេវិញ ពេលដែលបានឮរាងក្រាសហៅឈ្មោះក្រៅដែលនាយតែងតែហៅគេមករហូតនោះ ទើប Taehyung ប្រញាប់ក្រោកឈរឡើងនិងដើរទៅយកកន្សែងដែលភ្ជួរទុកនៅឯទូរសម្លៀកបំពាក់ដើម្បីឲ្យនាយ។
តុក~តុក៚
« នេះកន្សែងរបស់លោកម្ចាស់! » Taehyung ឈរខាងមុខទ្វារបន្ទប់ទឹកនិងគោះបញ្ជាក់ប្រាប់រាងក្រាសថាគេបានយកកន្សែងមកឲ្យហើយ។ បន្ទាប់មកទ្វារបន្ទប់ទឹកក៏បើកចំហរឡើងបន្តិចដោយមានដៃលូកចេញមកក្រៅចាំយកកន្សែង ឯ Tae ក៏ប្រញាប់យកវាឲ្យគេទាំងភិតភ័យដដែល តែខណៈនោះទ្វារស្រាប់តែបើកចំហរធំឡើងដោយ Jungkook បានចាប់ករដៃរបស់រាងតូចអូសគេចូលទៅកាន់ខាងក្នុងបន្ទប់ទឹកធ្វើឲ្យ Tae អស់ចំហរដួលបុកដើមទ្រូងដ៏ហាប់ណែនរបស់នាយពេញបឹប។
Taehyung ក៏ស្លន់ស្លោនិងភិតភ័យមួយរំពេចពេលដែលរាងក្រាសអូសករដៃរបស់គេចូលបន្ទប់ទឹកទាំងគ្មានអ្វីបិទបាំង ប៉ុន្តែ Tae មិនបានឃើញអ្វីឡើយគេបិទភ្នែកយ៉ាងលឿននិងជិតឈឹងតែម្ដង ព្រោះខ្លាចថានឹងបានឃើញនូវអ្វីដែលគេមិនចង់ឃើញ។
Jungkook យកកន្សែងពីដៃរបស់រាងតូចដែលលើកឡើងហុចឲ្យនាយទាំងញញឹមចុងបបូរមាត់ពេលដែលបានយកឈ្នះក្នុងការញ៉ោះញ៉ងឲ្យរាងតូចអៀននឹងនាយ។ Taehyung គិតតែពីខំប្រឹងបិទភ្នែកនិងងាកមុខទៅម្ខាងទាំងញ័រខ្លួនប្រាណ ព្រោះគេដឹងថា Jungkook កំពុងតែចង់ញ៉ោះគេច្បាស់ណាស់។
« បើកភ្នែក! »
« អត់ទេ » Taehyung ក្រវីក្បាលញាប់ៗនិងខាំបបូរមាត់ខ្លួនឯងស្ទើររលាត់ស្បែកចេញឈាម។
« បើក »
« អ...អត់ទេ »
« យើងរាប់ពី ១ ដល់ ៣ បើឯងមិនបើកទេយើង នឹង....!! ១...២....»
« បើ...បើកហើយ » Taehyung បើកភ្នែកយ៉ាងរហ័សទាំងដកដង្ហើមញាប់ៗស្ទើរស្ទះខ្យល់ស្លាប់ ប៉ុន្តែគេនៅតែមិនហ៊ានងាកសម្លឹងអ្វីផ្សេងដដែល គេបែរមុខទៅចំហៀងខាងឆ្វេងនិងសម្លឹងទៅកាន់ឥដ្ឋការ៉ូជំនួសវិញដោយធ្វើភ្នែកព្រឹមៗទាំងបើកមិនទាន់ពេញៗនៅឡើយ។
« បែរមកនេះ » Jungkook លើកដៃក្រសោបមុខរបស់រាងតូចឲ្យបែរសម្លឹងមកកាន់នាយ ប៉ុន្តែអ្នកម្ខាងទៀតក៏បិទភ្នែកវិញទាំងភ័យស្លេកមុខស្លេកមាត់។
« យើងធ្វើលេងទេ បើកភ្នែកភ្លាម » Jungkook គំរាមទើបរាងតូចបើកភ្នែកយឺតៗតាមការបញ្ជា។ ពេលដែលបើកមកគឺគ្មានអ្វីដែលធ្វើឲ្យគេភ័យខ្លាចនោះឡើយ Jungkook បានស្លៀកកន្សែងហើយតាំងពីពេលណាក៏មិនដឹងដែរ។
« hehe លោកម្ចាស់បំភ័យខ្ញុំណាស់ » Taehyung សើចញឹមៗនិងស្ញេញដាក់នាយជាលើកដំបូង ព្រោះបានធូរស្រាលក្នុងចិត្តដែលមិនមានរឿងអ្វីកើតឡើង។ ឯ Jungkook វិញបន្ទាប់ពីបានឃើញ boxy smile របស់គេហើយក៏ស្ងាត់មាត់មិននិយាយអ្វីចេញមក ព្រោះនាយកំពុងតែផ្ចិតផ្ចង់គយគន់នឹងស្នាមញញឹមរបស់គេដូចជាមនុស្សធ្លាក់ក្នុងអន្លង់ស្នេហ៍អញ្ចឹង។
រីង~រីង៚
ខណៈនោះទូរស័ព្ទរបស់ Jungkook ក៏បានរោទ៍សម្លេងឡើងដែលបញ្ជាក់ថាមាននរណាម្នាក់កំពុងតែខលមក ទើបនាយក៏ភ្ញាក់ស្មារតីនិងដើរចេញពីបន្ទប់ទឹកទាំងគ្មាននិយាយអ្វីទៅកាន់រាងតូចមួយម៉ាត់។
Taehyung លួចដៀងភ្នែកសម្លឹងផែនខ្នងសររលោងរបស់ Jungkook ដែលកំពុងឈរនិយាយទូរស័ព្ទ ទើបនាយតូចក៏ឈានជើងចេញពីបន្ទប់ទឹកមកវិញរៀបនឹងបើកទ្វារចេញទៅក្រៅទៅហើយតែសម្លេងមួយនោះក៏បន្លឺឡើងហៅគេឲ្យបង្អាក់ដំណើរភ្លាមៗ។
« នរណាអនុញ្ញាតឲ្យចេញ? » Taehyung ស្កុបនៅមួយកន្លែងរួចក៏បែរខ្លួនយឺតៗទៅសម្លឹងរាងក្រាសដែលកំពុងឈរច្រត់ចង្កេះយ៉ាងកោងកាចសម្លឹងមកកាន់គេ។ Tae ភ្លឹកភ្លាំងនឹងរាងកាយសុទ្ធតែសាច់ដុំរបស់ Jungkook ឡើងក្រហមមុខក្ដៅភាយៗទៅហើយទើបរាងតូចប្រញាប់ឱនមុខចុះក្រោមវិញ។
« ព្រោះខ្ញុំមិនចង់រំខានលោកម្ចាស់ » Taehyung និយាយតិចៗសឹងតែស្ដាប់មិនចង់បានព្រោះគេមិនហ៊ាននិយាយខ្លាំងៗដាក់ Jungkook នោះទេ។
« កម្មវិធីចាប់ផ្ដើមនៅម៉ោង ៦:៣០ ឥឡូវម៉ោងទើបតែ ៥ ប៉ុណ្ណោះ! អញ្ចឹងសល់ពេលវេលាច្រើនឯងត្រូវរៀបចំខ្លួនឲ្យយើង » ដោយមិនរង់ចាំយូរ Taehyung ក៏ដើរទៅយកឈុតដែលរាងក្រាសត្រូវពាក់យកមកឲ្យនាយមាឌធំកំពុងជាប់និយាយទូរស័ព្ទ។
« ឈុតរបស់លោកម្ចាស់ » Tae ហុចវាទៅឲ្យនាយ
Jungkook ទទួលសម្លៀកបំពាក់របស់នាយពីដៃរាងតូចរួចក៏បញ្ចប់ការសន្ទនាមុននឹងរៀបចំស្លៀកពាក់នៅចំពោះមុខ Taehyung តែម្ដង។ Tae ឈរយ៉ាងត្រង់ភ្លឹងឱបប្រអប់ដៃរបស់ខ្លួនមកខាងមុខនិងឱនមុខចុះ ព្រោះមិនចង់លបលួចសម្លឹងរាងកាយនាយនោះឡើយ។
« kitten មកនេះ! » Tae ដើរទៅតាមការហៅរបស់ Jungkook ភ្លាមៗ
« កឹបឡេវឲ្យយើង » Taehyung សម្លឹងមុខនាយទាំងឆ្ងល់ហេតុអីក៏នាយម្នាក់នេះឲ្យគេកឹបឡេវអាវឲ្យទៅវិញ? ចុះរាល់ដងនាយកឹបខ្លួនឯងបានតើ!
ដៃតូចៗចាប់ផ្ដើមទាញអាវយកមកកឹបឡេវជាប់គ្នាម្ដងមួយគ្រាប់ៗយ៉ាងយកចិត្តទុកដាក់ ឯ Jungkook ឱនសម្លឹងមុខអ្នកដែលមានកម្ពស់ទាបជាងខ្លួនយ៉ាងស្ងៀមស្ងាត់ សង្ងំឲ្យគេកឹបឡេវអាវឲ្យខ្លួន។
« រួចរាល់ហើយលោកម្ចាស់ »
« ពាក់ក្រវ៉ាត់ករ បន្ទាប់មកក៏ផ្លុំសក់និងធ្វើសក់! » Jungkook បញ្ជារាងតូចឲ្យធ្វើគ្រប់យ៉ាងឯនាយល្អិតមិនមាត់ករអ្វីឡើយ រួចក៏ធ្វើតាមបញ្ជារបស់រាងក្រាសគ្រប់យ៉ាង។
ចំណាយប្រម៉ាណជិត ១០ នាទីអ្វីៗគ្រប់យ៉ាងក៏ហើយរួចរាល់ទាំងស្ងៀមស្ងាត់គ្មាននរណាម្នាក់និយាយអ្វីនោះទេមានតែសម្លេងខ្យល់ដកដង្ហើមប៉ុណ្ណោះ។
« ធ្វើការងារបានល្អ! ទៅវិញចុះ » Jungkook ទាញស្បែកជើងមកពាក់និងដេញឲ្យរាងតូចទៅវិញទាំងមិនសូម្បីងាកទៅសម្លឹងមើលគេ។ ឯ Tae ឮដូច្នោះហើយក៏ឱនគំនាបលាបន្តិចទើបចេញទៅវិញ។
« my good kitten » បន្ទាប់ពីរាងតូចចេញផុត Jungkook បែរមុខងាកទៅរកផ្លូវដែលគេបានចេញទៅមុននេះនិងនិយាយម្នាក់ឯងដោយភ្ជាប់មកជាមួយនឹងស្នាមញញឹមដែលស្នាមញញឹមមួយនេះវាកម្រនឹងបញ្ចេញមកណាស់។
To be continued........
***
1800+ words សរសេរសងឲ្យច្រើនព្រោះម្សិលមិញអត់បាន upload ជូន ☺️ enjoy babies.